Work From Office | బ‌రువు పెరగ‌కుండా ఉండాలంటే ఏం చేయాలి..!
Work From Office : ఉద్యోగులు చాలామంది ఆఫీస్‌లో దాదాపు ప‌నిగంట‌ల‌న్నీ కుర్చీల్లోనే గ‌డిపేస్తుంటారు. లంచ్ బ్రేక్, టీ బ్రేక్ వంటి విరామాల్లో త‌ప్ప ఎక్కువ స‌మ‌యం కూర్చునే ఉంటారు. దీంతో బ‌రువు పెరిగే స‌మ‌స్య‌ను ఎదుర్కొంటారు.
Work From Office : ఉద్యోగులు చాలామంది ఆఫీస్‌లో దాదాపు ప‌నిగంట‌ల‌న్నీ కుర్చీల్లోనే గ‌డిపేస్తుంటారు. లంచ్ బ్రేక్, టీ బ్రేక్ వంటి విరామాల్లో త‌ప్ప ఎక్కువ స‌మ‌యం కూర్చునే ఉంటారు. దీంతో బ‌రువు పెరిగే స‌మ‌స్య‌ను ఎదుర్కొంటారు. శారీర‌క శ్ర‌మ లేకుండా అధిక క్యాల‌రీలు తీసుకుంటే అది శ‌రీరంలో కొవ్వు పేరుకుపోయేందుకు దారి తీస్తుంది. ఊబ‌కాయం స‌హా ప‌లు అనారోగ్యాల‌కు దారితీస్తుంది. అయితే మ‌నం తీసుకునే ఆహారంతో పాటు జీవ‌న‌శైలి మార్పుల‌తో అధిక బ‌రువు ద‌రిచేర‌కుండా నిరోధించ‌వ‌చ్చ‌ని పోష‌కాహార నిపుణులు సూచిస్తున్నారు.
ఆఫీస్ నుంచి ప‌నిచేస్తూనే ఫిట్‌నెస్ సాధించేందుకు ఏం చేయాల‌నే విష‌యంలో ప్ర‌ముఖ న్యూట్రిష‌నిస్ట్ రుజుత దివేక‌ర్ త‌న ఇన్‌స్టాగ్రాం ఖాతాలో ఓ వీడియోను షేర్ చేశారు. ముఖ్యంగా ఆఫీస్‌కు వ‌చ్చే ముందు ఉద‌యాన్నే బ్రేక్‌ఫాస్ట్ తీసుకోవాల‌ని దీంతో ఆక‌లితో అధికంగా చ‌క్కెర‌తో కూడిన ఆహార ప‌దార్ధాల‌ను తీసుకోకుండా ఉండే వీలుంది. ఇక ఉద‌యాన్నే ఛాయ్‌, కాఫీ, సిగ‌రెట్లు వంటివి తీసుకోరాద‌ని బ‌దులుగా కొబ్బ‌రి నీరు, షెర్బ‌త్‌, పండ్లు తీసుకుంటే మేల‌ని ఆమె సూచించారు.
View this post on Instagram
తేలిక‌పాటి ఆహారంతో రోజంతా అల‌స‌ట, క‌డుపుబ్బ‌రం, మంద‌కొడిత‌నం వేధించ‌ద‌ని రుజుత దివేక‌ర్ చెప్పుకొచ్చారు. లంచ్ త‌ర్వాత సాయంత్రం 4 గంట‌ల నుంచి 6 గంట‌ల మ‌ధ్య వేరుశ‌న‌గలు, మామిడి, బ‌నానా వంటి ఆరోగ్య‌క‌ర స్నాక్స్ తీసుకోవ‌డం ఆపై 7 నుంచి 8 గంట‌ల మ‌ధ్య తేలిక‌పాటి ఆహారంతో డిన్న‌ర్ ముగించ‌డంతో పాటు కంటినిండా కునుకుతీయాల‌ని ఆమె సూచిస్తున్నారు.దీంతో పాటు ఆఫీస్‌కు స్నాక్స్ కోసం త‌క్కువ క్యాల‌రీలు క‌లిగిన మ‌ఖానా, లెమ‌న్ పెప్ప‌ర్ పాప్‌కార్న్‌, స్ప్రాట్ సాల‌డ్ వంటివి తీసుకెళ్లాల‌ని పోష‌కాహార నిపుణులు చెబుతున్నారు.
Read More :
Read Today's Latest Health News in Telugu and Telugu News
- Follow Us :
-
