Dejan Milojevic : అమెరికాకు చెందిన నేషనల్ బాస్కెట్బాల్ అసోసియేషన్(NBA)లో విషాదం నెలకొంది. గోల్డెన్ స్టేట్ వారియర్స్(Golden State Warriors) జట్టు అసిస్టెంట్ కోచ్ డెజాన్ మిలోజెవిక్(Dejan Milojevic) బుధవారం కన్నుమూశాడు. బుధవారం జట్టుతో కలిసి డిన్నర్ చేస్తున్న సమయంలో 46 ఏండ్ల డెజాన్కు గుండెపోటు వచ్చింది. దాంతో, అతడు ఒక్కసారిగా కింద పడిపోయాడు.
వెంటనే స్పందించిన ఆటగాళ్లు డెజాన్ను సాల్ట్ లేక్ సిటీ(Salt Lake City)లోని ఆస్పత్రికి తరలించారు. అక్కడ వైద్యులు ఎంతో ప్రయత్నించినప్పటికీ అతడి ప్రాణాలు కాపాడలేకపోయారు. డెజాన్ మరణవార్త తెలియగానే నేబీఏ, గోల్డెన్ స్టేట్లో విషాదం నిండింది.
We are absolutely devastated by Dejan Milojević’s sudden passing.
This is a shocking and tragic blow for everyone associated with the Warriors and an incredibly difficult time for his family, friends, and all of us who had the incredible pleasure to work with him.
We grieve… pic.twitter.com/0wExlLlu5z
— Golden State Warriors (@warriors) January 17, 2024
‘డెజాన్ అకాల మరణానికి మేము ఎంతో చింతిస్తున్నాం. వారియర్స్ జట్టు సభ్యలుకు ఇది నిజంగా షాకింగ్ న్యూస్. డెజాన్ కుటుంబ సభ్యులు, మిత్రులకు ఇది ఎంతో కష్ట కాలం. అతడితో కలిసి పని చేసినందుకు ఎంతో గర్వపడుతున్నాం. డెజాన్ ఒక గొప్ప కోచ్. అంతేకాదు మంచి మనిషి. ఆటపై ఇష్టం, ప్రేమతో ప్రతి ఒక్కరిలో ఆత్మవిశ్వాసాన్ని నింపే అతడు దూరమవ్వడం మాకు కోలుకోలేని దెబ్బ’ అని వారియర్స్ హెడ్ కోచ్ స్టీవ్ కెర్ ఓ ప్రకటనలో తెలిపాడు.
డెజాన్ మిలోజెవి
బెల్గ్రేడ్కు చెందిన డెజాన్కు గోల్డెన్ స్టేట్ వారియర్స్ జట్టుతో మంచి అనుబంధం ఉంది. 2022లో ఆ జట్టు ఎన్బీఏ చాంపియన్షిప్(NBA Championship 2022) గెలవడంలో డెజాన్ కీలక పాత్ర పోషించాడు. దాంతో, గోల్డెన్ స్టేట్ యాజమాన్యం మూడో సీజన్లో డెజాన్ను కోచ్గా కొనసాగించింది.