Srisailam | శ్రీశైల దేవస్థానం వైద్యశాలకు రూ. 16 లక్షల విలువ గల పరికరాలు అందజేత

Srisailam | భక్తుల కొంగుబంగారమైన శ్రీశైలం (Srisailam) మల్లికార్జున దేవస్థానం వైద్యశాలకు ఓ భక్తుడు వైద్య పరికరాలను అందజేసి దాతృత్వాన్ని చాటుకున్నారు.

అమరావతి : భక్తుల కొంగుబంగారమైన శ్రీశైలం (Srisailam) మల్లికార్జున దేవస్థానం వైద్యశాలకు ఓ భక్తుడు వైద్య పరికరాలను అందజేసి దాతృత్వాన్ని చాటుకున్నారు. హెచ్‌ఈఎస్‌ ఇన్‌ ఫ్రా ప్రయివేట్‌ లిమిటెడ్‌ సంస్థ మేనేజింగ్‌ డైరెక్టర్‌ ఐవీఆర్‌ కృష్ణంరాజు రూ. 16 లక్షల విలువగల వైద్యపరికాలను ఆలయ ఈవో డి. పెద్దిరాజుకు అందజేశారు.

వెంటిలేటర్‌( Ventilator) , డిఫిబ్లేటర్‌, కార్డిక్‌ మానిటర్లు (Cardiac monitors) రెండు, బైపాస్‌ మిషన్‌ రెండు, ఇన్ఫుషన్‌ పంపులు రెండేసి చొప్పున అందజేశారు. ఈ కార్యక్రమంలో వసతి విభాగం సహాయ కార్యనిర్వహణాధికారి ఐఎన్‌వి మోహన్‌, ప్రజా సంబంధాల అధికారి టి. శ్రీనివాసరావు, పర్యవేక్షకులు అయ్యన్న, దేవస్థాన వైద్యశాల వైద్యులు సాయికిషన్‌, శశిధర్‌, తదితరులు పాల్గొన్నారు.