Gautam Gambhir | అసిస్టెంట్ కోచ్‌లుగా ‘ఆ ఇద్ద‌రూ’.. సంతోషంగా ఉంద‌న్న గంభీర్

Gautam Gambhir : భార‌త జ‌ట్టు ప్ర‌ధాన కోచ్ గౌతం గంభీర్ (Gautam Gambhir) ఎట్ట‌కేల‌కు ఖుషీ అయ్యాడు. టీమిండియా అసిస్టెంట్ కోచ్‌లుగా ఐపీఎల్ స‌హ‌చ‌రుల‌ను ప‌ట్టుప‌ట్టి మ‌రీ నియ‌మించుకున్న ఆనందంలో గౌతీ ఉన్నాడు.

July 22, 2024 / 05:42 PM IST

Gautam Gambhir | అసిస్టెంట్ కోచ్‌లుగా ‘ఆ ఇద్ద‌రూ’.. సంతోషంగా ఉంద‌న్న గంభీర్

Gautam Gambhir : భార‌త జ‌ట్టు ప్ర‌ధాన కోచ్ గౌతం గంభీర్ (Gautam Gambhir) ఎట్ట‌కేల‌కు ఖుషీ అయ్యాడు. టీమిండియా అసిస్టెంట్ కోచ్‌లుగా ఐపీఎల్ స‌హ‌చ‌రుల‌ను ప‌ట్టుప‌ట్టి మ‌రీ నియ‌మించుకున్న ఆనందంలో గౌతీ ఉన్నాడు. అసిస్టెంట్ కోచ్‌లుగా అభిషేక్ నాయ‌ర్ (Abhishek Nair), రియాన్ డ‌స్చేట్‌(Ryan Doeschate)ల నియ‌మాకానికి భార‌త క్రికెట్ నియంత్ర‌న మండ‌లి గ్రీన్ సిగ్న‌ల్ ఇచ్చింద‌ని గంభీర్ ధ్రువీక‌రించాడు. శ్రీ‌

లంక ప‌ర్య‌ట‌న‌కు బ‌య‌ల్దేరడానికి ముందు చీఫ్ సెలెక్ట‌ర్ అజిత్ అగార్క‌ర్‌(Ajit Agarkar)తో క‌లిసి గంభీర్ మీడియా స‌మావేశంలో మాట్లాడాడు. ఈ సంద‌ర్బంగా అభిషేక్, డ‌స్చేట్‌లు స‌హాయ‌క కోచ్‌లుగా ఎంపిక‌య్యార‌ని అత‌డు తెలిపాడు. ‘నాకు చాలా సంతోషంగా ఉంది. నేను అడిగిన‌వాటిలో చాలావాటికి బీసీసీఐ ఓకే చెప్పింది. అభిషేక్, డ‌స్చేట్‌లు అసిస్టెంట్ కోచ్‌లుగా ఖ‌రార‌య్యారు. ఇది చాలా మంచి టీమ్. మాకు శ్రీలంక సిరీస్ తర్వాత కూడా స‌మయం ఉంది. ఐపీఎల్‌లో కోల్‌క‌తా నైట్ రైడ‌ర్స్‌కు మెంటార్‌గా స‌మ‌యంలో అభిషేక్, డ‌స్చేట్‌ల‌ను నేను బాగా నిశితంగా గ‌మ‌నించాను.

🚨Gautam Gambhir on Abhishek Nayar and Ryan Ten Doeschate as support staff :

” I have worked closely with Abhishek and Ryan in last two months at IPL with KKR. Both Absolute professionals and hopefully have a successful stint with the Indian team as coaches”. pic.twitter.com/fbP2O6w8uv

— KKR Vibe (@KnightsVibe) July 22, 2024

వీళ్లిద్ద‌రి ప‌నితీరు అద్భుతం. వీళ్ల మీద‌ ఆట‌గాళ్ల నుంచి కూడా మంచి ఫీడ్ బ్యాక్ వ‌చ్చింది. టీమిండియా స‌హాయ‌క కోచ్‌లుగా అభిషేక్, డ‌స్చేట్‌లు విజ‌య‌వంతం అవుతార‌ని ఆశిస్తున్నా. లంక సిరీస్ త‌ర్వాత పూర్తి స్థాయి అసిస్టెంట్ కోచ్‌లుగా ఉండేది ఎవ‌రో తేలిపోతుంది’ అని గంభీర్ వివ‌రించాడు. అంతేకాదు ఫిట్‌నెస్ దృష్ట్యానే హార్దిక్ పాండ్యాను త‌ప్పించి సూర్య‌కుమార్‌ను టీ20 కెప్టెన్ చేశామ‌ని చెప్పాడు.

🆙 Next 👉 Sri Lanka 🇱🇰#TeamIndia are back in action with 3 ODIs and 3 T20Is#INDvSL pic.twitter.com/aRqQqxjjV0

— BCCI (@BCCI) July 18, 2024

సీనియ‌ర్ ఆల్‌రౌండ‌ర్‌ ర‌వీంద్ర జ‌డేజాకు లంక‌తో వ‌న్డేల‌కు రెస్ట్ ఇచ్చామ‌ని అన్నాడు. ఇక స్టార్ ఆట‌గాళ్లు విరాట్ కోహ్లీ, రోహిత్ శ‌ర్మ‌లు 2027 వ‌ర‌ల్డ్ క‌ప్ వ‌ర‌కూ ఫిట్‌గా ఉంటార‌ని ఆశిస్తున్నాన‌ని గంభీర్ వెల్ల‌డించాడు. శ్రీ‌లంక ప‌ర్య‌ట‌న‌లో భార‌త జ‌ట్టు మూడు టీ20లు, మూడు వ‌న్డేలు ఆడ‌నుంది. జూలై 27న జ‌రిగే టీ20తో సిరీస్ మొద‌ల‌వ్వ‌నుంది. ఈ సిరీస్ కోసం బీసీసీఐ ఇప్ప‌టికే స్క్వాడ్‌ను ప్ర‌క‌టించిన విష‌యం తెలిసిందే.