Neil Wagner | న్యూజిలాండ్ స్టార్ పేస‌ర్ వీడ్కోలు.. 12 ఏండ్ల కెరీర్ సాగిందిలా..!

Neil Wagner : అంత‌ర్జాతీయ క్రికెట్‌కు మ‌రో క్రికెట‌ర్‌ వీడ్కోలు ప‌లికాడు. న్యూజిలాండ్ స్టార్ పేస‌ర్ నీల్ వాగ్న‌ర్ (Neil Wagner) రిటైర్మెంట్ ప్ర‌క‌టించాడు. అన్ని ఫార్మాట్ల నుంచి వైదొలుగుతున్న‌ట్టు అత‌డు వెల్ల‌డించాడు. ఆస్ట్రేలియాతో రెండో టెస్టుకు ముందే...

Neil Wagner : అంత‌ర్జాతీయ క్రికెట్‌కు మ‌రో క్రికెట‌ర్‌ వీడ్కోలు ప‌లికాడు. న్యూజిలాండ్ స్టార్ పేస‌ర్ నీల్ వాగ్న‌ర్ (Neil Wagner) రిటైర్మెంట్ ప్ర‌క‌టించాడు. అన్ని ఫార్మాట్ల నుంచి వైదొలుగుతున్న‌ట్టు అత‌డు వెల్ల‌డించాడు. ఆస్ట్రేలియాతో రెండో టెస్టుకు ముందే వాగ్న‌ర్ త‌న నిర్ణ‌యంతో అంద‌ర్నీ ఆశ్చ‌ర్య‌ప‌రిచాడు. దాంతో పుష్క‌ర కాలం సాగిన అత‌డి కెరీర్‌కు ముగింపు కార్డు ప‌డ‌నుంది. మంగ‌ళ‌వారం మీడియా స‌మావేశంలో వీడ్కోలు నిర్ణ‌యాన్ని ప్ర‌క‌టించిన ఈ ఫాస్ట్ బౌల‌ర్‌ కన్నీటిప‌ర్యంత‌మ‌య్యాడు.

‘సుదీర్ఘ ఫార్మాట్‌లో అద్భుతంగా రాణిస్తున్న స‌మ‌యంలోనే ఆట‌కు వీడ్కోలు ప‌ల‌క‌డం చాలా బాధ‌గానే ఉంది. అయితే.. క్రికెట్ నుంచి వైదొల‌గాల్సిన స‌మ‌యం ఆస‌న్న‌మైంది. దేశం త‌ర‌ఫున ఆడ‌డాన్ని ఎంత‌గానో ఎంజాయ్ చేశాను. ఈ సుదీర్ఘ ప్ర‌యాణంలో నాకు అండ‌గా నిలిచిన జ‌ట్టు స‌భ్యుల‌కు, ప్ర‌తి ఒక్క‌రికి ధ‌న్య‌వాదాలు’ అని 37 ఏండ్ల వాగ్న‌ర్ వెల్ల‌డించాడు.

Neil Wagner couldn’t hold back the tears after announcing his retirement from international cricket 😭 pic.twitter.com/qLf67c0AcV

— ESPNcricinfo (@ESPNcricinfo) February 27, 2024

64 టెస్టులు.. 260 వికెట్లు

న్యూజిలాండ్ విజ‌యాల్లో కీల‌క పాత్ర పోషించిన వాగ్న‌ర్ స్వ‌దేశంలో జ‌రుగుతున్న‌ ఆస్ట్రేలియాతో టెస్టు సిరీస్‌కు ఎంపిక‌య్యాడు. సిరీస్ మ‌ధ్య‌లోనే త‌న రిటైర్మెంట్ నిర్ణ‌యాన్ని బోర్డుకు తెలియ‌జేశాడు. దాంతో, ఫిబ్ర‌వ‌రి 29న జ‌రిగే రెండో టెస్టు స్క్వాడ్ నుంచి అత‌డిని రిలీజ్ చేయనున్నారు. ఇప్ప‌టివ‌ర‌కూ 64 టెస్టులు ఆడిన వాగ్న‌ర్ 260 వికెట్లు ప‌డ‌గొట్టాడు. రిచ‌ర్డ్ హ‌డ్లే త‌ర్వాత మెరుగైన స‌గ‌టుతో వందకు పైగా వికెట్లు తీసిన రెండో కివీస్ బౌల‌ర్‌గా అత‌డు రికార్డు నెల‌కొల్పాడు.

‘It was the right time to step down’

Happy retirement, Neil Wagner 👏

🔗 https://t.co/xBMbKjkWSN pic.twitter.com/QjL7bcmRVy

— ESPNcricinfo (@ESPNcricinfo) February 27, 2024

దేశ‌వాళీ క్రికెట్ కోసం

వాగ్న‌ర్ సొంత దేశం ద‌క్షిణాఫ్రికా. దేశ‌వాళీ క్రికెట్ ఆడ‌డం కోసం అత‌డు న్యూజిలాండ్‌లోని డ్యునెడిన్‌కు 2008లో వ‌ల‌స వెళ్లాడు. ఆ త‌ర్వాత ప‌ప‌మోవ‌కు మారాడు. అక్క‌డ నార్త‌ర్న్ డిస్ట్రిక్స్ త‌ర‌ఫున ఆడాడు. ఫ‌స్ట్ క్లాస్ క్రికెట్‌లో అద్భుత ప్ర‌ద‌ర్శ‌న‌తో జాతీయ జ‌ట్టుకు ఎంపికైన వాగ్న‌ర్.. 2012లో వెస్టిండీస్‌పై టెస్టుల్లో అరంగేట్రం చేశాడు. వెల్లింగ్ట‌న్‌లో జ‌రిగిన మ్యాచ్‌లో 39 ప‌రుగుల‌కే ఏడు వికెట్లు తీసి అత్యుత్త‌మ గ‌ణాంకాలు న‌మోదు చేశాడు.

ఇవి కూడా చ‌ద‌వండి

• Jan Vishwas Yatra | తేజస్వి జన్‌ విశ్వాస్‌ యాత్రలో అపశ్రుతి.. ఎస్కార్ట్‌ వాహనం డ్రైవర్‌ మృతి
• Deepa Dasmunsi | బీజేపీ నేత ఎన్‌వీఎస్‌ఎస్‌ ప్రభాకర్‌కు షాక్‌..! లీగల్‌ నోటీసులు పంపిన దీపాదాస్‌ మున్షీ