IPL 2023 | ఆఖ‌రి లీగ్ మ్యాచ్‌లో కొత్త జెర్సీతో ల‌క్నో.. కార‌ణం ఏంటంటే..?

IPL 2023 : ఐపీఎల్ 16వ సీజ‌న్‌లో ల‌క్నో సూప‌ర్ జెయింట్స్(Lucknow Super Giants) అద‌ర‌గొడుతోంది. ముంబై ఇండియ‌న్స్‌పై అనూహ్య విజ‌యంతో ప్లే ఆఫ్స్ రేసులో నిలిచింది. ల‌క్నో జ‌ట్టు రెగ్యుల‌ర్‌గా ముదురు నీలం రంగు జెర్సీతో బ‌రిలోకి దిగుతుంది. అయితే.. మే 20న‌ కోల్‌క‌తా నైట్ రైడ‌ర్స్‌తో జ‌రిగే ఆఖ‌రి లీగ్ మ్యాచ్‌లో మాత్రం ప్ర‌త్యేకమైన జెర్సీతో ఆడ‌నుంది. ఆట‌గాళ్లు మెరూన్(Maroon, Green colour) రంగు జెర్సీ ధ‌రించ‌నున్నారు.

IPL 2023 : ఐపీఎల్ 16వ సీజ‌న్‌లో ల‌క్నో సూప‌ర్ జెయింట్స్(Lucknow Super Giants) అద‌ర‌గొడుతోంది. ముంబై ఇండియ‌న్స్‌పై అనూహ్య విజ‌యంతో ప్లే ఆఫ్స్ రేసులో నిలిచింది. ల‌క్నో జ‌ట్టు రెగ్యుల‌ర్‌గా ముదురు నీలం రంగు జెర్సీతో బ‌రిలోకి దిగుతుంది. అయితే.. మే 20న‌ కోల్‌క‌తా నైట్ రైడ‌ర్స్‌తో జ‌రిగే ఆఖ‌రి లీగ్ మ్యాచ్‌లో మాత్రం ప్ర‌త్యేకమైన జెర్సీతో ఆడ‌నుంది. ఈ మ్యాచ్‌లో ఆట‌గాళ్లు మెరూన్(Maroon, Green colour) రంగు జెర్సీ ధ‌రించ‌నున్నారు. అందుకు ఓ కార‌ణం ఉంది.

కోల్‌క‌తాలోని ప్ర‌ముఖ‌ ఫుట్‌బాల్ క్ల‌బ్ మొహున్ బ‌గ‌న్‌కు(Mohun Bagan) నివాళి అర్పించ‌డం కోసం ల‌క్నో ఆట‌గాళ్లు ఈ స్పెష‌ల్ జెర్సీ వేసుకోనున్నారు. ల‌క్నోస్ గ‌జాబ్అందాజ్‌.. ఇప్పుడు కోల్‌క‌తా రంగులో ఉండ‌నుంది. ‘మొహున్ బ‌గ‌న్‌కు నివాళిగా మా జ‌ట్టు కొత్త జెర్సీతో బ‌రిలోకి దిగ‌నుంది’ అని ల‌క్నో ఫ్రాంఛైజీ యాజ‌మాన్యం ట్విట్ట‌ర్‌లో తెలిపింది. ల‌క్నో జ‌ట్టు కోల్‌క‌తాపై గెలిస్తే 17 పాయింట్ల‌తో నేరుగా ప్లే ఆఫ్స్‌కు క్వాలిఫై అవుతుంది.

Lucknow’s #GazabAndaz, now in Kolkata’s colours. 🔥

Our tribute to Mohun Bagan and the City of Joy. 🟢🔴 pic.twitter.com/JTaWpSB1vq

— Lucknow Super Giants (@LucknowIPL) May 18, 2023

స్టోయినిస్ విధ్వంసం

ప్లే ఆఫ్స్ రేసులో ఉన్న ల‌క్నో సూప‌ర్ జెయింట్స్ కీల‌క మ్యాచ్‌లో చెల‌రేగింది. ఉత్కంఠ పోరులో ముంబై ఇండియ‌న్స్‌పై 5 ప‌రుగుల తేడాతో విజ‌యం సాధించింది. ఈ సీజ‌న్‌లో రెండోసారి ముంబైపై పై చేయి సాధించింది. మొద‌ట బ్యాటింగ్ చేసిన ల‌క్నో జ‌ట్టులో మార్క‌స్ స్టోయినిస్(89 నాటౌట్ : 47 బంతుల్లో 4 ఫోర్లు, 8 సిక్స్‌లు) దంచి కొట్టాడు. అర్ధ శ‌త‌కంతో లక్నోకు పోరాడే స్కోర్ అందించాడు. రిటైర్డ్ హ‌ర్ట్‌గా మైదానం వీడిన కృనాల్ పాండ్యా(49) అత‌డికి స‌హ‌కారం అందించాడు. దాంతో, ల‌క్నో 3 వికెట్ల న‌ష్టానికి 177 ప‌రుగులు చేసింది.

ముంబైపై  గెలిచాక‌ సంబురాల్లో ల‌క్నో ఆట‌గాళ్లు

మొహ్సిన్  సూప‌ర్ స్పెల్

లక్ష్య ఛేద‌న‌లో ముంబై ఓపెన‌ర్ ఇషాన్ కిష‌న్(59) హాఫ్ సెంచ‌రీతో రాణించాడు.  ఆఖ‌ర్లో టిమ్ డేవిడ్(32 నాటౌట్) ధ‌నాధ‌న్ ఆడ‌డంతో రోహిత్ సేన‌ అవ‌లీల‌గా గెలుస్తుంద‌నిపించింది. కానీ, ల‌క్నో బౌలర్లు విజృంభించి ముంబైని 172 క‌ట్ట‌డి చేశారు. మొహ్సిన్ ఖాన్ 20వ ఓవ‌ర్లో కేవ‌లం 5 ప‌రుగులే ఇవ్వ‌డంతో ముంబైకి ఓట‌మి త‌ప్ప‌లేదు. దాంతో ల‌క్నో 15 పాయింట్లతో మూడో స్థానానికి ఎగ‌బాకింది.