Irani Cup | ముంబై భారీ స్కోరు.. దీటుగా బదులిస్తున్న రెస్టాఫ్‌ ఇండియా

ఇరానీ కప్‌లో రంజీ చాంపియన్‌ ముంబై జట్టు సాధించిన భారీ స్కోరు (537)కు రెస్టాఫ్‌ ఇండియా (ఆర్‌వోఐ) కూడా దీటుగా బదులిస్తోంది. లక్నో వేదికగా జరుగుతున్న మ్యాచ్‌ మూడో రోజు ఆటలో భాగంగా ఆ జట్టు 74 ఓవర్లలో 4 వికెట్ల నష్టానికి 289 పరుగులు చేసింది.

• అభిమన్యు శతకం

Irani Cup | లక్నో: ఇరానీ కప్‌లో రంజీ చాంపియన్‌ ముంబై జట్టు సాధించిన భారీ స్కోరు (537)కు రెస్టాఫ్‌ ఇండియా (ఆర్‌వోఐ) కూడా దీటుగా బదులిస్తోంది. లక్నో వేదికగా జరుగుతున్న మ్యాచ్‌ మూడో రోజు ఆటలో భాగంగా ఆ జట్టు 74 ఓవర్లలో 4 వికెట్ల నష్టానికి 289 పరుగులు చేసింది. అభిమన్యు ఈశ్వరన్‌ (212 బంతుల్లో 151 నాటౌట్‌, 12 ఫోర్లు, 1 సిక్స్‌) శతకంతో మెరిశాడు.

ఇషాన్‌ కిషన్‌ (38) ఫర్వాలేదనిపించగా వికెట్‌ కీపర్‌ ధ్రువ్‌ జురెల్‌ (30 బ్యాటింగ్‌) నిలకడగా ఆడుతున్నాడు. తొలి ఇన్నింగ్స్‌లో ఆర్‌వోఐ ఇంకా 248 పరుగులు వెనుకబడి ఉంది. అంతకుముందు ఓవర్‌నైట్‌ స్కోరు 536/9తో మూడో రోజు ఆట ప్రారంభించిన ముంబై ఒక్క పరుగు మాత్రమే జతచేసి ఆలౌట్‌ అయింది.