IND vs ENG 2nd Test: భారత పర్యటనలో ఉన్న ఇంగ్లండ్.. హైదరాబాద్ వేదికగా ముగిసిన తొలి టెస్టులో అనూహ్య విజయం సాధించిన జోష్లో రెండో టెస్టులోనూ గెలిచి ఆ ఊపు కొనసాగించాలని భావిస్తున్న ఇంగ్లండ్కు వైజాగ్ టెస్టుకు ముందే షాక్ తప్పేలా లేదు. హైదరాబాద్లో ముగ్గురు ప్రొఫెషనల్ స్పిన్నర్లతో పాటు జో రూట్ స్పిన్తో భారత్ను ముప్పుతిప్పలు పెట్టిన ఇంగ్లండ్.. విశాఖపట్నంలోనూ నలుగురు స్పిన్నర్లతో ఆడనుందని వార్తలు వస్తున్నాయి. ఈ మేరకు ఆ జట్టు కోచ్ బ్రెండన్ మెక్కల్లమ్ కూడా ఈ విషయాన్ని కన్ఫమ్ చేశాడు. అయితే తాజా సమాచారం ప్రకారం ఇంగ్లండ్ ప్రధాన స్పిన్నర్ జాక్ లీచ్ విశాఖపట్నం టెస్టులో ఆడేది అనుమానంగానే ఉంది. ఈ టెస్టులో అతడి స్థానంలో ఇటీవలే ఇంగ్లండ్ నుంచి భారత్కు వచ్చిన 20 ఏండ్ల యువ స్పిన్నర్ షోయబ్ బషీర్ తుది జట్టులో ఆడనున్నాడని తెలుస్తోంది. లీచ్ స్థానంలో పాక్ మూలాలున్న ఈ స్పిన్నర్ను ఆడిస్తారని సమాచారం.
హైదరాబాద్ టెస్టులో ఫీల్డింగ్ చేస్తుండగా జాక్ లీచ్ ఎడమ మోకాలికి గాయమైంది. దీంతో అతడు ఆ మ్యాచ్లో సెకండ్ ఇన్నింగ్స్లో పది ఓవర్లు కూడా బౌలింగ్ చేయడానికి తంటాలు పడ్డాడు. తాజాగా ఇంగ్లండ్ జట్టు విశాఖపట్నంలో ప్రాక్టీస్ షురూ చేసినా లీచ్ మాత్రం ఈ సెషన్కు డుమ్మా కొట్టాడు. గతేడాది గాయం కారణంగా లీచ్.. స్వదేశంలోనే ముగిసిన యాషెస్ సిరీస్కు దూరమైన విషయం తెలిసిందే. తాజాగా భారత్తో సిరీస్కు సిద్ధమై వచ్చినా తొలి టెస్టులోనే అతడు గాయపడటం గమనార్హం.
🚨 REPORTS 🚨
Jack Leach is in doubt for the second #INDvENG Test in Visakhapatnam due to a knee injury sustained in the first Test. 😳
Jack Leach’s absence could lead to the 20-year-old Shoaib Bashir making his Test debut. 🔁🏴#JackLeach #Cricket #ShoaibBashir #England… pic.twitter.com/5PvXBf3y4g
— The Cricket TV (@thecrickettvX) January 31, 2024
ఇక వీసా సమస్యలతో భారత్లోకి వచ్చేందుకు ఇబ్బందులు ఎదుర్కున్న బషీర్.. వాటిని ముగించుకుని ఇటీవలే ఇంగ్లండ్ జట్టుతో కలిశాడు. రెండో టెస్టు జరగాల్సి ఉన్న విశాఖపట్నం పిచ్ కూడా స్పిన్కు అనుకూలిస్తుందని అంచనాలున్న నేపథ్యంలో ఇంగ్లండ్.. బషీర్ను బరిలోకి దింపాలని భావిస్తున్నది. తొలి టెస్టులో టామ్ హర్ట్లీ భారత్ను రెండో ఇన్నింగ్స్లో చావుదెబ్బ కొట్టాడు.
Jack Leach looks increasingly doubtful for England’s second Test in India after sitting out the first training session in Visakhapatnam. 🤕 pic.twitter.com/8KvJHORVgd
— Sky Sports Cricket (@SkyCricket) January 31, 2024
రెండో ఇన్నింగ్స్లో అతడు ఏడు వికెట్లు తీసి ఇంగ్లండ్ విజయంలో కీలకపాత్ర పోషించాడు. రిహాన్ అహ్మద్, జో రూట్లు కూడా తలా ఓ చేయి వేశారు. ఇప్పుడు వాళ్లకు బషీర్ కూడా జతకలవనున్నాడు. కుడిచేతి వాటం స్పిన్నర్ అయిన బషీర్.. ఫస్ట్ క్లాస్ క్రికెట్లో ఆరు మ్యాచ్లు ఆడి పది వికెట్లు పడగొట్టాడు.