Kane Williamson: ఆఖ‌రి బంతి వ‌ర‌కు కేన్ పోరాటం.. కివీస్ స్ట‌న్నింగ్ విక్ట‌రీ

Kane Williamson: కేన్ చింపేశాడు. త‌న బోల్డ్ బ్యాటింగ్‌తో లంక్‌కు స్ట్రోక్ ఇచ్చాడు. చివ‌రి రోజు చివ‌రి బంతి వ‌ర‌కు సాగిన తొలి టెస్టులో కివీస్ బ్యాట‌ర్ అద్బుత‌మైన ఇన్నింగ్స్‌తో కేక పుట్టించాడు. 121 ప‌రుగుల‌తో విలియ‌మ్స‌న్‌ నాటౌట్‌గా నిలిచాడు.

March 13, 2023 / 01:18 PM IST

Kane Williamson: ఆఖ‌రి బంతి వ‌ర‌కు కేన్ పోరాటం.. కివీస్ స్ట‌న్నింగ్ విక్ట‌రీ

క్రైస్ట్‌చ‌ర్చ్‌: టెస్టు క్రికెట్ ఇదో అరుదైన థ్రిల్ల‌ర్‌(Thriller). ఆఖ‌రి రోజు.. ఆఖ‌రి బంతికి.. న్యూజిలాండ్ సూప‌ర్ విక్ట‌రీ(super victory) న‌మోదు చేసింది. పోరాట యోధుడు కేన్ విలియ‌మ్స‌న్(Kane Williamson) త‌న ఆట‌తీరు మ‌రోసారి ఆక‌ట్టుకున్నాడు. శ్రీలంక‌తో జ‌రిగిన తొలి టెస్టు రెండో ఇన్నింగ్స్‌లో అద్భుత‌మైన సెంచ‌రీతో దుమ్మురేపాడు. లంక ఆశ‌ల‌పై ఆఖ‌రి నిమిషంలో నీళ్లు చల్లాడు.

Final day. Final ball 🍿

via @BLACKCAPS | #NZvSL pic.twitter.com/5nGnCHC8n9

— Cricinfo (@cricinfo) March 13, 2023

285 టార్గెట్‌తో రెండో ఇన్నింగ్స్ ఆడిన కివీస్‌.. ఆఖ‌రి బంతికి విక్ట‌రీని న‌మోదు చేసింది. చివ‌రి ఓవ‌ర్‌లో న్యూజిలాండ్(New zealand) 8 ప‌రుగులు చేయాల్సి ఉండ‌గా.. కేన్ త‌న పోరాట స్పూర్తిని ప్ర‌ద‌ర్శించాడు. అప్ప‌టికే సెంచ‌రీ కొట్టి మంచి ట‌చ్‌లో ఉన్న కేన్‌.. ఫైన‌ల్ బంతి వ‌ర‌కు క్రీజ్‌కే అతుక్కుపోయాడు. ర‌వ‌స‌త్త‌రంగా సాగిన మ్యాచ్‌లో చివ‌ర‌కు కివీస్ రెండు వికెట్ల తేడాతో నెగ్గింది.

New Zealand scurry to a famous Test win running a bye off the final ball!

Sri Lanka's push for a spot in the #WTC23 final falls agonisingly short!#NZvSL Scorecard: https://t.co/p873rNARKS pic.twitter.com/CnFWN8xBti

— ICC (@ICC) March 13, 2023

అయితే ఆఖ‌రి బంతి(final ball)కి సింగిల్ అవ‌స‌రం కాగా.. ఆ ర‌న్ బై రూపంలో రావ‌డం గ‌మ‌నార్హం. స్ట్ర‌యికింగ్ పొజిష‌న్‌లో ఉన్న కేన్ పుల్ షాట్‌కు ప్ర‌య‌త్నించాడు. కానీ ఆ షాట్ మిస్సైంది. అయితే బంతి అందుకున్న కీప‌ర్‌.. నాన్ స్ట్ర‌యిక‌ర్ వైపు విసిరేశాడు. విలియ‌మ్స‌న్ వెంట్రుక‌వాసిలో ర‌నౌట్ త‌ప్పించుకున్నాడు. దీంతో తొలి టెస్టులో కివీస్ స్ట‌న్నింగ్ విక్ట‌రీ(stunning victory) న‌మోదు చేసింది.

A thriller in Christchurch. #NZvSL pic.twitter.com/7hv2j4bEjJ

— BLACKCAPS (@BLACKCAPS) March 13, 2023

తొలుత శ్రీలంక తొలి ఇన్నింగ్స్‌లో 355, రెండో ఇన్నింగ్స్‌లో 302 ర‌న్స్ చేసింది. అయితే న్యూజిలాండ్ తొలి ఇన్నింగ్స్‌లో 373 చేయ‌గా, రెండో ఇన్నింగ్స్‌లో 8 వికెట్ల న‌ష్టానికి 285 ర‌న్స్ చేసి మ‌రుపురాని విజ‌యాన్ని(memorable win) అందుకున్న‌ది. కేన్ విలియ‌మ్స‌న్ 194 బంతుల్లో 121 ర‌న్స్ చేశాడు.