IPL 2023 : ఉత్కంఠ పోరులో సన్రైజర్స్ హైదరాబాద్ విజయం సాధించింది. అందరూ సమిష్టిగా ఆడడంతో రాజస్థాన్ రాయల్స్పై 4 వికెట్ల తేడాతో గెలుపొందింది. అభిషేక్ శర్మ(55) హాఫ్ సెంచరీ.. గ్లెన్ ఫిలిఫ్స్(25) హ్యాట్రిక్ సిక్సర్లు, ఒక ఫోర్తో మ్యాచ్ను మలుపు తిప్పాడు. మోతతో లక్ష్యాన్ని కరిగించారు. అబ్దుల్ సమద్(17) ఆఖరి బంతికి సిక్స్ కొట్టడంతో హైదరాబాద్ ఫ్యాన్స్ సంబురాల్లో మునిగిపోయారు. నాలుగో విజయంతో మరక్రం సేన పాయింట్ల పట్టికలో 9వ స్థానంలో నిలిచింది.
సందీప్ శర్మ వేసిన 20వ ఓవర్లో తొలి బంతికి అబ్దుల్ సమద్(0) రెండు రన్స్ తీశాడు. రెండో బంతికి సిక్స్ కొట్టాడు. మూడో బాల్కు రెండు పరుగులు వచ్చాయి. నాలుగో బాల్కు సింగిల్. ఐదో బంతికి జాన్సెన్(2) ఒక్క రన్ తీశాడు. ఆఖరి బంతికి 5 పరుగులు అవసరమయ్యాయి. కానీ సందీప్ శర్మ నో బాల్ వేశాడు. ఫ్రీ హిట్ వచ్చింది. ఆఖరి బంతికి సమద్ సిక్స్ కొట్టాడు. దాంతో, హైదరాబాద్ 4 వికెట్ల తేడాతో గెలిచింది.
కుల్దీప్ యాదవ్ బౌలింగ్లో గ్లెన్ ఫిలిఫ్స్(25) దంచాడు. వరుసగా మూడు బంతుల్లో మూడు సిక్స్లు కొట్టాడు. నాలుగో బంతికి బౌండరీ బాదాడు. ఐదో బంతికి హెట్మెయిర్ చేతికి చిక్కాడు. అబ్దుల్ సమద్(0), జాన్సెన్(2) ఆడుతున్నారు. హైదరాబాద్ విజయానికి 6 బంతుల్లో 17 పరుగులు కావాలి.
చాహల్ ఒకే ఓవర్లో రెండు వికెట్లు తీశాడు. నాలుగో బంతికి కెప్టెన్ మరక్రం(6)ను ఎల్బీగా ఔట్ చేశాడు. దాంతో, హైదరాబాద్ ఐదో వికెట్ పడింది. రెండో బంతికి జోరుమీదున్న రాహుల్ త్రిపాఠి(47)ని అతను పెవిలియన్ పంపాడు. యశస్వీ బౌండరీ వద్ద అద్భుత క్యాచ్ పట్టడంతో త్రిపాఠి నిరాశగా వెనుదిరిగాడు. గ్లెన్ ఫిలిఫ్స్(3), అబ్దుల్ సమద్(0) ఆడుతున్నారు. హైదరాబాద్ విజయానికి 12 బంతుల్లో 41 పరుగులు కావాలి.
చాహల్ మూడో వికెట్ తీశాడు. జోరుమీదున్న రాహుల్ త్రిపాఠి(47) ఔట్ చేశాడు. గ్లెన్ ఫిలిఫ్స్ వచ్చాడు. కెప్టెన్ మరక్రం(6) ఆడుతున్నాడు. హైదరాబాద్ విజయానికి 16 బంతుల్లో 44 పరుగులు కావాలి.
చాహల్ కీలక వికెట్ తీశాడు. డేజంరస్ హెన్రిచ్ క్లాసెన్(26)ను ఔట్ చేశాడు. రెండో బంతికి సిక్స్, నాలుగో బంతికి ఫోర్ బాదిన అతను షాట్ ఆడి బట్లర్కు క్యాచ్ ఇచ్చాడు. కెప్టెన్ మరక్రం వచ్చాడు. రాహుల్ త్రిపాఠి(40) ఆడుతున్నాడు.
Yuzvendra Chahal strikes again!
Heinrich Klaasen departs after scoring 26 runs.
Live - https://t.co/1EMWKvcgh9 #TATAIPL #RRvSRH #IPL2023 pic.twitter.com/kT7nX5xpyZ
— IndianPremierLeague (@IPL) May 7, 2023
మురుగున్ అశ్విన్ బౌలింగ్లో హెన్రిచ్ క్లాసెన్(8) తొలి బంతికే సిక్స్ కొట్టాడు. ఆ తర్వాత రాహుల్ త్రిపాఠి(37) 91 మీటర్ల సిక్స్, ఫోర్ బాదాడు. 14 ఓవర్లకు స్కోర్.. 136/2
ఓపెనర్ అభిషేక్ శర్మ(55)హాఫ్ సెంచరీ కొట్టి ఔటయ్యాడు. అశ్విన్ ఓవర్లో సిక్స్ కొట్టి ఫిఫ్టీ పూర్తి చేసుకున్న అతను తర్వాత బంతికి చాహల్ చేతికి చిక్కాడు. దాంతో, 116 వద్ద హైదరాబాద్ రెండో వికెట్ పడింది. రాహుల్ త్రిపాఠి(25) ఆడుతున్నాడు.
