Australian Open : ఆస్ట్రేలియా ఓపెన్లో మరో సంచలనం. వరల్డ్ నంబర్ 1 నొవాక్ జకోవిచ్(Novak Djokovic) కు ఊహించని షాక్ తగిలింది. శుక్రవారం జరిగిన సెమీఫైనల్లో ఇటలీ కెరటం జన్నిక్ సిన్నర్(Jannik Sinner) చేతిలో డిఫెండింగ్ చాంపియన్ అనూహ్యంగా ఓటమి పాలయ్యాడు. మెల్బోర్న్ పార్క్లో హోరాహోరీగా జరిగిన మ్యాచ్లో 6-1,6-2,6-7(6-8),6-3తో సిన్నర్ గెలుపొందాడు.
దాంతో, ఈ గ్రాండ్స్లామ్ టోర్నీలో సెర్బియా స్టార్ జైత్రయాత్రకు బ్రేక్ పడింది. సిన్నర్ దెబ్బతో 2,195 రోజుల తర్వాత జకో తొలి ఓటమి చవిచూశాడు. 10 సార్లు చాంపియన్ అయిన జకోవిచ్ ఆస్ట్రేలియన్ ఓపెన్ సెమీస్లోనే వెనుదిరగడం ఇది మొదటిసారి కాగా.. ఈ టోర్నీ చరిత్రలో ఫైనల్ చేరిన తొలి ఇటలీ ఆటగాడిగా 22 ఏండ్ల సిన్నర్ చరిత్ర సృష్టించాడు.
Scintillating Sinner 🇮🇹🔥
He achieves the impossible defeating 10x #AusOpen champion Djokovic 6-1 6-2 6-7(6) 6-3.@janniksin • #AO2024 • @wwos • @espn • @eurosport • @wowowtennis@Kia_Worldwide • #Kia • #MakeYourMove pic.twitter.com/X6qFAtegq7
— #AusOpen (@AustralianOpen) January 26, 2024
రెండో సెమీఫైనల్ డానిల్ మెద్వెవేద్(Daniil Medvedev), అలెగ్జాండర్ జ్వెరేవ్(Alexander Zverev) తలపడనున్నారు. ఈ మ్యాచ్ విజేతతో సిన్నర్ టైటిల్ పోరులో తలపడనున్నాడు. దాంతో, ఈసారి కొత్త చాంపియన్ ట్రోఫీ ఎత్తుకోవడం ఖాయమైపోయింది.
Bravo, @DjokerNole 👏👏👏
33 consecutive wins at the AO. 10x champion. One of a kind.
Congratulations on an outstanding tournament and Aussie summer 💙 pic.twitter.com/e3fhnw3bSD
— #AusOpen (@AustralianOpen) January 26, 2024
ప్రతిష్ఠాత్మక డేవిస్ కప్(Davis Cup 2023) టోర్నీలో కూడా సిన్నర్.. జకోవిచ్కు ముచ్చెమటలు పట్టించాడు. అప్పుడు కూడా సెమీస్లోనే నంబర్ 1 నొవాక్ జకోవిచ్ను ఈ స్టార్ ప్లేయర్ ఓడించాడు. తద్వారా ఐటీపీ ఫైనల్స్లో జకో చేతిలో ఎదురైన ఓటమికి సిన్నర్ ప్రతీకారం తీర్చుకున్నాడు. ఆ తర్వాత ఆస్ట్రేలియాతో జరిగిన ఫైనల్లో ఇటలీని విజేతగా నిలిపాడు. దాంతో, నలభై ఏండ్ల తర్వాత ఇటలీ డేవిస్ కప్ చాంపియన్గా అవతరించింది.