IND vs ENG 4th Test : రాంచీ టెస్టులో భారత జట్టు తడబడుతోంది. ఇంగ్లండ్ యువ స్పిన్నర్ల ధాటికి టీమిండియా పోరాడుతోంది. టీ సెషన్ తర్వాత టామ్ హర్ట్లే, షోయబ్ బషీర్లు విజృంభించడంతో టీమిండియా 177 పరుగులకే ఏడు వికెట్లు కోల్పోయింది. ఓపెనర్ యశస్వీ జైస్వాల్(73) హాఫ్ సెంచరీతో రాణించినా మిగతా వాళ్లు విఫలమయ్యారు.
పీకల్లోతు కష్టాల్లో పడిన జట్టును ధ్రువ్ జురెల్(27 నాటౌట్), కుల్దీప్ యాదవ్(16 నాటౌట్) ఆదుకునే ప్రయత్నం చేస్తున్నారు. వీళ్లిద్దరూ ఎనిమిదో వికెట్కు 35 పరుగులు జోడించారు. ప్రస్తుతం స్కోర్.. 213/7 . ఇంకా తొలి ఇన్నింగ్స్లో రోహిత్ సేన 140 పరుగులు వెనకబడి ఉంది. రెండో రోజు మరో 6 ఓవర్ల ఆట మిగిలి ఉంది. ఆలోపు ఈ ఇద్దరూ ఔట్ కాకుండా ఉంటే భారత్ మంచి స్కోర్ చేయనుంది.
Tom Hartley has Ashwin lbw and India look like they will concede a big lead #INDvENG
▶️ https://t.co/N9hKxN5o8f pic.twitter.com/2X7TDWGeF4
— ESPNcricinfo (@ESPNcricinfo) February 24, 2024
ఇంగ్లండ్ను 353కు ఆలౌట్ చేసిన భారత్కు శుభారంభం దక్కలేదు. కెప్టెన్ రోహిత్ శర్మ(2)ను అండర్సన్ వెనక్కి పంపాడు. ఆ తర్వాత యశస్వీ(73), శుభ్మన్ గిల్(38) ఆచితూచి ఆడి ఇన్నింగ్స్ నిర్మించారు. అయితే.. బషీర్ సూపర్ డెలివరీతో గిల్ను ఔట్ చేశాడు. ఆ కాసేపటికే రజత్ పాటిదార్(17), రవీంద్ర జడేజా(12)లు ఔటయ్యారు. రాజ్కోట్ టెస్టులో అదరగొట్టిన సర్ఫరాజ్ ఖాన్(14), రవిచంద్రన్ అశ్విన్(1)లు స్వల్ప స్కోర్కే వెనుదిరిగారు. జో రూట్ స్లిప్లో అద్భుత క్యాచ్ పట్టడంతో క్రీజులో కుదురుకున్నట్టే కనిపించిన ఔటయ్యాడు. ఆ కాసేపటికే అశ్విన్ ఎల్బీగా వెనుదిరిగాడు.
Yashasvi Jaiswal is the most in-form India batter right now #INDvENG
▶️ https://t.co/N9hKxN5o8f pic.twitter.com/vVJLAJ6NkG
— ESPNcricinfo (@ESPNcricinfo) February 24, 2024
ఓవర్నైట్ స్కోర్తో రెండో రోజు ఇన్నింగ్స్ ఆరంభించిన ఇంగ్లండ్ మరో 53 పరుగులు జోడించింది. పేసర్ ఓలీ రాబిన్సన్(58) హాఫ్ సెంచరీ బాదగా.. జో రూట్(122) నాటౌట్గా నిలిచాడు. జడేజా 4 వికెట్లు తీయడంతో ఇంగ్లండ్ 353 పరుగులకు ఆలౌటయ్యింది. ఒక దశలో ఐదు వికెట్లు కోల్పోయిన ఆ జట్టు రూట్ సెంచరీ, బెన్ ఫోక్స్(47), రాబిన్సన్(58) దంచికొట్టడంతో పటిష్ట స్థితిలో నిలిచింది.