వైష్ణవి, కమలినికి చోటు.. శ్రీలంకతో టీ20 సిరీస్‌కు భారత జట్టు ప్రకటన

ఈనెల 21 నుంచి స్వదేశంలో శ్రీలంకతో మొదలుకానున్న ఐదు మ్యాచ్‌ల టీ20 సిరీస్‌కు గాను యువ వికెట్‌కీపర్‌ బ్యాటర్‌ జి. కమలిని, లెఫ్టార్మ్‌ స్పిన్నర్‌ వైష్ణవి శర్మకు జట్టులో తొలిసారిగా చోటు దక్కింది. ఈ మేరకు బీసీసీఐ.. హర్మన్‌ప్రీత్‌ కౌర్‌ సారథ్యంలోని 15 మంది సభ్యులతో కూడిన జట్టును మంగళవారం ప్రకటించింది.

ముంబై : ఈనెల 21 నుంచి స్వదేశంలో శ్రీలంకతో మొదలుకానున్న ఐదు మ్యాచ్‌ల టీ20 సిరీస్‌కు గాను యువ వికెట్‌కీపర్‌ బ్యాటర్‌ జి. కమలిని, లెఫ్టార్మ్‌ స్పిన్నర్‌ వైష్ణవి శర్మకు జట్టులో తొలిసారిగా చోటు దక్కింది. ఈ మేరకు బీసీసీఐ.. హర్మన్‌ప్రీత్‌ కౌర్‌ సారథ్యంలోని 15 మంది సభ్యులతో కూడిన జట్టును మంగళవారం ప్రకటించింది.

వన్డే ప్రపంచకప్‌ నెగ్గిన జట్టులో పెద్దగా మార్పులేమీ లేకపోయినా మలేషియాలో ముగిసిన అండర్‌-19 ఉమెన్స్‌ టీ20 ప్రపంచకప్‌లో రాణించిన కమలిని, వైష్ణవి సెలెక్టర్ల నమ్మకాన్ని చూరగొన్నారు. సీనియర్‌ ఉమెన్స్‌ ట్రోఫీలో వైష్ణవి 21 వికెట్లు పడగొట్టింది. తెలుగు క్రికెటర్లు శ్రీచరణి, అరుంధతి రెడ్డి తమ స్థానాలను నిలబెట్టుకున్నారు.

భారత జట్టు: హర్మన్‌ప్రీత్‌ (కెప్టెన్‌), స్మృతి మంధాన, దీప్తి శర్మ, స్నేహ్‌ రాణా, జెమీమా రోడ్రిగ్స్‌, షఫాలీ వర్మ, హర్లీన్‌ డియోల్‌, అమన్‌జ్యోత్‌ కౌర్‌, అరుంధతిరెడ్డి, క్రాంతిగౌడ్‌, రేణుకాసింగ్‌ ఠాకూర్‌, రిచా ఘోష్‌, కమలిని, శ్రీచరణి, వైష్ణవి