Novak Djokovic : వరల్డ్ నంబర్ 1 నొవాక్ జకోవిచ్(Novak Djokovic)కు డేవిస్ కప్(Davis Cup 2023)లో వింత అనుభవం ఎదురైంది. క్వార్టర్ ఫైనల్లో బ్రిటన్ (Britain)పై విజయం అనంతరం కోర్టులో అతడు ఇంటర్వ్యూ ఇస్తున్న సమయంలో బ్రిటన్ అభిమానులు డ్రమ్స్ వాయించారు. ఆ శబ్దాలతో జకోకు చిర్రెత్తుకొచ్చింది.
‘నోర్మూసుకోండి. మౌనంగా ఉండండి. ఆటగాళ్లను ఎలా గౌరవించాలో నేర్చుకోండి. ప్రజలతో మర్యాదగా మెలగడం నేర్చుకోండి’ అని జకోవిచ్ వాళ్లపై ఆగ్రహం వ్యక్తం చేశాడు. హోరాహోరీగా జరిగిన మ్యాచ్లో సెర్బియా 2-0తో బ్రిటన్పై గెలుపొందింది.
Drama. 😮
🥁 The Team GB section was playing drums during Djokovic’s interview, after knocking Great Britain out of the Davis Cup:
Novak replied: “Learn how to respect players, learn how to respect people, you shut up, you be quiet.” pic.twitter.com/SNNsCcxtSn
— Olly 🎾🇬🇧 (@Olly_Tennis_) November 23, 2023
ఈ ఏడాది జోరుమీదున్న జకోవిచ్ అత్యధిక గ్రాండ్స్లామ్స్తో చరిత్ర సృష్టించాడు. ఫ్రెంచ్ ఓపెన్గా విజేతగా నిలిచి రఫెల్ నాదల్ (22 గ్రాండ్స్లామ్స్) రికార్డును బ్రేక్ చేశాడు. వింబుల్డన్ ఫైనల్లో కార్లోస్ అల్కరాజ్ చేతిలో కంగుతిన్న జకో.. యూఎస్ ఓపెన్(US Open 2023)తో మళ్లీ చాంపియన్ అనిపించుకున్నాడు. అంతేకాదు టాప్ సీడ్ సొంతం చేసుకున్నాడు. అదే ఊపులో ఈ సెర్బియా ప్లేయర్ తమ జట్టును డేవిస్ కప్ ఫైనల్కు తీసుకెళ్లాలనుకున్నాడు. కానీ, ఇటలీ సంచలనం జన్నిక్ సిన్నర్ సెమీస్లోనే జకో బృందానికి చెక్ పెట్టాడు.