ICC | టీమిండియా డబుల్ ధ‌మాకా.. బుమ్రా, మంధాన‌ల‌కు ఐసీసీ అవార్డు

ICC : ఐసీసీ అవార్డుల్లో భార‌త క్రికెట‌ర్లు డ‌బుల్ ధ‌మాకా మోగించారు. ఏకంగా ఇద్ద‌రు ప్ర‌తిష్ఠాత్మ‌క అవార్డు కొల్ల‌గొట్టారు. జూన్ నెల‌కుగానూ జ‌స్ప్రీత్ బుమ్రా (Jasprit Bumrah), స్మృతి మంధానా (Smriti Mandhana)లు 'ప్లేయ‌ర్ ఆఫ్ ది మంత్' అవార్డు గెలుపొందారు.

ICC : ఐసీసీ అవార్డుల్లో భార‌త క్రికెట‌ర్లు డ‌బుల్ ధ‌మాకా మోగించారు. ఏకంగా ఇద్ద‌రు ప్ర‌తిష్ఠాత్మ‌క అవార్డు కొల్ల‌గొట్టారు. జూన్ నెల‌కుగానూ పేస‌ర్ జ‌స్ప్రీత్ బుమ్రా (Jasprit Bumrah), ఓపెన‌ర్ స్మృతి మంధానా (Smriti Mandhana)లు ‘ప్లేయ‌ర్ ఆఫ్ ది మంత్’ అవార్డు గెలుపొందారు. టీ20 వ‌ల‌ర్డ్ క‌ప్‌లో అద‌ర‌గొట్టిన బుమ్రా పురుషుల విభాగంలో రోహిత్ శ‌ర్మ‌, ఫ‌జ‌ల్ హ‌క్ ఫారూఖీల‌ను వెన‌క్కి నెట్టి మరీ అవార్డును ఎగ‌రేసుకుపోయాడు. ఇక ద‌క్షిణాఫ్రికా ప‌ర్య‌ట‌న‌లో సెంచ‌రీల‌తో క‌దం తొక్కిన మంధాన మ‌హిళ‌ల కేట‌గిరీలో విజేత‌గా నిలిచింది.

‘జూన్ నెల‌కు ఐసీసీ అవార్డుకు ఎంపిక‌వ్వ‌డం చాలా సంతోషంగా ఉంది. అమెరికా, వెస్టిండీస్‌లో గ‌డిపొచ్చాక నాకు ద‌క్కిన ప్ర‌త్యేక గౌర‌వం ఇది. ఒక జ‌ట్టుగా మేము ఎన్నో సెల‌బ్రేష‌న్స్ చేసుకున్నాం. ఈ అవార్డును సైతం జ‌ట్టు సంబురాల్లో భాగం చేస్తున్నా’ అని యార్క‌ర్ కింగ్ బుమ్రా వెల్ల‌డించాడు.

For her stellar batting display against South Africa, #TeamIndia Vice-Captain @mandhana_smriti becomes the ICC Women’s Player of the Month for June 👏👏 pic.twitter.com/MDvnk1VmCv

— BCCI Women (@BCCIWomen) July 9, 2024

ప్లేయ‌ర్ ఆఫ్ ది మంత్ అవార్డు కోసం మ‌హిళ‌ల విభాగంలో మంధాన‌కు గ‌ట్టి పోటీ ఎదురైంది. భార‌త వైస్ కెప్టెన్ ఇంగ్లండ్ అమ్మాయి మియా బౌచెర్, శ్రీ‌లంక క్రికెట‌ర్ విశ్మీ గుణ‌ర‌త్నేలు రేసులో నిలిచారు. కానీ, సొంత‌గడ్డ‌పై ద‌క్షిణాఫ్రికాతో వన్డేల్లో రెండు సెంచ‌రీలు, ఏకైక టెస్టులోనూ 149 ప‌రుగుల‌తో మంధాన మెరిసింది. దాంతో, ఓట్ పోలింగ్‌లోనూ అభిమానులు ఆమెకే మ‌ద్ద‌తు తెలిపారు. దాంతో, ఐసీసీ మంధాన‌ను విజేత‌గా ప్ర‌క‌టించింది.

Yet another remarkable achievement for the #T20WorldCup Champion! 🏆@Jaspritbumrah93 is named as the ICC Men’s Player of the Month for June 👏👏#TeamIndia pic.twitter.com/ANwByOgKOq

— BCCI (@BCCI) July 9, 2024

టీమిండియా గెలుపు గుర్రం

పొట్టి ప్ర‌పంచ క‌ప్‌లో భార‌త జ‌ట్టు విజ‌యంలో బుమ్రా కీల‌క పాత్ర పోషించాడు. లీగ్ ద‌శ నుంచి త‌న సూప‌ర్ బౌలింగ్‌తో టీమిండియా గెలుపు గుర్రంగా మారాడు. ఇక మ్యాచ్ చేజారే ప‌రిస్థితి వ‌చ్చిన‌ ఫైన‌ల్లోనూ 18 ప‌రుగుల‌కే రెండు కీల‌క వికెట్లు తీసి వ‌ర‌ల్డ్ క్లాస్ బౌల‌ర్ అనిపించుకున్నాడు. ఆ మెగా టోర్నీలో 15 వికెట్ల‌తో బుమ్రా ‘ప్లేయ‌ర్ ఆఫ్ ది సిరీస్’ అవార్డు గెలుపొందాడు. దాంతో, భారత కెప్టెన్ రోహిత్ శ‌ర్మ‌(Rohit Sharma), టీ20 ప్ర‌పంచ క‌ప్‌లో అత్య‌ధిక (17) వికెట్లు తీసిన అఫ్గ‌నిస్థాన్ పేస‌ర్ ఫ‌జ‌ల్ హ‌క్ ఫారూఖీల‌కు నిరాశే మిగిలింది.

ఇవి కూడా చ‌ద‌వండి

• CM Revanth Reddy | మ‌హ‌బూబ్‌న‌గ‌ర్ జిల్లాలో సీఎం రేవంత్ రెడ్డి ప‌ర్య‌ట‌న‌.. రూ. 396.09 కోట్ల అభివృద్ధి ప‌నుల‌కు శంకుస్థాప‌న‌
• KTR | రాహుల్‌గాంధీది ఆస్కార్‌ లెవల్‌ యాక్టింగ్‌.. బీఆర్‌ఎస్‌ వర్కింగ్ ప్రెసిడెంట్‌ కేటీఆర్‌ ఎద్దేవా
• Kanguva | రెండు పార్టులుగా సూర్య కంగువ.. పార్టు 2 షూట్‌ ఎప్పుడో చెప్పిన కేఈ జ్ఞానవేళ్‌ రాజా