CWG 2022 | చరిత్ర సృష్టించిన సాత్విక్, చిరాగ్ జోడీ.. బాడ్మింటన్‌లో మూడో గోల్డ్

కామన్‌వెల్త్ క్రీడల్లో భారత క్రీడాకారుల పతకాల వేట కొనసాగుతోంది. బ్యాడ్మింటన్‌ పురుషుల డబుల్స్ విభాగంలో సాత్విక్ సాయిరాజ్, చిరాగ్ శెట్టి జోడీ అద్భుతంగా రాణించి స్వర్ణం సాధించింది. బర్మింగ్‌హామ్ వేదికగా జరిగిన ఈ మ్యాచ్‌లో ఇంగ్లండ్ జోడీ బెన్ లేన్, సీన్ వెండీని వరుస సెట్లలో ఓడించిన భారత జోడీ విజయం సాధించింది.

మ్యాచ్ ఆసాంతం ఆధిపత్యం చెలాయించిన సాత్విక్, చిరాగ్ వరుసగా 15-21, 13-21 పాయింట్ల తేడాతో అద్భుతంగా రాణించి, ఇంగ్లిష్ జోడీని ఒత్తిడిలో పడేశారు. ఇది కామన్‌వెల్త్ క్రీడల్లో పురుషుల డబుల్స్ విభాగంలో భారత్‌కు దక్కిన తొలి స్వర్ణం కావడం విశేషం. కాగా, ఇప్పటికే బాడ్మింటన్‌లో పీవీ సింధు, లక్ష్య సేన్ స్వర్ణాలు నెగ్గిన సంగతి తెలిసిందే. ఇప్పుడు సాత్విక్, చిరాగ్ కూడా పసిడి నెగ్గారు. అంటే బాడ్మింటన్‌లో ఇది భారత్‌కు మూడో స్వర్ణం అన్నమాట.

HISTORY CREATED- DYNAMIC DUO ON A ROLL🔥

🥇 @satwiksairaj / @Shettychirag04 are VICTORIOUS over their English opponents with a score of 0-2 at the #CommonwealthGames2022🥇

This is the 1️⃣st ever Indian Men's Doubles Badminton 🥇 Medal in the #CWG🤩

Brilliant Feat! #Cheer4India pic.twitter.com/xR9Cr9bx5x

— SAI Media (@Media_SAI) August 8, 2022