T20 World Cup 2024 | అమెరికా జ‌ట్టులో భార‌త్, పాక్ కుర్రాళ్లు.. గుజ‌రాతీకి కెప్టెన్సీ

T20 World Cup 2024 : అంత‌ర్జాతీయంగా పెద్ద‌న్న‌గా పేరొందిన అమెరికా(USA) ఈ ఏడాది టీ20 వ‌ర‌ల్డ్ క‌ప్ పోటీలకు ఆతిథ్య‌మిస్తున్న విష‌యం తెలిసిందే. మెగా టోర్నీకి కౌంట్‌డౌన్ మొద‌ల‌వ్వ‌డంతో ఆ దేశ క్రికెట్ బోర్డు తుది స్క్వాడ్‌ను ప్ర‌క‌టించింది.

T20 World Cup 2024 : అంత‌ర్జాతీయంగా పెద్ద‌న్న‌గా పేరొందిన అమెరికా(USA) ఈ ఏడాది టీ20 వ‌ర‌ల్డ్ క‌ప్ పోటీలకు ఆతిథ్య‌మిస్తున్న విష‌యం తెలిసిందే. మెగా టోర్నీకి కౌంట్‌డౌన్ మొద‌ల‌వ్వ‌డంతో ఆ దేశ క్రికెట్ బోర్డు తుది స్క్వాడ్‌ను ప్ర‌క‌టించింది. కెప్టెన్‌గా మొనాంక్ ప‌టేల్‌(Monank Patel), వైస్ కెప్టెన్‌గా అరోన్ జోన్స్‌లు ఎంపిక‌య్యారు.

అమెరికా సెలెక్ట‌ర్లు సెలెక్ట్ చేసిన 15 మందిలో భార‌త్, పాకిస్థాన్‌లో పుట్టిన ఏడుగురు ఆటగాళ్లు ఉండ‌డం గ‌మ‌నార్హం. బీసీసీఐకి గుడ్ బై చెప్పేసిన అండ‌ర్ 19 వ‌ర‌ల్డ్ క‌ప్ హీరో ఉన్ముక్త్ చంద్‌కు నిరాశే మిగ‌ల‌గా.. న్యూజిలాండ్ ఆల్‌రౌండ‌ర్ కొరే అండ‌ర్సన్ వ‌ర‌ల్డ్ క‌ప్ బెర్తు ద‌క్కించుకున్నాడు.

It’s almost time to defend our home turf in the @T20WorldCup! Here is our 15-player squad that will be representing the United States in the World Cup beginning on June 1!#WeAreUSACricket #T20WorldCup #TeamUSA #Cricket pic.twitter.com/phnzT2Ce48

— USA Cricket (@usacricket) May 3, 2024

అమెరికా తుది బృందం : మొనాక్ ప‌టేల్ (కెప్టెన్), అరోన్ జోన్స్(వైస్ కెప్టెన్), అనొరైస్ గౌస్, కొరే అండ‌ర్స‌న్, అలి ఖాన్, హ‌ర్మిత్ సింగ్, జెస్సీ సింగ్, మిలింద్ కుమార్, నిస‌ర్గ్ ప‌టేల్, నితీశ్ కుమార్, నొషుతుష్ కెంజిగే, సౌర‌భ్ నెత్ర‌ల్‌వాక‌ర్, షాడ్లే వాన్ షాల్క్‌విక్, స్టీవెన్ టేల‌ర్, శ‌యాన్ జ‌హంగీర్.

రిజ‌ర్వ్ ప్లేయ‌ర్లు : గ‌జానంద్ సింగ్, జున‌య్ డ్రైస్‌డేల్, యాసిర్ మొహ‌మ్మ‌ద్.

ముంబై కుర్రాళ్లు ఇద్ద‌రూ

కెప్టెన్ మొనాంక్ ప‌టేల్‌తో పాటు నిస‌ర్గ్ ప‌టేల్‌లు గుజ‌రాత్‌లో జ‌న్మించారు. ఆల్‌రౌండ‌ర్‌గా తుది బృందంలో చోటు ద‌క్కించుకున్న‌ హ‌ర్మీత్ సింగ్, సౌర‌భ్ నేత్రావాల్క‌ర్‌లు ముంబైలో, మిలింద్ కుమార్ ఢిల్లీలో పుట్టి పెరిగారు. పేస‌ర్ అలీ ఖాన్‌ది పాకిస్థాన్‌లోని అట్టాక్ సిటీకాగా.. శ‌య‌న్ జ‌హంగీర్ క‌రాచీకి చెందిన‌వాడు.