Srilanka Cricket | శ్రీ‌లంక‌కు జ‌ట్టుకు కొత్త కోచ్‌లు.. ఆ ఇద్ద‌రూ ఎవ‌రంటే..?

Srilanka Cricket : వ‌న్డే ప్ర‌పంచ క‌ప్ వైఫ‌ల్యంతో మేల్కొన్న‌ శ్రీ‌లంక(Srilanka Cricket) బోర్డు కీల‌క నిర్ణ‌యం తీసుకుంది. టీమిండియా మాజీ బౌలింగ్ కోచ్‌ భ‌ర‌త్ అరుణ్‌(Bharat Arun)ను ఫాస్ట్ బౌలింగ్ కోచ్‌గా, ద‌క్షిణాఫ్రికా మాజీ క్రికెట‌ర్...

Srilanka Cricket : వ‌న్డే ప్ర‌పంచ క‌ప్ వైఫ‌ల్యంతో మేల్కొన్న‌ శ్రీ‌లంక(Srilanka Cricket) బోర్డు కీల‌క నిర్ణ‌యం తీసుకుంది. టీమిండియా మాజీ బౌలింగ్ కోచ్‌ భ‌ర‌త్ అరుణ్‌(Bharat Arun)ను ఫాస్ట్ బౌలింగ్ కోచ్‌గా, ద‌క్షిణాఫ్రికా మాజీ క్రికెట‌ర్ జాంటీ రోడ్స్‌(Jonty Rhodes)ను ఫీల్డింగ్ క‌న్స‌ల్టెంట్‌గా నియ‌మించింది. టీ20 వ‌ర‌ల్డ్ క‌ప్‌ను దృష్టిలో పెట్టుకొని జ‌న‌వ‌రి 16న శ్రీ‌లంక క్రికెట్ ఎగ్జిక్యూటివ్ క‌మిటీ స‌మావేశ‌మైంది.

ఈ సంద‌ర్భంగా అనుభ‌వ‌జ్ఞులైన‌ కొత్త కోచ్‌ల‌ను నియ‌మించాల‌ని క‌మిటీ తీర్మానించింది. దాంతో, కోచ్‌లుగా సుదీర్ఘ అనుభ‌వంతో పాటు మెరుగైన రికార్డు ఉన్న ఈ ఇద్ద‌రినీ లంక బోర్డు సెలెక్ట్ చేసింది. అంతేకాదు మాజీ ఫిజియోథెర‌పిస్ట్ అలెక్స్ కౌంటౌరీ(Alex Kountouri)ని మ‌ళ్లీ తీసుకుంది. భ‌ర‌త్, రోడ్స్, అలెక్స్‌లు త్వ‌ర‌లోనే విధుల్లో చేరనున్నారు.

Former Indian Bowling Coach Bharat Arun will join Coaching set up of Srilanka.

Also Fielding great @JontyRhodes8 will join as Fielding consultant.#CricketTwitter pic.twitter.com/ApIU6X2mjR

— alekhaNikun (@nikun28) January 18, 2024

భార‌త జ‌ట్టు మాజీ క్రికెట‌ర్ అయిన‌ భ‌ర‌త్ అరుణ్‌కు కోచ్‌గా మంచి రికార్డు ఉంది. ర‌విశాస్త్రి కోరిక మేరకు టీమిండియా బౌలింగ్ కోచ్‌గా ఎంపికైన భ‌ర‌త్ అన‌తికాలంలోనే జ‌ట్టుపై త‌న ముద్ర వేశాడు. 2014 నుంచి 2019 వ‌ర‌కూ ఫాస్ట్ బౌలింగ్ కోచ్‌గా సేవ‌లందించాడు. ఇండియ‌న్ ప్రీమియ‌ర్ లీగ్‌(IPL)లో కోల్‌క‌తా నైట్ రైడ‌ర్స్ జ‌ట్టుకు కోచ్‌గా ప‌నిచేసిన అనుభ‌వం కూడా భ‌ర‌త్‌కు ఉంది.

ష‌మీ, బుమ్రాల‌కు సూచ‌న‌లిస్తున్న భ‌ర‌త్ అరుణ్

మ‌రోవైపు మెరుపు ఫీల్డింగ్‌తో ప్ర‌పంచాన్ని ఆశ్చ‌ర్య‌ప‌రిచిన జాంటీ రోడ్స్‌ ఫీల్డింగ్ కోచ్‌గా ఎంతో పాపుల‌ర్. ప్ర‌స్తుతం రోడ్స్ ల‌క్నో సూప‌ర్ జెయింట్స్ జ‌ట్టుకు ఫీల్డింగ్ క‌న్స‌ల్టెంట్‌గా ఉన్నాడు. అంతేకాదు డ‌ర్బ‌న్‌కు చెందిన సూప‌ర్ జెయింట్స్ జ‌ట్టుకు కూడా కోచ్‌గా సేవ‌లందిస్తున్నాడు.

ఇవి కూడా చ‌ద‌వండి

• West Indies Cricket | వెస్టిండీస్ బోర్డుకు పెద్ద షాక్.. క్రికెట్‌కు వీడ్కోలు ప‌లికిన ఆ న‌లుగురు
• Prakriti Pavani | స్లీవ్ లెస్ డ్రెస్‌లో పరువాలు ఒలకబోస్తున్న ప్రకృతి పావని..