IPL 2024 : ఐపీఎల్ 17వ సీజన్లో తొలి అర్థ భాగంలో హోరాహోరీ పోరాటాలు కనువిందు చేస్తున్నాయి. రెండు విజయాలతో జోరు మీదున్న సన్రైజర్స్ హైదరాబాద్(Sun Risers Hyderabad) తదుపరి మ్యాచ్లో పంజాబ్ కింగ్స్ (Punjab Kings)ను ఢీకొట్టనుంది. అయితే.. మొహాలీ వేదికగా జరగాల్సిన ఈ మ్యాచ్కు అడ్డంకులు తప్పేలా లేవు. ఎందుకంటే.. మొహాలీలోని ముల్లన్పూర్ స్టేడియం(Mullanpur Stadium)లో ఐపీఎల్ మ్యాచ్లు నిర్వహించొద్దని హైకోర్టులో ఒక లా స్టూడెంట్ ప్రజాప్రయోజన వ్యాజ్యం(PIL) దాఖలు చేశాడు.
ముల్లన్పూర్ స్టేడియంలో ఎలాంటి క్రికెట్ మ్యాచ్లకు బీసీసీఐ, ఇతర క్రికెట్ అసోసియేషన్లకు అనుమతి ఇవ్వొద్దని పంబాబ్ యూనివర్సిటీలో న్యాయ విద్య అభ్యసిస్తున్న నిఖిల్ థమ్మన్(Nikhil Thamman) పంజాబ్, హర్యానా హైకోర్టులో పిల్ వేశాడు.
PIL before Punjab and Haryana High Court to stop cricket matches at Mullanpur Stadium..
A law student has claimed that the stadium was constructed without necessary environmental clearances and has urged the Court to restrain the conduct of any cricket matches there, including… pic.twitter.com/owfxD66JAU
— VATS (@Sanjvats) April 8, 2024
ఐపీఎల్ పదిహేడో సీజన్ ప్రారంభానికి ముందే ముల్లన్పూర్ స్టేడియం నిర్మాణం పూర్తైంది. టోర్నీకి సమయం దగ్గరపడడంతో హడావిడిగా ఈ మైదానాన్ని ముస్తాబు చేశారు. అయితే.. స్టేడియం కట్టేటప్పుడు పర్యావరణ అనుమతులు తీసుకోలేదని ఆరోపిస్తున్న నిఖిల్.. ఆ గ్రౌండ్లో ఎలాంటి మ్యాచ్లు జరగకుండా చూడాలని కోర్టును ఆశ్రయించాడు. ఛత్తీస్గఢ్లోని పక్షుల సంరక్షణ(Bird Santuary) కేంద్రానికి 10 కిలోమీటర్ల పరిధిలోనే ముల్లన్పూర్ స్టేడియం కట్టారని తన పిల్లో రాసుకొచ్చాడు. అంతేకాదు జాతీయ వణ్యప్రాణి కేంద్రం అనుమతి తీసుకోవాలనే సుప్రీంకోర్టు మార్గదర్శకాలను బీసీసీఐ, పంజాబ్ క్రికెట్ అసోసియేషన్లు పాటించలేదని నిఖిల్ తన ఫిర్యాదులో పేర్కొన్నాడు.
ప్రస్తుతం హైదరాబాద్, పంజాబ్ జట్లు పాయింట్ల పట్టికలో వరుసగా ఐదు, ఆరు స్థానాల్లో ఉన్నాయి. ఇప్పటివరకూ నాలుగు మ్యాచులు ఆడిన ఇరుజట్లు రెండు విజయాలు సాధించాయంతే. ప్లే ఆఫ్ రేసు ఆసక్తికరంగా మారుతున్న నేపథ్యంలో ధావన్ సేన, కమిన్స్ బృందం మూడో విజయంపై కన్నేశాయి. పంబాబ్ సొంతగడ్డ అయిన మొహాలీలో ఏప్రిల్ 9వ తేదీన జరగాల్సిన మ్యాచ్పై హైకోర్టు తీర్పు కోసం ఇరుజట్లు ఎదురుచూస్తున్నాయి.
Meet up rituals done right ✅🤝 pic.twitter.com/WVcdiAyWLD
— SunRisers Hyderabad (@SunRisers) April 7, 2024