Harmanpreet Kaur : భారత మహిళల జట్టు కెప్టెన్ హర్మన్ప్రీత్ కౌర్(Harmanpreet Kaur)కు మరోసారి కోపం వచ్చింది. అంతే.. ప్రత్యర్థి బౌలర్ను ఉరిమి ఉరిమి చూసింది. చివరకు అంపైర్ కలుగజేసుకోవడంతో ఈ స్టార్ ప్లేయర్ శాంతించింది.
మహిళల బిగ్బాష్ లీగ్(WBBL)లో భాగంగా నవంబర్ 3వ తేదీన మెల్బోర్న్ రెనెగ్రేడ్స్(Melbourne Renegades), పెర్త్ స్కార్చర్స్(Perth Schorchers) జట్ల మ్యాచ్ సమయంలో ఈ సంఘటన జరిగింది.
హర్మన్ప్రీత్ సిద్దంగా లేకముందే పెర్త్ బౌలర్ సోఫియా డెవినె(Sophie Devine) బంతి విసిరింది. దాంతో చిర్రెత్తుకొచ్చిన హర్మన్ప్రీత్.. డెవిన్ వంక ఉరిమి చూసి వాగ్వాదానికి దిగింది. దాంతో, అంపైర్ కలుగజేసుకొని ఇద్దరికి సర్ది చెప్పడమే కాకుండా ఆ బంతిని రద్దు చేస్తున్నట్టు ప్రకటించాడు. ప్రస్తుతం ఈ వీడియో ఆన్లైన్లో వైరల్ అవుతోంది. ఈ మ్యాచ్లో హర్మన్ప్రీత్(52 నాటౌట్) అర్ధ శతకంతో రాణించినా.. పెర్త్ జట్టు 6 వికెట్లతో గెలుపొందింది.
“There’s a bit of argy-bargy going on between Harmanpreet (Kaur) and Soph (Devine), and I’m actually not sure who would win that battle because Harmanpreet scares me a little bit,” says Beth Mooney as she describes what’s happening… 😅 #WBBL09 pic.twitter.com/LOpRPKetyg
— 7Cricket (@7Cricket) November 3, 2023
బంగ్లాదేశ్పై మూడు వన్డేల సిరీస్లో హర్మన్ప్రీత్ వార్తల్లో నిలిచిన విషయం తెలిసిందే. చివరిదైన మూడో వన్డేలో ఔట్ ఇచ్చిన అంపైర్పై గట్టిగా అరిచి..వికెట్లను బ్యాటుతో కొట్టింది. అనంతరం ట్రోఫీ బహూకరణ సమయంలోనూ.. బంగ్లా కెప్టెన్ చిన్నబుచ్చుకునేలా ప్రవర్తించింది. దాంతో, ఐసీసీ హర్మన్ప్రీత్పై చర్యలు తీసుకున్న ఐసీసీ.. నాలుగు డీమెరిట్ పాయింట్లతో పాటు, రెండు మ్యాచ్ల నిషేధం విధించింది. దాంతో, ఆసియా క్రీడల్లో హర్మన్ప్రీత్ నేరుగా ఫైనల్లో బరిలోకి దిగింది.