George Krish | శ్రీనువైట్ల – శర్వానంద్ క్రేజీ ప్రాజెక్ట్ ‘జార్జ్ క్రిష్’ ఫస్ట్ గ్లింప్స్ వచ్చేసింది!

George Krish | టాలీవుడ్ చార్మింగ్ స్టార్ శర్వానంద్ హీరోగా, మాస్ అండ్ ఎంటర్‌టైనర్ల దర్శకుడు శ్రీనువైట్ల కాంబినేషన్‌లో వస్తున్న మోస్ట్ అవేటెడ్ ప్రాజెక్ట్ 'జార్జ్ క్రిష్' (George Krish).

George Krish | టాలీవుడ్ చార్మింగ్ స్టార్ శర్వానంద్ హీరోగా, మాస్ అండ్ ఎంటర్‌టైనర్ల దర్శకుడు శ్రీనువైట్ల కాంబినేషన్‌లో వస్తున్న మోస్ట్ అవేటెడ్ ప్రాజెక్ట్ ‘జార్జ్ క్రిష్’ (George Krish). ప్రముఖ నిర్మాణ సంస్థ ఏకే ఎంటర్‌టైన్‌మెంట్స్ బ్యానర్‌పై రామబ్రహ్మం సుంకర ఈ చిత్రాన్ని నిర్మిస్తున్నారు. దర్శకుడు శ్రీనువైట్ల పుట్టినరోజును పురస్కరించుకుని మేకర్స్ ఈ సినిమా నుంచి ‘ఫస్ట్ బూస్టర్’ పేరిట ఫస్ట్ గ్లింప్స్‌ను విడుదల చేశారు.

ఈ గ్లింప్స్ సినిమాపై అంచనాలను ఒక్కసారిగా పెంచేసింది. ఈ చిత్రంలో శర్వానంద్ రెండు విభిన్నమైన పాత్రల్లో కనిపించబోతున్నట్లు తెలుస్తోంది. ‘జార్జ్’, ‘క్రిష్’ అనే పేర్లతో ఈ రోల్ చేస్తుండటంతో సినిమాపై ప్రేక్షకుల్లో క్యూరియాసిటీ విపరీతంగా ఏర్పడింది. శ్రీనువైట్ల తనదైన మార్క్ ఎంటర్‌టైన్‌మెంట్ టేకింగ్‌తో పాటు ఫ్యామిలీ ఆడియన్స్‌ను అలరించే అన్ని హంగులతో ఈ చిత్రాన్ని తెరకెక్కిస్తున్నారు. ఇక ఈ చిత్రంలో ఫెమినా మిస్ ఇండియా మానస వారణాసి నాయికగా నటిస్తుండగా, సంగీత దర్శకుడు అనూప్ రూబెన్స్ అందిస్తున్న బాణీలు సినిమాకు అదనపు బలంగా నిలవనున్నాయి. అన్ని కార్యక్రమాలను పూర్తి చేసుకుని ఈ పండగ సీజన్‌కి సరిగ్గా సరిపోయే ఫ్యామిలీ ఎంటర్‌టైనర్‌గా ‘జార్జ్ క్రిష్’ సినిమాను వచ్చే ఏడాది సంక్రాంతి కానుకగా జనవరి 14న ప్రపంచవ్యాప్తంగా గ్రాండ్‌గా థియేటర్లలో విడుదల చేయనున్నట్లు మేకర్స్ అధికారికంగా ప్రకటించారు.