IPL 2023 : ప్లే ఆఫ్స్ పోటీలో వెనకబడిన పంజాబ్ కింగ్స్ కీలక మ్యాచ్లో సత్తా చాటింది. ఢిల్లీ క్యాపిటల్స్పై 31 పరుగుల తేడాతో గెలుపొందింది. మొదట ఓపెనర్ ప్రభ్సిమ్రాన్ సింగ్(103) శతకం బాదడంతో 167 రన్స్ కొట్టింది. లక్ష్య ఛేదనలో హర్ప్రీత్ బ్రార్, రాహుల్ చాహర్ స్పిన్ ధాటికి ఢిల్లీ బ్యాటర్లు చేతులెత్తేశారు. కెప్టెన్ డేవిడ్ వార్నర్(54) తప్ప ఏ ఒక్కరూ కనీస పోరాటం చేయలేదు. నాథన్ ఎల్లిస్ వేసిన 20వ ఓవర్లో 5 పరుగుల వచ్చాయి. దాంతో, ఢిల్లీ క్యాపిటల్స్పై పంజాబ్ 31 పరుగుల తేడాతో గెలుపొందింది. కుల్దీప్ యాదవ్(10), ముకేశ్ కుమార్ (6) నాటౌట్గా నిలిచారు. ఆరో విజయంలో పంజాబ్ పాయింట్ల పట్టికలో ఆరో స్థానానికి చేరింది. ప్లే ఆఫ్స్ పోటీలో తాము ఉన్నామంటూ మిగతా జట్టకు హెచ్చరికలు పంపింది.
రాహుల్ చాహర్ ఓవర్లో 5 పరుగుల వచ్చాయి. దాంతో, ఢిల్లీ క్యాపిటల్స్పై పంజాబ్ 31 పరుగుల తేడాతో గెలుపొందింది. కుల్దీప్ యాదవ్(10), ముకేశ్ కుమార్ (6) నాటౌట్గా నిలిచారు.
ఢిల్లీ ఏడో వికెట్ పండింది. అమన్ హకీం ఖాన్(16) ఔటయ్యాడు. నాథన్ ఇల్లిస్ బౌలింగ్లో హర్ప్రీత్ బ్రార్ క్యాచ్ పట్టడంతో వెనుదిరిగాడు. ప్రవీణ్ దూబే(15) క్రీజులో ఉన్నాడు. 15.4 ఓవర్లకు స్కోర్..118/7. ఢిల్లీ విజయానికి 26 బంతుల్లో 50 రన్స్ కావాలి.
ఢిల్లీ కష్టాల్లో పండింది. ఇంపాక్ట్ ప్లేయర్ మనీశ్ పాండే(0) డకౌటయ్యాడు. హర్ప్రీత్ బ్రార్ బౌలింగ్లో అతను బౌల్డయ్యాడు. దాంతో, ఢిల్లీ ఆరో వికెట్ కోల్పోయింది. అమన్ హకీం ఖాన్(2), ప్రవీణ్ దూబే(2) క్రీజులో ఉన్నారు. 11 ఓవర్లకు స్కోర్.. 91/6
ఢిల్లీ బ్యాటర్లు పెవిలియన్కు క్యూ కడుతున్నారు. స్వల్ప వ్యవధిలో ఆ జట్టు మూడో వికెట్ పడింది. హర్ప్రీత్ బ్రార్ ఓవర్లో రిలే రస్సో(5) ఔటయ్యాడు. అక్షర్ పటేల్, డేవిడ్ వార్నర్(50) ఆడుతున్నారు.
ఢిల్లీకి షాక్.. రాహుల్ చాహర్ ఓవర్లో ఎల్బీగా మిచెల్ మార్ష్(3) ఔటయ్యాడు. రివ్యూ తీసుకున్నా కూడా ఫలితం లేకపోవడంతో వెనుదిరిగాడు. రిలే రస్సో వచ్చాడు. డేవిడ్ వార్నర్(50) ఆడుతున్నాడు.
డేవిడ్ వార్నర్(50) హాఫ్ సెంచరీ కొట్టాడు. రాహుల్ చాహర్ ఓవర్లో సింగిల్ తీసి యాభై పూర్తి చేసుకున్నాడు. 23 బంతుల్లో 9 ఫోర్లు, ఒక సిక్స్తో అతను ఫిఫ్టీ సాధించాడు.
