Visit:
WPL Retention List : మహిళల ప్రీమియర్ లీగ్‌ నాలుగో సీజన్ కోసం భారత క్రికెటర్లను ఫ్రాంచైజీలు భారీ ధరకు రీటైన్ చేసుకున్నాయి. విశ్వవిజేతగా అవతరించిన టీమిండియాలోని సభ్యులైన స్మృతి మంధాన(Smriti Mandhana), జెమీమా రోడ్రిగ్స్(Jemimah Rodrigues), రీచా ఘోష్(Richa Ghosh)ల బ్యాండు వాల్యూ పెరగడమే కాదు రీటైన్ ధర కూడా కోట్లకు చేరింది. స్వదేశంలో ముగిసిన వరల్డ్ కప్‌లో చెలరేగి ఆడిన మంధానను రూ.3.50 కోట్ల రికార్డు ధరకు ఆర్సీబీ రీటైన్ చేసుకుంది. వరల్డ్ కప్‌లో ప్లేయర్ ఆఫ్‌ ది టోర్నమెంట్‌గా ఎంపికైన దీప్తి శర్మ (Deepti Sharma)ను యూపీ వారియర్స్ వదిలేసింది.
ఆశ్చర్యమేమిటంటే.. ముంబై ఇండియన్స్ తమ కెప్టెన్ హర్మన్‌ప్రీత్ కౌర్(రూ.2.2 కోట్లు)ను కాదని నాట్ సీవర్ బ్రంట్(రూ.3.50కోట్లు)కు పెద్ద మొత్తం కట్టబెట్టింది. నవంబర్ 27న మెగా వేలం జరుగనున్న నేపథ్యంలో ఏ ఫ్రాంచైజీ వద్ద ఎంత సొమ్ము ఉంది? ఎవరెవరు వేలంలోకి వస్తున్నారు? అనేది చూద్దామా.
Presenting to you our WPL retentions, the Fab Four of RCB’s #ClassOf2026. 🥁🎺
The Queen 👸
The Fearless Finisher 🔥
The G.O.A.T 🐐
Namma All-Round Sensation 💪This is Royal Challenge presents RCB Shorts.#PlayBold #ನಮ್ಮRCB pic.twitter.com/bHDkdlmJHH
— Royal Challengers Bengaluru (@RCBTweets) November 6, 2025
మహిళా క్రికెట్‌కు కొత్త హంగులు తెచ్చిన డబ్ల్యూపీఎల్ నాలుగో సీజన్‌కు ముందే ఆసక్తి రేపుతోంది. వేలంపాటకు సమయం దగ్గరపడడంతో బుధవారం ఫ్రాంచైజీలు రీటైన్ ప్లేయర్ల జాబితాను వెల్లడించాయి. ముంబై ఇండియన్స్, ఢిల్లీ క్యాపిటల్స్ గరిష్టంగా ఐదుగురిని రీటైన్ చేసుకోగా.. గత మూడు సీజన్లలో ప్లే ఆఫ్స్ చేరలేకపోయిన యూపీ వారియర్స్ మాత్రం ఒక్కరినే అట్టిపెట్టుకుంది. జట్టులోని స్టార్ ప్లేయర్లు దీప్తి శర్మ, అలీసా హేలీతో పాటు ప్రపంచ కప్‌లో చెలరేగిన పేసర్ క్రాంతి గౌడ్‌ను సైతం వద్దనుకుంది. శ్వేతా షెరావత్‌ను మాత్రమే రీటైన్ చేసుకున్న యూపీ స్పిన్నర్ సోఫీ ఎకిల్‌స్టోన్, ఆసీస్ ఆల్‌రౌండర్ గ్రేస్ హ్యారీస్‌లను సైతం వదిలేసింది.
From a U19 T20 World Cup champion to a Warrior through and through — Shweta Sehrawat stays with us for #TATAWPL Season 4. 💜
The belief stays. The journey continues. 🔥#UPWarriorz #UttarDega pic.twitter.com/8z3V81OYxl
— UP Warriorz (@UPWarriorz) November 6, 2025
వరల్డ్ కప్ సెమీ ఫైనల్లో ఆస్ట్రేలియాపై అజేయ శతకంతో భారత్‌ను గెలిపించిన జెమీమా రోడ్రిగ్స్‌ను ఢిల్లీ క్యాపిటల్స్ అట్టిపెట్టుకుంది. ఫైనల్లో బ్యాటుతో, బంతితో రాణించిన ఓపెనర్ షఫాలీ వర్మతో పాటు జెమీమాను రూ.2.2కోట్లకు ఢిల్లీ అట్టిపెట్టుకుంది. ప్రపంచకప్‌లో అదరగొట్టిన దక్షిణాఫ్రికా పేసర్ మరిజానే కాప్, ఆస్ట్రేలియా పేసర్ అనాబెల్ సథర్‌లాండ్‌లను సైతం రూ.2.2కోట్లకే రీటైన్ చేసుకుంది.
