Ravi Shastri: ఇండియానే ఫెవ‌రేట్ : ర‌విశాస్త్రి

Ravi Shastri: ఫైన‌ల్లో ఇండియానే ఫెవ‌రేట్ అని మాజీ కోచ్ ర‌వి శాస్త్రి తెలిపాడు. భార‌త జ‌ట్టు త‌మ గేమ్‌ప్లాన్‌కు కట్టుబ‌డి ఉంటే స‌రిపోతుంద‌ని చెప్పాడు. భార‌త ఆట‌గాళ్లు ఒక‌వేళ ఫైన‌ల్‌లో కూల్‌గా ఆడితే విజ‌యం మ‌న‌దే అవుతుంద‌న్నాడు.ష‌మీ స్ప్రింట్ చేస్తున్న తీరు హైలెట్ అని, బాల్‌ను విస‌ర‌డం, అది ల్యాండ్ అయిన తీరు బ్యాట‌ర్ల‌కు ద‌డ‌పుట్టిస్తోంద‌ని పేర్కొన్నాడు.

చెన్నై: వ‌ర‌ల్డ్‌క‌ప్ ఫైన‌ల్లో ఆస్ట్రేలియాతో ఇండియా త‌ల‌ప‌డ‌నున్న విష‌యం తెలిసిందే. అయితే ఫైన‌ల్లో ఇండియానే ఫెవ‌రేట్ అని మాజీ కోచ్ ర‌వి శాస్త్రి(Ravi Shastri) తెలిపాడు. భార‌త జ‌ట్టు త‌మ గేమ్‌ప్లాన్‌కు కట్టుబ‌డి ఉంటే స‌రిపోతుంద‌ని చెప్పాడు. న‌గ‌రంలో జ‌రిగిన ఓ కార్య‌క్ర‌మంలో పాల్గొన్న ర‌విశాస్త్రి మాట్లాడుతూ.. భార‌త జ‌ట్టు ఫైన‌ల్లో ప్ర‌త్యేకంగా ఏమీ చేయాల్సిన ప‌నిలేద‌ని, జ‌ట్టులో అనుభ‌వం ఉన్న ఆట‌గాళ్లు ఉన్నార‌ని, భిన్నంగా ఏమీ చేయాల్సిన అవ‌స‌రం లేద‌ని, కివీస్‌తో మ్యాచ్‌లో ఆడిన తీరు అద్భుత‌మ‌ని, త్వ‌ర‌లోనే వాళ్లు క‌ప్‌ను అందుకుంటార‌ని ర‌విశాస్త్రి అన్నారు.

#WATCH | Chennai, Tamil Nadu | Ravi Shastri, former Head Coach of Indian Cricket Team says, “India will win the World Cup. They will start as favourites in the final. They have played outstandingly well and they don’t have to do anything different. They just have to carry on from… pic.twitter.com/lWmwVjvrmz

— ANI (@ANI) November 17, 2023

లీగ్ ద‌శ‌లో ఆస్ట్రేలియాను భార‌త్ ఓడించిన విష‌యం తెలిసిందే. కానీ అయిదుసార్లు ప్ర‌పంచ చాంపియ‌న్‌గా నిలిచిన ఆస్ట్రేలియా జ‌ట్టుకు ఐసీసీ ఫైన‌ల్స్‌లో మంచి రికార్డు ఉంది. భార‌త ఆట‌గాళ్లు ఒక‌వేళ ఫైన‌ల్‌లో కూల్‌గా ఆడితే విజ‌యం మ‌న‌దే అవుతుంద‌న్నారు. జ‌ట్టులోని ప్ర‌తి ఆట‌గాడు ఇప్పుడు రాణిస్తున్నార‌ని, ఒక‌రు ఇద్ద‌రు ఆడ‌డం కాదు, అంద‌రూ బాగా ప‌ర్ఫార్మ్ చేస్తున్నార‌ని ర‌విశాస్త్రి అన్నారు.

ప్ర‌స్తుతం టోర్నీలో ష‌మీ 23 వికెట్లు తీసి అగ్ర‌స్థానంలో కొన‌సాగుతున్నాడు. కివీస్‌తో జ‌రిగిన సెమీస్‌లో అత‌ను ఏడు వికెట్లు తీసిన విష‌యం తెలిసిందే. ఆదివారం జ‌రిగే ఫైన‌ల్‌లో ష‌మీ పాత్ర కీల‌కం కానున్న‌ట్లు శాస్త్రి అంచ‌నా వేశాడు. ష‌మీ స్ప్రింట్ చేస్తున్న తీరు హైలెట్ అని, బాల్‌ను విస‌ర‌డం, అది ల్యాండ్ అయిన తీరు బ్యాట‌ర్ల‌కు ద‌డ‌పుట్టిస్తోంద‌ని పేర్కొన్నాడు.

వ‌ర‌ల్డ్‌క‌ప్‌లో అన్ని మ్యాచ్‌ల్లో స‌రైన లెన్త్‌లో బాల్‌ను విసురుతున్నాడ‌ని శాస్త్రి తెలిపాడు. సెమీస్ మ్యాచ్‌లోనూ ష‌మీ చాలా చాక‌చ‌క్యంగా బౌలింగ్ చేశాడ‌ని, బంతిని స్వింగ్ చేయ‌డంలో స‌క్సెస్ అయ్యాడ‌ని, అందుకే ఎడ్జ్‌లు తీసుకున్నాయ‌న్నాడు.