IND vs WI | 150 దాటిన భారత స్కోరు.. విజయభారం వారిద్దరిపైనే!

IND vs WI | స్వల్పలక్ష్య ఛేదనలో అదిరిపోయే ఆరంభం లభించినా కూడా దాన్ని టీమిండియా సద్వినియోగం చేసుకోలేకపోయింది. రోహిత్ (60), ఇషాన్ కిషన్ (28) మంచి ఆరంభం అందించారు. కానీ రోహిత్ అవుటైన తర్వాత కోహ్లీ (8) అనవసర షాట్‌కు

స్వల్పలక్ష్య ఛేదనలో అదిరిపోయే ఆరంభం లభించినా కూడా దాన్ని టీమిండియా సద్వినియోగం చేసుకోలేకపోయింది. రోహిత్ (60), ఇషాన్ కిషన్ (28) మంచి ఆరంభం అందించారు. కానీ రోహిత్ అవుటైన తర్వాత కోహ్లీ (8) అనవసర షాట్‌కు యత్నించి అవుటయ్యాడు. ఆ తర్వాత కాసేపటికే ఇషాన్ కిషన్ పెవిలియన్ చేరగా.. సూర్యకుమార్ యాదవ్ కొట్టిన స్ట్రెయిట్ షాట్‌కు దురదృష్టవశాత్తూ రిషభ్ పంత్ (11) బలయ్యాడు.

దీంతో 116/4తో కష్టాల్లో పడిన జట్టును సూర్యకుమార్ యాదవ్ (22 నాటౌట్), దీపక్ హుడా (12 నాటౌట్) ఆదుకున్నారు. వీళ్లిద్దరూ చెత్త షాట్లకు వెళ్లకుండా సంయమనంతో ఆడుతూ.. భారత జట్టును విజయం దిశగా తీసుకెళ్తున్నారు. ఈ క్రమంలోనే 23వ ఓవర్ ముగిసే సరికి భారత జట్టు 152/4 స్కోరు చేసింది. కీలక వికెట్లు కోల్పోయిన భారత జట్టు విజయావకాశాలు వీరిపైనే ఆధారపడి ఉన్నాయి.