Singapore Open | చ‌రిత్ర సృష్టించిన త్రిసా, గాయత్రి.. తొలిసారి సెమీస్‌లో భార‌త జోడీ

Singapore Open : మ‌హిళ‌ల డ‌బుల్స్‌లో త్రిసా జాలీ (Treesa Jolly), గాయ‌త్రి గోపీచంద్ (Gayatri Gopichand) జోడీ సంచ‌ల‌నం సృష్టించింది. ప్రీ - క్వార్ట‌ర్స్‌లోనే వ‌ర‌ల్డ్ నంబ‌ర్ 2కు షాకిచ్చిన భార‌త ద్వ‌యం మ‌రో విజ‌యంతో సింగ‌పూర్ ఓపెన్‌ (Singapore Open)లో సెమీస్‌కు దూసుకెళ్లింది.

May 31, 2024 / 07:04 PM IST

Singapore Open | చ‌రిత్ర సృష్టించిన త్రిసా, గాయత్రి.. తొలిసారి సెమీస్‌లో భార‌త జోడీ

Singapore Open : భార‌త మ‌హిళ‌ల డ‌బుల్స్‌లో త్రిసా జాలీ (Treesa Jolly), గాయ‌త్రి గోపీచంద్ (Gayatri Gopichand) జోడీ సంచ‌ల‌నం సృష్టించింది. ప్రీ – క్వార్ట‌ర్స్‌లోనే వ‌ర‌ల్డ్ నంబ‌ర్ 2కు షాకిచ్చిన ఈ ద్వ‌యం మ‌రో విజ‌యంతో సింగ‌పూర్ ఓపెన్‌(Singapore Open)లో సెమీస్‌కు దూసుకెళ్లింది.

శుక్ర‌వారం జ‌రిగిన క్వార్ట‌ర్ ఫైన‌ల్లో త్రీసా, గాయ‌త్రి ద్వ‌యం అద‌ర‌గొట్టింది. ఆఖ‌రి పాయింట్ వ‌ర‌కు ఉత్కంఠ రేపిన మ్యాచ్‌లో హాంకాంగ్ జంట‌ను చిత్తు చేసింది. 18-21, 21-19, 24-22తో గెలుపొంది బీడ‌బ్ల్యూఎఫ్ వ‌ర‌ల్డ్ టూర్ సూప‌ర్ 750 ఈవెంట్‌లో తొలిసారి సెమీ ఫైన‌ల్లో అడుగుపెట్టింది.

Kim/Kong 🇰🇷 take on Jolly/Pullela 🇮🇳 for a spot in the semifinals.#BWFWorldTour #SingaporeOpen2024 pic.twitter.com/tIfF7J02qh

— BWF (@bwfmedia) May 31, 2024

సింగ‌పూర్ ఓపెన్‌లో త్రిసా, గాయ‌త్రిలు సంచ‌ల‌నాల‌కు కేరాఫ్ అవుతున్నారు. క్వార్ట‌ర్ ఫైన‌ల్ బెర్తు కోసం జ‌రిగిన పోరులో ప్ర‌పంచ రెండో ర్యాంకర్ జోడీకి షాకిచ్చారు. బీక్ హ నా, లీ సో హీ ద్వ‌యంపై సూప‌ర్ విక్ట‌రీతో అందర్నీఆశ్చ‌ర్య‌ప‌రిచారు. శ‌నివారం జ‌రిగే సెమీఫైన‌ల్లో త్రిసా, గాయ‌త్రి జోడీకి బ‌ల‌మైన ప్ర‌త్య‌ర్థి ఎదుర‌వ్వ‌నుంది. జ‌పాన్‌కు చెందిన న‌మి మ‌త్సుయ‌మ‌, చిహ‌రు షిఫా.. ఇండోనేషియా అప్రియ‌ని ర‌హ‌యు, సితి ఫ‌డియ సిల్వా ర‌మ‌ధాంటి మ్యాచ్ విజేత‌తో భార‌త జోడీ త‌ల‌ప‌డ‌నుంది. ఈ మ్యాచ్‌లో గ‌నుక‌ గెలిస్తే త్రిసా, గాయ‌త్రిలు ఫైన‌ల్ చేరుతారు. అప్పుడు క‌నీసం వెండి ప‌త‌కం ఖాయమైన‌ట్టే.