Visit:
IPL 2024 : ఐపీఎల్ 17వ సీజ‌న్‌లో బ్యాట‌ర్ల ఊచ‌కోత‌కు బౌల‌ర్లు బ‌ల‌వుతున్నారు. ప‌వ‌ర్ హిట్ట‌ర్ల వీర‌బాదుడుకు కుర్ర పేస‌ర్లే కాదు సీనియ‌ర్లు సైతం కుదేల‌వుతున్నారు. తాజాగా ఈ జాబితాలో గుజ‌రాత్ టైటాన్స్(Gujarat Titans) పేస‌ర్ మోహిత్ శ‌ర్మ(Mohit Sharma) చేరాడు. డెత్ ఓవ‌ర్ స్పెష‌లిస్ట్‌గా పేరొందిన మోహిత్ చెత్త రికార్డు మూట‌గ‌ట్టుకున్నాడు. ఒకే ఓవర్లో అత్య‌ధిక ప‌రుగులు స‌మ‌ర్పించుకున్న పేస‌ర్‌గా రికార్డు నెల‌కొల్పాడు. బుధ‌వారం ఢిల్లీ క్యాపిటల్స్‌(Delhi Capitals)పై మోహిత్ 4 ఓవ‌ర్ల‌లోనే 73 ప‌రుగులిచ్చాడు.
గ‌తంలో స‌న్‌రైజ‌ర్స్ హైదరాబాద్ బ‌సిల్ థాపే(Basil Thape) పేరిత ఉన్న రికార్డును మోహిత్ బ‌ద్ధ‌లు కొట్టాడు. 2018లో బెంగ‌ళూరుపై 4 ఓవ‌ర్ల‌లో 70 రన్స్ స‌మ‌ర్పించుకున్నాడు. ఢిల్లీ బ్యాట‌ర్లు జోరుతో మోహిత్ తొలి ఓవర్లో 12, ఆ త‌ర్వాత వ‌రుస‌గా 16, 14, 31 ప‌రుగులు ఇచ్చాడు.
𝙋𝘼𝙉𝙏𝙖𝙨𝙩𝙞𝙘!
FIFTY 🆙 for the @DelhiCapitals skipper, who aims to finish on a high with such serious shots 😎
Watch the match LIVE on @JioCinema and @StarSportsIndia 💻📱#TATAIPL | #DCvGT | @RishabhPant17 pic.twitter.com/Vc8ZXRBngj
— IndianPremierLeague (@IPL) April 24, 2024
ఇక 17వ సీజ‌న్‌లో తేలిపోతున్న రాయ‌ల్ చాలెంజ‌ర్స్(RCB) పేస‌ర్లు య‌శ్ ధ‌యాల్, రీసె టాప్లేలు సైతం భారీగానే రన్స్ ఇచ్చారు. స‌న్‌రైజ‌ర్స్ హైదరాబాద్ ఆట‌గాళ్ల విధ్వంసానికి చిన్న‌స్వామి స్టేడియంలో ఐపీఎల్ అత్య‌ధిక స్కోర్ బ‌ద్ధ‌లైన వేళ.. ద‌యాల్ 69, టాప్లే 68 ప‌రుగులతో కోటా ముగించారు. ప్ర‌స్తుతం వీళ్లు మూడు, నాలుగు స్థానాల్లో కొన‌సాగుతున్నారు.