హర్ప్రీత్ బ్రార్ పంజాబ్కు తొలి వికెట్ అందించాడు. ఢిల్లీ ఓపెనర్ ఫిలిఫ్ సాల్ట్(21) బౌల్డ్ చేశాడు. దాంతో, 71 వద్ద ఢిల్లీ మొదటి వికెట్ పడింది. మిచెల్ మార్ష్(3), డేవిడ్ వార్నర్(49), క్రీజులో ఉన్నారు. 7 ఓవర్లకు స్కోర్.. 73/1
ఢిల్లీ ఓపెనర్లు దంచుతున్నారు. దాంతో, పవర్ ప్లేలో వికెట్ కోల్పోకుండా 65 పరుగులు చేసింది. డేవిడ్ వార్నర్(48), ఫిలిఫ్ సాల్ట్(17) క్రీజులో ఉన్నారు.
ఢిల్లీ ఓపెనర్ డేవిడ్ వార్నర్(9) దంచుతున్నాడు. రిషి ధావన్ వేసిన తొలి ఓవర్లో వరుసగా రెండు ఫోర్లు బాదాడు. ఫిలిఫ్ సాల్ట్(1) క్రీజులో ఉన్నాడు.
ఖలీల్ అహ్మద్ వేసిన 20వ ఓవర్లో సికిందర్ రజా(11 నాటౌట్) సిక్స్ బాదాడు. ఐదో బంతికి షారుక్ ఖాన్(2) రనౌటయ్యాడు. ఆఖరి బాల్కు రజా రెండు రన్స్ తీశాడు. దాంతో, పంజాబ్ 7 వికెట్ల నష్టానికి 167 పరుగులు చేసింది.
పంజాబ్ ఓపెనర్ ప్రభ్సిమ్రాన్ సింగ్(102) సెంచరీ కొట్టాడు. ఖలీల్ అహ్మద్ ఓవర్లో ఫోర్ కొట్టి శతకం సాధించాడు. 61 బంతుల్లో 10 ఫోర్లు, 6 సిక్స్లతో వంద పరుగులు కొట్టాడు. ఐపీఎల్లో అతడికి ఇదే తొలి సెంచరీ.
𝗠𝗮𝗶𝗱𝗲𝗻 𝗜𝗣𝗟 𝗖𝗲𝗻𝘁𝘂𝗿𝘆 𝗳𝗼𝗿 𝗣𝗿𝗮𝗯𝗵𝘀𝗶𝗺𝗿𝗮𝗻 𝗦𝗶𝗻𝗴𝗵!
A sensational knock this from the @PunjabKingsIPL batter 🙌#TATAIPL | #DCvPBKS pic.twitter.com/lf8RICIOf1
— IndianPremierLeague (@IPL) May 13, 2023
పంజాబ్ సగం వికెట్లు కోల్పోయింది. కుల్దీప్ యాదవ్ ఓవర్లో హర్ప్రీత్ బ్రార్(2) ఐదో వికెట్గా వెనుదిరిగాడు. షారుక్ ఖాన్ వచ్చాడు. ప్రభ్సిమ్రాన్ సింగ్(79) ఆడుతున్నాడు.
పంజాబ్ నాలుగో వికెట్ కోల్పోయింది. సామ్ కరన్(20) ఔటయ్యాడు. ప్రవీణ్ దూబే ఓవర్లో అమన్ హకీం ఖాన్ బౌండరీ వద్ద క్యాచ్ పట్టడంతో వెనదిరిగాడు. హర్ప్రీత్ బ్రార్(2), హాఫ్ సెంచరీ కొట్టిన ప్రభ్సిమ్రాన్ సింగ్(79) ఆడుతున్నారు. 16 ఓవర్లకు స్కోర్.. 129/4.
అక్షర్ పటేల్ ఓవర్లో 5 పరుగులు వచ్చాయి. సామ్ కరన్(12). ప్రభ్సిమ్రాన్ సింగ్(27) ఆచితూచి ఆడుతున్నారు. 10 ఓవర్లకు స్కోర్.. 66/3.
అక్షర్ పటేల్ బిగ్ వికెట్ తీశాడు. జితేశ్ శర్మ(5)ను బౌల్డ్ చేశాడు. దాంతో, పంజాబ్ 45 రన్స్ వద్ద పంజాబ్ మూడో వికెట్ కోల్పోయింది. సామ్ కరన్ వచ్చాడు. ప్రభ్సిమ్రాన్ సింగ్(21) ఆడుతున్నాడు. 5.4 ఓవర్లకు స్కోర్.. 45/3.