హైదరాబాద్ స్కోర్ వంద దాటింది. మురుగున్ అశ్విన్ ఓవర్లో అభిషేక్ శర్మ(48) మిడ్వికెట్లో సిక్స్ బాదాడు. దాంతో, రెండో వికెట్ పార్టినర్షిప్ 50కి చేరింది. రాహుల్ త్రిపాఠి(24) దూకుడుగా ఆడుతున్నాడు.. .12 ఓవర్లకు స్కోర్.. 107/1
అభిషేక్ శర్మ(25) దూకుడుగా ఆడుతున్నాడు. చాహల్ ఓవర్లో ఆఖరి బాల్కు ఫోర్ కొట్టాడు. రాహుల్ త్రిపాఠి(6) క్రీజులో ఉన్నాడు. 8 ఓవర్లకు స్కోర్.. 65/0
హైదరాబాద్ తొలి వికెట్ పడింది. ఓపెనర్ అన్మోల్ప్రీత్ సింగ్(33) ఔటయ్యాడు. చాహల్ ఓవర్లో ఫోర్ కొట్టిన అతను షాట్ ఆడి హెట్మెయిర్ చేతికి చిక్కాడు. దాంతో, 51 రన్స్ వద్ద తొలి వికెట్ కోల్పోయింది. రాహుల్ త్రిపాఠి వచ్చాడు. అభిషేక్ శర్మ(18) దూకుడుగా ఆడుతున్నాడు.
హైదరాబాద్ ఓపెనర్ల అన్మోల్ప్రీత్ సింగ్(27), అభిషేక్ శర్మ(18) దూకుడుగా ఆడుతున్నారు. సందీప్ శర్మ ఓవర్లో అన్మోల్ప్రీత్ బౌండరీ బాదాడు. ఆఖరి బాల్కు డీప్ ఎక్స్ట్రా కవర్లో అభిషేక్ ఫోర్ కొట్టాడు. దాంతో, 15 పరుగులు వచ్చాయి. 5 ఓవర్లకు స్కోర్.. 45/0
అశ్విన్ ఓవర్లో అన్మోల్ప్రీత్ సింగ్(21) ఐదో బంతికి బౌండరీ బాదాడు. 8 పరుగులు వచ్చాయి. అభిషేక్ శర్మ(9) ఆడుతున్నాడు. 4 ఓవర్లకు స్కోర్.. 30/0
కుల్దీప్ యాదవ్ ఓవర్లో ఇంపాక్ట్ ప్లేయర్ అన్మోల్ప్రీత్ సింగ్(10) సిక్స్ బాదాడు. అభిషేక్ శర్మ(2) ఆడుతున్నాడు. వేసిన తొలి ఓవర్లో 3 పరుగులు వచ్చాయి. రెండు ఓవర్లకు స్కోర్.. 12/0
సందీప్ శర్మ వేసిన తొలి ఓవర్లో 3 పరుగులు వచ్చాయి. ఇంపాక్ట్ ప్లేయర్ అన్మోల్ప్రీత్ సింగ్(2), అభిషేక్ శర్మ(1) ఆడుతున్నారు.
నటరాజన్ వేసిన 20వ ఓవర్లో సంజూ శాంసన్(66 నాటౌట్) థర్డ్ మ్యాన్ దిశగా బౌండరీ కొట్టాడు. దాంతో, రాజస్థాన్ స్కోర్ రెండొందలు దాటింది. ఐదో బంతికి లాంగాన్లో సిక్స్, ఆఖరి బాల్కు బౌండరీ బాదాడు. దాంతో, రాజస్థాన్ జట్టు రెండు వికెట్ల నష్టానికి 214 పరుగులు చేసింది. హెట్మెయిర్ (7) నాటౌట్గా నిలిచాడు.
భువనేశ్వర్ బిగ్ వికెట్ తీశాడు. సెంచరీకి దగ్గర్లో ఉన్న ఓపెనర్ జోస్ బట్లర్(95)ను ఎల్బీగా ఔట్ చేశాడు. అంపైర్ నాటౌట్ ఇవ్వడంతో రివ్యూ తీసుకుని అతడి వికెట్ సాధించాడు. దాంతో, 138 పరుగుల భాగస్వామ్యానికి తెరపడింది. హెట్మెయిర్ వచ్చాడు. సంజూ శాంసన్(52) ఆడుతున్నాడు.
