ENG vs NZ | డేవిడ్ మ‌ల‌న్ సెంచరీ.. భారీ స్కోర్ దిశ‌గా ఇంగ్లండ్

ENG vs NZ : సిరీస్ డిసైడ‌ర్ అయిన నాలుగో వ‌న్డేలో ఇంగ్లండ్ స్టార్ డేవిడ్ మ‌ల‌న్(Dawid Malan) రెచ్చిపోయాడు. న్యూజిలాండ్‌పై బౌల‌ర్ల‌పై విరుచుకుప‌డిన మ‌ల‌న్ (104 నాటౌట్) 14 ఫోర్లు, ఒక సిక్స్‌తో సెంచ‌రీ బాదాడు. మ్యాట్ హెన్రీ(Matt Henry) బౌలింగ్‌లో రెండు ర‌న్స్ తీసి...

ENG vs NZ : సిరీస్ డిసైడ‌ర్ అయిన నాలుగో వ‌న్డేలో ఇంగ్లండ్ స్టార్ డేవిడ్ మ‌ల‌న్(Dawid Malan) రెచ్చిపోయాడు. న్యూజిలాండ్‌పై బౌల‌ర్ల‌పై విరుచుకుప‌డిన మ‌ల‌న్ (104 నాటౌట్) 14 ఫోర్లు, ఒక సిక్స్‌తో సెంచ‌రీ బాదాడు. మ్యాట్ హెన్రీ(Matt Henry) బౌలింగ్‌లో రెండు ర‌న్స్ తీసి శ‌త‌కం సాధించాడు. వ‌న్డే ఫార్మాట్‌లో అత‌డికి ఇది ఐదో సెంచ‌రీ.

ఈ చిచ్చ‌ర‌పిడుగు కెప్టెన్ జోస్‌ బ‌ట్ల‌ర్(36)తో క‌లిసి మూడో వికెట్‌కు 60 ప‌రుగులు జోడించాడు. వీళ్లిద్ద‌రూ దంచి కొట్ట‌డంతో ఇంగ్లండ్ స్కోర్ బోర్డు పెట్టింది. అయితే.. డారిల్ మిచెల్ ఓ చ‌క్క‌ని బంతితో బట్ల‌ర్‌ను పెవిలియ‌న్ పంపాడు. 33 ఓవ‌ర్లకు ఇంగ్లండ్ స్కోర్.. 196-4.

A 5th ODI century! 👏

Malan on 🔥 in the Lord’s sunshine! ☀️@IGCom | @dmalan29 pic.twitter.com/1ZcHWJ8Phc

— England Cricket (@englandcricket) September 15, 2023

నాలుగు వ‌న్డేల సిరీస్‌లో 2-1 ఆధిక్యంలో ఉన్న ఇంగ్లండ్ సిరీస్‌పై క‌న్నేసింది. మ‌రోవైపు తొలి వ‌న్డేలో నెగ్గిన కివీస్ ఆ త‌ర్వాత జోరు కొన‌సాగించ‌లేక చ‌తికిలప‌డింది. ఇప్ప‌టికే నాలుగు టీ20ల సిరీస్‌ను 2-2తో ఇరుజ‌ట్లు పంచుకున్నాయి. దాంతో, ఆతిథ్య ఇంగ్లండ్, న్యూజిలాండ్ ఈమ్యాచ్‌లో ఎట్టిప‌రిస్థితుల్లోనైనా గెల‌వాల‌నే క‌సితో ఉన్నాయి.