న్యూయార్క్: యూఎస్ ఓపెన్లో దూసుకెళ్తున్న కార్లోస్ అల్కరాజ్కు.. రష్యన్ ప్లేయర్ డానిల్ మెద్వదేవ్(Daniil Medvedev) షాక్ ఇచ్చాడు. సెమీఫైనల్లో 7-6 (7-3) 6-1 3-6 6-3 స్కోరుతో మెద్వదేవ్ చేతిలో అల్కరాజ్ ఓటమి పాలయ్యాడు. ఇక ఫైనల్లో జోకోవిజ్తో మెద్వదేవ్ తలపడనున్నాడు. మరో సెమీస్లో జోకోవిచ్ 6-3 6-2 7-6 (7-4) స్కోరుతో అమెరికాకు చెందిన బెన్ షెల్టన్పై గెలుపొందాడు. ఫైనల్లో ప్రవేశించిన జోకోవిచ్.. 24వ గ్రాండ్స్లామ్ టైటిపై కన్నేశాడు.
Daniil Medvedev clinched a spot in the US Open final for the third time.
How it sounded on US Open Radio 🎙️👇 pic.twitter.com/ySw7cTA1wH
— US Open Tennis (@usopen) September 9, 2023
అల్కరాజ్, మెద్వదేవ్ మధ్య మ్యాచ్ హోరాహోరీగా సాగింది. ఆర్దర్ ఆషే స్టేడియంలో జరిగిన మ్యాచ్ను సుమారు 24వేల మంది ప్రత్యక్షంగా వీక్షించారు. కానీ మెద్వదేవ్ కూల్గా మ్యాచ్ను గెలిచేశాడు. సుమారు మూడున్నర గంటల పాటు ఈ మ్యాచ్ జరిగింది.
జోకోవిచ్ యూఎస్ ఓపెన్ ఫైనల్లోకి ప్రవేశించడం ఇది పదోసారి. 2021 ఫైనల్లో మెద్వదేవ్ చేతిలో జోకోవిచ్ ఓడాడు. ఇక గత ఏడాది వ్యాక్సిన్ తీసుకోకపోవడం వల్ల జోకోవిచ్ యూఎస్ ఓపెన్ టోర్నీలో ఆడలేదు.
ఆదివారం జరిగే ఫైనల్లో నాలుగోసారి ఆ టైటిల్ను చేజిక్కించుకునే ప్రయత్నం చేయనున్నాడు.
A 15th meeting awaits Sunday. pic.twitter.com/ZrUCzbwXDo
— US Open Tennis (@usopen) September 9, 2023