ఐపీఎల్లో వందో మ్యాచ్ ఆడుతున్న ఇషాంత్ శర్మ హడలెత్తిస్తున్నాడు. ధావన్ను ఔట్ చేసిన ఇషాంత్ తన రెండో ఓవర్లో డేంజరస్ లివింగ్స్టోన్(4)ను బౌల్డ్ చేశాడు. దాంతో, పంజాబ్ 32 రన్స్ వద్ద పంజాబ్ రెండో వికెట్ కోల్పోయింది. జితేశ్ శర్మ వచ్చాడు. ప్రభ్సిమ్రాన్ సింగ్(14) ఆడుతున్నాడు.
TIMBER!
Ishant Sharma at his very best 🔥🔥@ImIshant continues to shine on his special occasion 💪🏻#TATAIPL | #DCvPBKS pic.twitter.com/CaKCkuvsJU
— IndianPremierLeague (@IPL) May 13, 2023
ఖలీల్ అహ్మద్ ఓవర్లో ప్రభ్సిమ్రాన్ సింగ్(10) రెండు ఫోర్లు బాదాడు. దాంతో, 9 పరుగులు వచ్చాయి. లివింగ్స్టోన్(4) ఆడుతున్నాడు. మూడు ఓవర్లకు స్కోర్.. 23/1
పంజాబ్కు రెండో ఓవర్లో షాక్ తగిలింది. ఓపెనర్ శిఖర్ ధావన్(7) ఔటయ్యాడు. ఇషాంత్ శర్మ ఓవర్లో సిక్స్ కొట్టిన అతను తర్వాత బంతికి రస్సో చేతికి చిక్కాడు. దాంతో10 రన్స్ వద్ద పంజాబ్ తొలి వికెట్ కోల్పోయింది. లివింగ్స్టోన్ వచ్చాడు.
ఖలీల్ అహ్మద్ మొదటి ఓవర్లో రెండు వైడ్స్ వేశాడు. దాంతో, 4 పరుగులు వచ్చాయి. ప్రభుసిమ్రాన్ సింగ్(1), శిఖర్ ధావన్(1), ఆడుతున్నారు.
ప్లే ఆఫ్స్ ఆశలు సజీవంగా ఉండాలంటే తప్పనిసరి గెలవాల్సిన మ్యాచ్లో లక్నో సూపర్ జెయింట్స్ బ్యాటర్లు దంచికొట్టారు. ఆఖరి ఓవర్లో నికోలస్ పూరన్(44 నాటౌట్ 13 బంతుల్లో 3 ఫోర్లు, 4 సిక్స్లు) ఫోర్ కొట్టడంతో లక్నో 7 వికెట్ల తేడాతో సన్రైజర్స్ హైదరాబాద్పై విజయం సాధించింది.
పంజాబ్ జట్టు : ప్రభుసిమ్రాన్ సింగ్, శిఖర్ ధావన్(కెప్టెన్), లివింగ్స్టోన్, జితేశ్ శర్మ((వికెట్ కీపర్), సామ్ కరన్, సికిందర్ రజా, షారుక్ ఖాన్, హర్ప్రీత్ బ్రార్, రిషీ ధావన్, రాహుల్ చాహర్, అర్ష్దీప్ సింగ్.
ఢిల్లీ జట్టు : డేవిడ్ వార్నర్(కెప్టెన్ ), ఫిలిఫ్ సాల్ట్(వికెట్ కీపర్), మిచెల్ మార్ష్, రిలే రస్సో, అమన్ హకీం ఖాన్, అక్షర్ పటేల్, ప్రవీణ్ దూబే, కుల్దీప్ యాదవ్, ఇషాంత్ శర్మ, ఖలీల్ అహ్మద్, ముఖేశ్ కుమార్.
సబ్స్టిట్యూట్స్
ఢిల్లీ - మనీశ్ పాండే, రిపల్ పటేల్, లలిత్ యాదవ్, చేతన్ సకారియా, అభిషేక్ పొరెల్.
పంజాబ్ - నాథన్ ఎల్లిస్, అథర్వ తైడే, మాథ్యూ షార్ట్, హర్ప్రీత్ సింగ్ భాటియా, మోహిత్ రథీ.
The Playing XIs are IN!
What do you make of the two sides?
Follow the match ▶️ https://t.co/bCb6q4b1nP #TATAIPL | #DCvPBKS pic.twitter.com/2CwFtEOK71
— IndianPremierLeague (@IPL) May 13, 2023
టాస్ గెలిచిన ఢిల్లీ క్యాపిటల్స్ కెప్టెన్ డేవిడ్ వార్నర్ ఫీల్డింగ్ తీసుకున్నాడు. దాంతో, పంజాబ్ కింగ్స్ మొదట బ్యాటింగ్ చేయనుంది.