సంజూ శాంసన్(51) హాఫ్ సెంచరీ కొట్టాడు. నటరాజన్ ఓవర్లో రెండు పరుగులు తీసి యాభై రన్స్ పూర్తి చేసుకున్నాడు. 33 బంతుల్లో 2 ఫోర్లు, నాలుగు సిక్స్లతో సంజూ ఫిఫ్టీ బాదాడు. ఓపెనర్ జోస్ బట్లర్(94) సెంచరీకి దగ్గర్లలో ఉన్నాడు. 18 ఓవర్లకు స్కోర్.. 190/1
ఓపెనర్ జోస్ బట్లర్(92) దంచుతున్నాడు. భువనేశ్వర్ బౌలింగ్లో మూడు ఫోర్లు బాదాడు. సంజూ శాంసన్(48) హాఫ్ సెంచరీకి చేరువలో ఉన్నాడు. వీళ్లిద్దరూ రెండో వికెట్కు 131 పరుగులు జోడించారు. 17 ఓవర్లకు స్కోర్.. 185/1
ఓపెనర్ జోస్ బట్లర్(37) బాదుతున్నాడు. అభిషేక్ శర్మ బౌలింగ్లో వరుసగా సిక్స్, ఫోర్ కొట్టాడు. దాంతో, రాజస్థాన్ స్కోర్ 100 దాటింది. సంజూ శాంసన్(28) కూడా ధాటిగా ఆడుతున్నాడు. 10 ఓవర్లకు స్కోర్.. 107/1
సంజూ శాంసన్(27) వేగం పెంచాడు. మయాంక్ మార్కండే ఓవర్లో తొలి రెండు బంతుల్ని స్టాండ్స్లోకి పంపాడు. ఆఖరి బంతికి ఓపెనర్ జోస్ బట్లర్(27) సిక్స్ బాదాడు. 9 ఓవర్లకు స్కోర్.. 95/1
పవర్ ప్లేలో రాజస్థాన్ రాయల్స్ వికెట్ నస్టానికి 60 రన్స్ చేసింది. ఓపెనర్ జోస్ బట్లర్(14), కెప్టెన్ సంజూ శాంసన్(6) ఆడుతున్నారు.
రాజస్థాన్ రాయల్స్ తొలి వికెట్ పడింది. దూకుడుగా ఆడుతున్న ఓపెనర్ యశస్వీ జైస్వాల్(35) ఔటయ్యాడు.జాన్సెన్ ఓవర్లో స్లిప్లో నటరాజన్ క్యాచ్ పట్టడంతో అతను వెనుదిరిగాడు. దాంతో, 54 వద్ద రాజస్థాన్ వికెట్ పడింది. కెప్టెన్ సంజూ శాంసన్ వచ్చాడు. జోస్ బట్లర్(13) ఆడుతున్నాడు.
Marco Jansen with the breakthrough for @SunRisers! 👍 👍#RR lose Yashasvi Jaiswal after a quickfire start.
Follow the match 👉 https://t.co/1EMWKvcgh9#TATAIPL | #RRvSRH pic.twitter.com/h2Nd8bLPZ7
— IndianPremierLeague (@IPL) May 7, 2023
రాజస్థాన్ రాయల్స్ ఓపెనర్ యశస్వీ జైస్వాల్(27) దూకుడు పెంచాడు. భువనేశ్వర్ కుమార్ బౌలింగ్లో వరుసగా ఫోర్, సిక్స్ కొట్టాడు. జోస్ బట్లర్(12) ఆడుతున్నాడు. నాలుగు ఓవర్లకు స్కోర్.. 45/0
రాజస్థాన్ రాయల్స్ ఓపెనర్లు యశస్వీ జైస్వాల్(16), జోస్ బట్లర్(5) దంచుతున్నారు. జాన్సెన్ వేసిన రెండో ఓవర్లో బట్లర్ ఒక ఫోర్, జైస్వాల్ ఒక సిక్స్ కొట్టారు. దాంతో, 17 పరుగులు వచ్చాయి. రెండు ఓవర్లకు స్కోర్.. 26/0
సెంచరీ హీరో యశస్వీ జైస్వాల్(9) జోరు కొనసాగిస్తున్నాడు. భువనేశ్వర్ కుమార్ వేసిన తొలి బంతికే ఫోర్ బాదాడు. నాలుగో బంతిని బౌండరీ దాటించాడు. జోస్ బట్లర్(0) ఆడుతున్నాడు.
వరుసగా విఫలమవుతున్న హైదరాబాద్ ఓపెనర్ హ్యారీ బ్రూక్ బెంచ్కే పరిమితం కానున్నాడు. అతని ప్లేస్లో గ్లెన్ ఫిలిఫ్స్ ఆడనున్నాడు. ఇంగ్లండ్ స్టార్ ఆటగాడు జో రూట్ రాజస్థాన్ రాయల్స్ తరఫున ఆరంగ్రేటం చేస్తున్నాడు. ఈ సీజన్ ఐపీఎల్లో అతడికి ఇదే తొలి మ్యాచ్.
టాస్ గెలిచిన రాజస్థాన్ కెప్టెన్ సంజూ శాంసన్ బ్యాటింగ్ తీసుకున్నాడు. దాంతో హైదరాబాద్ ఫస్ట్ బౌలింగ్ చేయనుంది.