Jasprit Bumrah : భారత జట్టు ప్రధాన పేసర్ జస్ప్రీత్ బుమ్రా(Jasprit Bumrah) యార్కర్లకు పెట్టింది పేరు. నిరుడు గాయం నుంచి కోలుకున్న బుమ్రా.. టీమిండియా విజయాల్లో కీలకంగా మారాడు. వన్డే వరల్డ్ కప్ (ODI World Cup 2023)లో ఆ తర్వాత ఇంగ్లండ్ సిరీస్లో తన పేస్ పవర్ చూపించాడు. బుల్లెట్లను తలపించే అతడి బౌలింగ్లో వికెట్ కాపాడుకోవడం ఎంతటి బ్యాటర్కైనా శక్తికిమించిన పనే. ప్రపంచంలోనే మేటి బౌలర్గా కితాబులందుకున్న బుమ్రా ఒకానొకదశలో దేశం విడిచి వెళ్లాలనుకున్నాడట. ఈ విషయాన్ని అతడు తన భార్య సంజనా గణేశన్ (Sajana Ganeshan)తో ఒక ఇంటర్వ్యూలో చెప్పాడు.
‘కొన్నేండ్ల క్రితం నేను, అమ్మతో కలిసి కెనడా వెళ్లాలనుకున్నా. ఎందుకంటే.. అక్కడ మాకు బంధువులు ఉన్నారు. దాంతో, నా చదువు పూర్తి కాగానే అక్కడికే వెళ్లి సెటిల్ అయి కొత్త జీవితం గడపాలని ప్లాన్ చేసుకున్నా. ఒకవేళ అన్నీ కుదిరి ఆ దేశంలో క్రికెటర్గా అవకాశం వస్తే.. కెనడా జట్టుకు ఆడాలని కలలు
c Sanjana b Bumrah! 🤩
Here is an interview 🎙️ you just can’t miss!
Catch the full episode here 👉 https://t.co/CD6NgpiFrg#JioCinemaSports #MumbaiIndians #JaspritBumrah #IPLonJioCinema #TATAIPL pic.twitter.com/2c2HQt0Qlq
— JioCinema (@JioCinema) April 11, 2024
కన్నాను. కానీ, మా అమ్మ ఇక్కడ ఒక స్కూల్ ప్రిన్సిపాల్. తన వృత్తిని, దేశాన్ని వదిలివెళ్లడం ఆమెకు ఇసుమంత కూడా ఇష్టం లేదు. పైగా కెనడా సంస్కృతి, సాంప్రదాయాలు వేరు. దాంతో, ఆమ్మకు ఇక్కడే ఉండాలని ఉండేది. కొన్నాళ్లకు ఫాస్ట్ బౌలర్గా నాకు చాన్స్ వచ్చింది. అక్కడితో నా రాతే మారిపోయింది’ అని బుమ్రా తెలిపాడు.
తండ్రి జస్బీర్తో చిన్నారి బుమ్రా
గుజరాత్కు చెందిన జస్బీర్ సింగ్, దల్జీత్ బుమ్రా దంపతులకు బుమ్రా పుట్టాడు. జస్బీర్కు రసాయనాలకు సంబంధించిన వ్యాపారం ఉంది. అంతా సవ్యంగా సాగుతున్న సమయంలోనే విధి వాళ్ల కుటుంబంపై పగబట్టింది. హెపటైటిస్ బి అనే జబ్బు కారణంగా జస్బీర్ మరణించాడు. అప్పటికీ బుమ్రా ఐదు ఏండ్ల పిల్లాడు. అక్కడి నుంచి అమ్మనే బుమ్రాకు అన్నీ అయింది. అమ్మ సంపాదనతోనే పెరిగిన అతడు బాల్యంలో ఎన్నో కష్టాలు పడ్డాడు. క్రికెటర్ అవ్వాలనే తన కలను నిజం చేసుకునేందుకు ఎంతో శ్రమించాడు. అయితే.. అదంతా గతం. ఇప్పుడు బుమ్రా జీవితం, అతడు అనుభవిస్తున్న సౌఖ్యాలు వేరు.
అవును.. ఒకప్పుడు మంచి షూ కొనుక్కోవడానికి సైతం డబ్బులు లేని బుమ్రా.. ఇప్పుడు కోట్లు సంపాదించాడు. తన విభిన్నమైన బౌలింగ్ శైలితో ప్రత్యర్థుల వెన్నులో వణుకు పుట్టించే ఈ స్పీడ్స్టర్ కెరీర్లో ఎన్నో మైలురాళ్లను అధిగమించాడు. యార్కర్ కింగ్గా పేరొందిన బుమ్రా కొన్నాళ్లుగా టీమిండియా ప్రధాన పేసర్గా, ఐపీఎల్లో ముంబై ఇండియన్స్ తరుపుముక్కగా రాణిస్తున్నాడు.
బుమ్రా, సంజనా
క్రికెట్ కెరీర్ గొప్పగా సాగుతున్న సమయంలోనే ఈ పేస్ గన్ సంజనాను ప్రేమ వివాహం చేసుకున్నాడు. స్పోర్ట్స్ టీవీ ప్రజెంటర్ అయిన సంజన, బుమ్రాలకు ఈమధ్యే కొడుకు కూడా పుట్టాడు. ప్రస్తుతం ఐపీఎల్ 17వ సీజన్లో ముంబై ఇండియన్స్ ఏస్ బౌలర్గా బుమ్రా తన సేవలందిస్తున్నాడు. ఈ ఎడిషన్లో అతడు ఇప్పటివరకూ 5 వికెట్లు పడగొట్టాడు. ఢిల్లీ క్యాపిటల్స్(Delhi Capitals)పై ఘన విజయంతో బోణీ కొట్టిన ముంబై.. గురువారం రాయల్ చాలెంజర్స్ బెంగళూరు(RCB)తో తలపడనుంది.
𝐁𝐈𝐆 𝐃𝐀𝐘. 𝐁𝐈𝐆 𝐆𝐀𝐌𝐄. 𝐁𝐈𝐆 𝐇𝐎𝐏𝐄𝐒. 💪💙#MumbaiMeriJaan #MumbaiIndians #MIvRCB pic.twitter.com/P6swVoyoQd
— Mumbai Indians (@mipaltan) April 11, 2024