Mustafizur Rahman | బంగ్లా స్టార్‌ బౌలర్‌ తలకు గాయం.. రక్తంతోనే ఆస్పత్రికి..

Mustafizur Rahman | బీపీఎల్‌లో కొమిల్లా విక్టోరియన్స్‌.. తమ తదుపరి మ్యాచ్‌లో సిల్హట్‌ స్ట్రైకర్స్‌తో తలపడాల్సి ఉండగా ఈ మ్యాచ్‌కు ముందు జరిగిన ప్రాక్టీస్ సెషనల్‌లో పాల్గొన్న ముస్తాఫిజుర్‌ గాయపడ్డాడు. ప్రాక్టీస్‌ సెషన్‌లో భాగంగా ముస్తాఫిజుర్‌..

Mustafizur Rahman |ప్రస్తుతం స్వదేశంలో బంగ్లాదేశ్‌ ప్రీమియర్‌ లీగ్‌ (బీపీఎల్‌) ఆడుతున్న బంగ్లాదేశ్‌ స్టార్‌ పేసర్‌ ముస్తాఫిజుర్‌ రెహ్మన్‌ తలకు గాయమైంది. బీపీఎల్‌లో కొమిల్లా విక్టోరియన్స్‌ తరఫున ఆడుతున్న ముస్తాఫిజుర్‌.. ప్రాక్టీస్‌ సెషన్స్‌లో భాగంగా ఆ జట్టుకు చెందిన స్టార్‌ బ్యాటర్‌ లిటన్‌ దాస్‌ విసిరిన బంతికి గాయపడి ఆస్పత్రి పాలయ్యాడు. బీపీఎల్‌లో కొమిల్లా విక్టోరియన్స్‌.. తమ తదుపరి మ్యాచ్‌లో సిల్హట్‌ స్ట్రైకర్స్‌తో తలపడాల్సి ఉండగా ఈ మ్యాచ్‌కు ముందు జరిగిన ప్రాక్టీస్ సెషన్‌లో పాల్గొన్న ముస్తాఫిజుర్‌ గాయపడ్డాడు. ప్రాక్టీస్‌ సెషన్‌లో భాగంగా ముస్తాఫిజుర్‌.. నెట్స్‌లో బౌలింగ్‌ వేయడానికి గాను తన ఎండ్‌ వైపునకు వెళ్తుండగా ఈ ప్రమాదం జరిగింది.

లిటన్‌ దాస్‌ విసిరిన బంతి నేరుగా ముస్తాఫిజుర్‌ ఎడమ కంటికి పై భాగంలో బలంగా తాకింది. ఈ క్రమంలో అతడి తల నుంచి రక్తం కారింది. అక్కడే ఉన్న ఫిజియోలు వెంటనే స్పందించి ప్రాథమిక చికిత్స అందించి స్ట్రెచర్‌ మీద ముస్తాఫిజుర్‌ను స్థానికంగా ఉన్న ఆస్పత్రికి తరలించారు. బంగ్లాదేశ్‌ ప్రీమియర్‌ లీగ్‌ ముగిసిన తర్వాత ఆ జట్టు.. వచ్చే నెలలో శ్రీలంక పర్యటనకు వెళ్లాల్సి ఉంది. ఈ పర్యటనకు ముందే ముస్తాఫిజుర్‌ గాయపడటం ఆ జట్టుకు ఎదురుదెబ్బే.

 

⚠️ MUSTAFIZUR RAHMAN GOT HIT BALL ON HIS HEAD

During practice session of Comillael Victorians a shot from Matthew Ford, the ball hit on Mustafizur’s head then start bleeding . Instantly he has taken into the hospital.#BPL2024 pic.twitter.com/sY3HaLtEc8

— bdcrictime.com (@BDCricTime) February 18, 2024

అయితే ముస్తాఫిజుర్‌ గాయంపై బంగ్లాదేశ్‌ క్రికెట్‌ బోర్డు అప్‌డేట్‌ ఇచ్చింది. గాయం తగిలిన వెంటనే అక్కడ ఉన్న ఫిజియోలు వెంటనే స్పందించి రక్తస్రావం కాకుండా చూశారని తెలిపింది. ముస్తాఫిజుర్‌కు చేసిన వైద్య పరీక్షలలో భాగంగా అతడికి తల లోపల ఎలాంటి ప్రమాదమూ జరుగలేదని, కానీ పూర్తిస్థాయిలో కోలుకోవడానికి కొన్నాళ్లు సమయం పడుతుందని తెలిపింది.