Pat Cummins | క‌మిన్స్ వికెట్ల ‘సెంచ‌రీ’.. అరుదైన క్ల‌బ్‌లో ఆసీస్ సార‌థి

Pat Cummins  : ఆస్ట్రేలియా కెప్టెన్ ప్యాట్ క‌మిన్స్(Pat Cummins) అరుదైన ఫీట్ సాధించాడు. కంగారూ జ‌ట్టు సార‌థిగా 100 వికెట్లు ప‌డ‌గొట్టాడు. న్యూజిలాండ్‌తో జ‌రుగుతున్న తొలి టెస్టులో డారిల్ మిచెల్‌(Daryl Mitchell)ను ఔట్ చేసిన‌ క‌మిన్స్...

Pat Cummins  : ఆస్ట్రేలియా కెప్టెన్ ప్యాట్ క‌మిన్స్(Pat Cummins) అరుదైన ఫీట్ సాధించాడు. కంగారూ జ‌ట్టు సార‌థిగా 100 వికెట్లు ప‌డ‌గొట్టాడు. న్యూజిలాండ్‌తో జ‌రుగుతున్న తొలి టెస్టులో డారిల్ మిచెల్‌(Daryl Mitchell)ను ఔట్ చేసిన‌ క‌మిన్స్ 100 వికెట్ ఖాతాలో వేసుకున్నాడు. దాంతో, ఈ ఘ‌న‌త‌కు చేరువైన ప‌దో కెప్టెన్‌గా క‌మిన్స్ రికార్డు సృష్టించాడు. అత‌డి కంటే ముందు భార‌త మాజీ కెప్టెన్ క‌పిల్ దేవ్(Kapil Dev), ద‌క్షిణాఫ్రికా ఆల్‌రౌండ‌ర్ షాన్ పొలాక్, పాకిస్థాన్ మాజీ పేస‌ర్ వ‌సీమ్ అక్ర‌మ్‌, వెస్టిండీస్ ఆల్‌రౌండ‌ర్ జేస‌న్ హోల్డ‌ర్‌లు ఈ ఫీట్ సాధించారు.

కెప్టెన్‌గా వందకు పైగా వికెట్లు తీసిన ఆట‌గాళ్ల‌ జాబితాలో పాక్ మాజీ సార‌థి ఇమ్రాన్ ఖాన్ అగ్ర‌స్థానంలో కొన‌సాగుతున్నాడు. ఇమ్రాన్ 71 ఇన్నింగ్స్‌ల్లో 187 వికెట్లు తీశాడు. క‌పిల్ దేవ్ 58 ఇన్నింగ్స్‌ల్లో 111 వికెట్లు తీయ‌గా.. షాన్ పొలాక్ 50 ఇన్నింగ్స్‌ల్లో 103 వికెట్లు ప‌డ‌గొట్టాడు.

A century of wickets for Pat Cummins as Australia captain 👏#NZvAUS pic.twitter.com/r7Trg0o6JV

— ESPNcricinfo (@ESPNcricinfo) March 1, 2024

47వ కెప్టెన్‌గా

క‌రీబియ‌న్ ఆల్‌రౌండ‌ర్ హోల్డ‌ర్ 63 ఇన్నింగ్స్‌ల్లో 100 వికెట్ల‌తో 9వ స్థానంలో నిలిచాడు. న్యూజిలాండ్‌తో టెస్టు సిరీస్ ముగిసే లోపే క‌మిన్స్.. హోల్డ‌ర్, పొలాక్ రికార్డుల‌ను బ‌ద్ధ‌లు కొట్టే చాన్స్ ఉంది. పేస్ బౌల‌ర్ అయిన క‌మిన్స్ 2021లో ఆస్ట్రేలియా టెస్టు సార‌థిగా ఎంపిక‌య్యాడు. టిమ్ పైన్(Tim Paine) త‌ర్వాత 47వ టెస్టు కెప్టెన్‌గా బాధ్య‌త‌లు చేప‌ట్టాడు.

క‌మిన్స్ నాయ‌క‌త్వంలో ఆసీస్ సంచ‌ల‌న విజ‌యాలు సాధించింది. 2023లో ప్ర‌పంచ టెస్టు చాంపియ‌న్‌షిప్ ఫైన‌ల్‌కు దూసుకెళ్లింది. ఓవ‌ల్ వేదిక‌గా జ‌రిగిన ఫైన‌ల్లో భార‌త జ‌ట్టును ఓడించిన క‌మిన్స్ సేన‌ టెస్టు గ‌ద‌ (Test Mace)ను సొంతం చేసుకుంది. అనంత‌రం వ‌న్డే వ‌ర‌ల్డ్ క‌ప్‌లోనూ టీమిండియ‌ను చిత్తు చేసి ఆరోసారి విశ్వ విజేత‌గా అవ‌త‌రించింది.

ఇవి కూడా చ‌ద‌వండి

• Mamata banerjee | మళ్లీ బీజేపీనే అధికారంలోకి వస్తే వంటగ్యాస్‌ రూ.2 వేలకు పెరగొచ్చు : మమతా బెనర్జీ
• BHIMAA | గోపీచంద్‌ భీమా ప్రీ రిలీజ్‌ ఈవెంట్ జరిగేదెక్కడో తెలుసా..?