BACK TO ROAR FOR DILLI 🐅💙 pic.twitter.com/m3nGGSMSLN
— Delhi Capitals (@DelhiCapitals) November 6, 2025
రెండుసార్లు ఛాంపియన్ ముంబై ఇండియన్స్ మాత్రం కెప్టెన్ హర్మన్‌ప్రీత్ కౌర్‌ను రూ.2.5కోట్లకే కొనసాగించింది. కానీ, ఇంగ్లండ్ నాయకి, ఆల్‌రౌండర్ నాట్ సీవర్ బ్రంట్(Nat Sciver Brunt)కు ఏకంగా రికార్డు స్థాయిలో రూ.3.50కోట్లు ముట్టజెప్పింది. అలానే.. వరల్డ్ కప్‌లో మెరిసిన అమన్‌జోత కౌర్(Amanjot Kaur) సైతం కోటి కొల్లగొట్టింది. విధ్వంసక ఓపెనర్ హేలీ మాథ్యూస్‌ను ముంబై రూ.1.7కోట్లకు అట్టిపెట్టుకుంది.
Mumbai, पाहा आपले 𝐑𝐞𝐭𝐚𝐢𝐧𝐞𝐝 stars! 🤩#AaliRe #MumbaiIndians #TATAWPL pic.twitter.com/tXnmFD0L8m
— Mumbai Indians (@mipaltan) November 6, 2025
రెండో సీజన్ ఛాంపియన్ అయిన ఆర్సీబీ స్టార్ ప్లేయర్లను అట్టిపెట్టుకుంది. మంధానకు రూ.3.50కోట్లు, వరల్డ్ కప్‌లో ఫినిషర్‌గా దంచేసిన రీచా ఘోష్(Richa Ghosh)కు 2.75కోట్లు ఖరారు చేసింది. ఆసీస్ ఆల్‌రౌండర్ ఎలీసా పెర్రీని రూ.2 కోట్లకు రీటైన్ చేసుకున్న ఆర్సీబీ.. ఆల్‌రౌండర్ శ్రేయాంక పాటిల్‌ను రూ.60 లక్షలకు కొనసాగించింది. మరోవైపు గుజరాత్ జెయింట్స్ (Gujarat Giants) అష్ గార్డ్‌నర్(రూ.3.5కోట్లు), బేత్ మూనీ(రూ.2.5కోట్లు)లను మాత్రమే అట్టిపెట్టుకుంది. వరల్డ్ కప్‌లో 571 పరుగులతో టాప్ స్కోరర్‌గా నిలిచినా లారా వొల్వా్ర్డ్త్‌ను సైతం గుజరాత్ వదిలేసింది.
Official Announcement 📣
We’re thrilled to announce the retention of our Aussie power duo, Ashleigh Gardner and Beth Mooney for the upcoming #WPL cycle! 🧡💪
Two Giants who define consistency, class, and champion mindset. ✨#GujaratGiants #BringItOn #Adani #WPL2026 pic.twitter.com/TEyPw1qvea
— Gujarat Giants (@Giant_Cricket) November 6, 2025
ముంబై ఇండియన్స్ : నాట్ సీవర్ బ్రంట్ (రూ.3.5 కోట్లు), హర్మన్‌ప్రీత్ కౌర్ (రూ.2.5 కోట్లు), హేలీ మాథ్యూస్(రూ.1.7కోట్లు), అమన్‌జోత్ కౌర్(రూ.1.0కోట్లు), జి. కమలిని(రూ.50 లక్షలు). ప్రస్తుతం ముంబై పర్స్‌లో 5.75 కోట్లు ఉన్నాయంతే.
ఢిల్లీ క్యాపిటల్స్ : జెమీమా రోడ్రిగ్స్,(రూ.2.2 కోట్లు) షఫాలీ వర్మ(రూ.2.2 కోట్లు), మరినే కాప్(రూ.2.2 కోట్లు), అనాబెల్ సథర్‌లాండ్(రూ.2.2 కోట్లు), నిక్కీ ప్రసాద్ అన్‌క్యాప్డ్(రూ.50 లక్షలు). ఢిల్లీ పర్స్‌లో రూ.6.75 కోట్లు ఉన్నాయి.
యూపీ వారియర్స్ : శ్వేతా షెరావత్ (రూ.50 లక్షలు). పర్స్‌లో 14.5 కోట్లు ఉన్నాయి.
ఆర్సీబీ : స్మృతి మంధాన(రూ.3.5 కోట్లు), రీచా ఘోష్(రూ.2.75కోట్లు), ఎలీసా పెర్రీ(రూ.2 కోట్లు), శ్రేయాంక పాటిల్(రూ.60లక్షలు)లను మాత్రమే రీటైన్ చేసుకుంది. పర్స్‌లో 6.15 కోట్లు ఉన్నాయి.
గుజరాత్ జెయింట్స్ : బేత్ మూనీ(రూ.3.5కోట్లు), అష్ గార్డ్‌నర్(రూ.2.5కోట్లు). పర్స్‌లో రూ.9 కోట్లు ఉన్నాయి.
