Naomi Osaka | ఇసుక తిన్నెల్లో విహారం.. టెన్నిస్ స్టార్ ఆనందానికి హ‌ద్దుల్లేవ్‌గా.. వీడియో

Naomi Osaka : మాజీ వ‌ర‌ల్డ్ నంబ‌ర్ 1 న‌వామి ఒసాకా(Naomi Osaka) మ‌రో టోర్నీకి సిద్ధ‌మవుతోంది. ఆస్ట్రేలియన్ ఓపెన్(Australian Open) తొలి రౌండ్‌లోనే వెనుదిరిగిన ఒసాక.. ఇసుక ఎడారిలో స‌ర‌దా ఆటలు, సాహ‌సాల‌తో ప‌సిపిల్లలా ఆనంద‌డోలిక‌ల్లో తేలిపోతోంది...

February 4, 2024 / 01:11 PM IST

Naomi Osaka | ఇసుక తిన్నెల్లో విహారం.. టెన్నిస్ స్టార్ ఆనందానికి హ‌ద్దుల్లేవ్‌గా.. వీడియో

Naomi Osaka : మాజీ వ‌ర‌ల్డ్ నంబ‌ర్ 1 న‌వామి ఒసాకా(Naomi Osaka) మ‌రో టోర్నీకి సిద్ధ‌మవుతోంది. ఆస్ట్రేలియన్ ఓపెన్(Australian Open) తొలి రౌండ్‌లోనే వెనుదిరిగిన ఒసాక.. అబూదాబీ ఓపెన్‌(Abhu Dhabi Open)లో అద‌ర‌గొట్టాల‌నే ప‌ట్టుద‌ల‌తో ఉంది. ఈ టోర్నీకి ముందు ఈ జ‌పాన్ సంచ‌ల‌నం యునైటెడ్ అర‌బ్ ఎమిరేట్స్‌లోని ఇసుక తిన్నెల్లో విహ‌రిస్తూ ఖుషీ అవుతోంది.

అక్క‌డి ఇసుక ఎడారిలో స‌ర‌దా ఆటలు, సాహ‌సాల‌తో ప‌సిపిల్లలా ఆనంద‌డోలిక‌ల్లో తేలిపోతోంది. డెజ‌ర్ట్ స‌ఫారీలో భాగంగా జీప్‌ను న‌డిపింది. ఆ వీడియో ఆన్‌లైన్‌లో వైర‌ల్ అవుతోంది. డుబ్ల్యూటీఏ 500 ఈవెంట్ అయిన అబూదాబీ టోర్నీ ఫిబ్ర‌వ‌రి 5న మొద‌ల‌వ్వ‌నుంది. క‌జ‌కిస్థాన్ అమ్మాయి ఎలెనా రిబాకీనా టాప్ సీడ్‌గా బ‌రిలోకి దిగ‌నుంది.

Naomi Osaka having some fun in the sands of Abu Dhabi.

So great to see her back at these tournaments. ❤️

pic.twitter.com/2Ie3heVWsg

— The Tennis Letter (@TheTennisLetter) February 3, 2024

పున‌రాగ‌మనంలో అద‌ర‌గొట్టాల‌నుకున్న ఒసాకాకు ఆస్ట్రేలియన్ ఓపెన్ తొలి రౌండ్‌లోనే షాక్ త‌గిలింది. ఫ్రాన్స్‌కు చెందిన 16వ సీడ్ క‌రొలినా గ్రేసియా (Carolina Gracia) చేతిలో ఆమె అనూహ్యంగా ఓట‌మి పాలైంది. హోరాహోరీగా జ‌రిగిన పోరులో 4-6, 6-7 (2)తో మ్యాచ్ చేజార్చుకుంది.

న‌వామి ఒసాకా

Osaka 1 F

కెరీర్‌లో నాలుగు గ్రాండ్‌స్లామ్స్ గెలిచిన ఒసాకా ఫామ్‌లో ఉండ‌గానే ఆట‌కు బ్రేక్ ఇచ్చింది. గ‌ర్భం దాల్చడంతో 2022 ఆస్ట్రేలియ‌న్ ఓపెన్ నుంచి వైదొలిగింది. అదే ఏడాది జూలైలో షై(Shai) అనే ఆడ‌బిడ్డ‌కు ఒసాకా జ‌న్మ‌నిచ్చింది. ఏడాది విరామ త‌ర్వాత ఆమె రాకెట్ ప‌ట్టింది. ఆస్ట్రేలియా ఆతిథ్య‌మిచ్చిన బ్రిస్బేన్ ఇంట‌ర్నేష‌న‌ల్ (Brisbane International)లో పున‌రాగ‌మనం చేసింది.