RCB vs GT | అర్ధ శ‌త‌కంతో చెల‌రేగిన డూప్లెసిస్.. ఏడో స్థానానికి ఎగ‌బాకిన ఆర్సీబీ

RCB vs GT : ప్లే ఆఫ్స్ రేసులో నిల‌వాలంటే గెల‌వ‌క త‌ప్ప‌ని పోరులో రాయ‌ల్ చాలెంజ‌ర్స్ బెంగ‌ళూరు(Royal Challengers Bengaluru) గ‌ర్జించింది. తొలుత గుజ‌రాత్ టైటాన్స్‌ను త‌క్కువ‌కే క‌ట్టడి చేసి.. కెప్టెన్ ఫాఫ్ డూప్లెసిస్(64) విధ్వంసానికి, విరాట్ కోహ్లీ(42) క్లాస్ బ్యాటింగ్ తోడ‌వ్వ‌డంతో 4  వికెట్ల తేడాతో గెలిచింది. 

RCB vs GT : ప్లే ఆఫ్స్ రేసులో నిల‌వాలంటే గెల‌వ‌క త‌ప్ప‌ని పోరులో రాయ‌ల్ చాలెంజ‌ర్స్ బెంగ‌ళూరు(Royal Challengers Bengaluru) గ‌ర్జించింది. తొలుత గుజ‌రాత్ టైటాన్స్‌ను త‌క్కువ‌కే క‌ట్టడి చేసింది. 148 ప‌రుగుల ఛేద‌న‌లో కెప్టెన్ ఫాఫ్ డూప్లెసిస్(64) విధ్వంసానికి, విరాట్ కోహ్లీ(42) క్లాస్ బ్యాటింగ్ తోడ‌వ్వ‌డంతో 4  వికెట్ల తేడాతో గెలిచింది.

చిన్న‌స్వామిలో స్వ‌ల్ప స్కోర్‌కే గుజ‌రాత్‌ను క‌ట్ట‌డి చేసిన ఆర్సీబీ ఛేజింగ్‌ను ధాటిగా మొద‌లెట్టింది. ఓపెన‌ర్లు డూప్లెసిస్, కోహ్లీలు ఆకాశ‌మే హ‌ద్దుగా చెల‌రేగారు. డూప్లెసిస్ వీర‌బాదుడు చూశాక‌..  10 ఓవ‌ర్ల లోపే మ్యాచ్ ముగిస్తుందనుకున్న వేళ గుజ‌రాత్ బౌల‌ర్లు వికెట్ల వేట మొద‌లెట్టారు. అయితే.. ఫినిష‌ర్ దినేశ్ కార్తిక్(21 నాటైట్), యువ‌కెర‌టం స్వ‌ప్నిల్ సింగ్(15 నాటౌట్)లు ఏమాత్రం ఒత్తిడికి గుర‌వ్వ‌కుండా ఆడారు. దాంతో, 13.4 ఓవ‌ర్ల‌లోనే మ్యాచ్ ముగించిన డూప్లెసిస్ సేన‌ ఏడో స్థానానికి ఎగ‌బాకి ముంబైని అట్ట‌డుగుకు నెట్టింది.

లిటిల్ మ్యాజిక్..  

ప‌వ‌ర్ ప్లేలో ఓపెన‌ర్ల జోరుతో ప‌టిష్ట స్థితిలో నిలిచిన ఆర్సీబీ ఒక్క‌సారిగా త‌డ‌బ‌డింది. 92 ప‌రుగుల వ‌ద్ద తొలి వికెట్ ప‌డ‌డ‌మే ఆల‌స్యం.. స్టార్ ఆట‌గాళ్లంతా పెవిలియ‌న్‌కు క్యూ క‌ట్టారు. జోష్ లిటిల్(4/45) ఓకే ఓవ‌ర్లో విల్ జాక్స్‌(1), మ్యాక్స్‌వెల్‌(4)ల‌ను వెన‌క్కి పంపాడు. డ‌గౌట్‌లోని ఆర్సీబీ ఆట‌గాళ్ల‌తో పాటు స్టేడియంలోని అభిమానులు షాక్‌లో ఉండ‌గానే కామెరూన్ గ్రీన్(1) సింపుల్ క్యాచ్ ఇచ్చి ఔట‌య్యాడు.

Two identical dismissals and #GT have bounced back strongly!

But @RCBTweets need only 37 off 62

Watch the match LIVE on @StarSportsIndia and @JioCinema 💻📱#TATAIPL | #RCBvGT pic.twitter.com/5mxlsOr3eY

— IndianPremierLeague (@IPL) May 4, 2024

అంతేనా.. చివ‌రిదాకా నిల‌బ‌డ‌తాడ‌నుకున్న కోహ్లీ(42) సైతం నూర్ అహ్మ‌ద్ ఓవ‌ర్లో వెనుదిరిగాడు. 28 బంతుల్లో 25 ర‌న్స్‌కు ఐదు వికెట్లు కోల్పోయిన జ‌ట్టును దిశేష్ కార్తిక్(21 నాటౌట్‌), స్వ‌ప్నిల్ సింగ్‌(15 నాటౌట్‌)లు ఆదుకున్నారు. ర‌షీద్ ఖాన్ ల‌క్ష్యంగా కార్తిక్ దంచ‌డంతో ఆర్సీబీ విజ‌యానికి మ‌రింత చేరువైంది. ఈ ఇద్ద‌రూ జాగ్ర‌త్త‌గా ఆడి జ‌ట్టును గెలిపించారు.

..And breathe @RCBTweets fans 😃

Swapnil Singh hits the winning runs 😎

Recap the match on @StarSportsIndia and @JioCinema 💻📱#TATAIPL | #RCBvGT pic.twitter.com/PHU2CIMP3n

— IndianPremierLeague (@IPL) May 4, 2024

తెవాటియా, ర‌షీద్ దంచగా..

కీల‌క బ్యాట‌ర్లంతా 88 ప‌రుగుల‌కే డగౌట్‌కు చేరిన వేళ‌.. ర‌షీద్, తెవాటియాలు అస‌మాన పోరాటం క‌న‌బ‌రిచారు. ధ‌నాధ‌న్ ఆడి జ‌ట్టు స్కోర్ 100 దాటించారు. విజ‌య్ ఓవ‌ర్లో ర‌షీద్ భారీ సిక్స‌ర్ బాది ఊపు తేగా.. క‌ర‌న్ శ‌ర్మ వేసిన 16వ ఓవ‌ర్లో తెవాటియా ఓ రేంజ్‌లో రెచ్చిపోయాడు. వ‌రుస‌గా 4, 6, 4, 4 బాది 19 ర‌న్స్ పిండుకున్నాడు. వీళ్లు ఇద్ద‌రూ ఆరో వికెట్‌కు 29 బంతుల్లోనే 44 ర‌న్స్ జోడించారు. ద‌యాల్ బౌలింగ్‌లో ర‌షీద్ బౌల్డ్ అయ్యాక వ‌చ్చిన ఇంప్యాక్ట్ ప్లేయ‌ర్ విజ‌య్ శంక‌ర్(10) ఓ బౌండ‌రీ కొట్టి గుజ‌రాత్ ప‌రువు కాపాడాడు.