Visit:
చిత్తూరు జిల్లా కుప్పంలో 1989లో జరిగిన యధార్థ సంఘటన ఆధారంగా రూపొందుతున్న పీరియాడికల్‌ యాక్షన్‌ థ్రిల్లర్‌ ‘హరోం హర’. సుధీర్‌బాబు హీరోగా రూపొందుతున్న ఈ చిత్రంలో మాళవిక శర్మ కథానాయిక. జ్ఞానసాగర్‌ ద్వారక దర్శకుడు. సుమంత్‌ జి.నాయుడు నిర్మాత. ఈ నెల 31న సినిమా విడుదల కానుంది. హీరో సుధీర్‌బాబు పుట్టిన రోజు సందర్భంగా శనివారం ఈ సినిమాలోని ఓ పాటను మేకర్స్‌ విడుదల చేశారు.
‘మురుగడి మాయ..’ అంటూ రాయలసీమ యాసలో సాగే ఈ పాటను భరద్వాజ పాత్రుడు రాయగా, చైతన్‌ భరద్వాజ్‌ స్వరపరిచారు. రఘు కుంచె ఆలపించారు. మురుగన్‌ శక్తిని వర్ణిస్తూ ఈ పాట సాగుతుందని, సంగీతం, సాహిత్యం, గానం.. ఇలా అన్ని విషయాల్లో ఈ పాట అందరికీ నచ్చుతుందని మేకర్స్‌ తెలిపారు. ఈ చిత్రానికి కెమెరా: అరవింద్‌ విశ్వనాథన్‌.
