Asia cup 2023 | ప‌సికూన‌పై సెంచరీతో విరుచుకుప‌డిన పాక్ బ్యాట‌ర్లు.. నేపాల్ ముందు కొండంత ల‌క్ష్యం

Asia cup 2023 : ఆసియా క‌ప్ ఆరంభ మ్యాచ్‌లో పాకిస్థాన్(Pakistan) భారీ స్కోర్ చేసింది. ప‌సికూన నేపాల్‌పై నిర్ణీత ఓవ‌ర్ల‌లో 6 వికెట్ల న‌ష్టానికి 342 ప‌రుగులు చేసింది. కెప్టెన్ బాబ‌ర్ ఆజం(151 : 131 బంతుల్లో 14 ఫోర్లు, 4 సిక్స్‌లు), ఇఫ్తికార్ అహ్మ‌ద్(109 నాటౌట్ :  71 బంతుల్లో 11 ఫోర్లు, 4 సిక్స్‌లు) సెంచ‌రీల‌తో క‌దం తొక్కారు. దాంతో, ఆతిథ్య జ‌ట్టు నేపాల్ ముందు కొండంత...

Asia cup 2023 : ఆసియా క‌ప్ ఆరంభ మ్యాచ్‌లో పాకిస్థాన్(Pakistan) భారీ స్కోర్ చేసింది. ప‌సికూన నేపాల్‌పై నిర్ణీత ఓవ‌ర్ల‌లో 6 వికెట్ల న‌ష్టానికి 342 ప‌రుగులు చేసింది. కెప్టెన్ బాబ‌ర్ ఆజం(151 : 131 బంతుల్లో 14 ఫోర్లు, 4 సిక్స్‌లు), ఇఫ్తికార్ అహ్మ‌ద్(109 నాటౌట్ :  71 బంతుల్లో 11 ఫోర్లు, 4 సిక్స్‌లు) సెంచ‌రీల‌తో క‌దం తొక్కారు. దాంతో, ఆతిథ్య జ‌ట్టు నేపాల్ ముందు కొండంత ల‌క్ష్యాన్ని ఉంచింది. నేపాల్ బౌల‌ర్ల‌లో సోంప‌ల్ క‌మీ ఒక్క‌డే రెండు వికెట్లు ప‌డ‌గొట్టాడు.

టాస్ గెలిచిన బాబ‌ర్ మరో ఆలోచ‌న లేకుండా బ్యాటింగ్ తీసుకున్నాడు. అయితే.. ఓపెన‌ర్లు ఫ‌ఖ‌ర్ జ‌మాన్(14), ఇమాముల్ హ‌క్‌(5) వెంట వెంట‌నే ఔట‌య్య‌రు. ఆ త‌ర్వాత మ‌హ్మ‌ద్ రిజ్వాన్‌తో జ‌త క‌లిసిన బాబ‌ర్ స్కోర్ బోర్డును ప‌రుగెత్తించాడు. అయితే.. 44 ప‌రుగులు రిజ్వాన్ అనుకోకుండా ర‌నౌట‌య్యాడు.

The @babarazam258 & @IftiMania partnership has crossed the 1️⃣5️⃣0️⃣-run mark in just over 17 overs! 💥

Sensational display of batting from the two 👏#PAKvNEP | #AsiaCup2023 pic.twitter.com/DvgOdnZEPd

— Pakistan Cricket (@TheRealPCB) August 30, 2023

ఆ త‌ర్వాత ఇఫ్తికార్ అహ్మ‌ద్(109 నాటౌట్)తో బాబ‌ర్‌ మ‌రో కీల‌క‌ భాగ‌స్వామ్యం నిర్మించాడు. 42వ ఓవ‌ర్‌లో పాక్ కెప్టెన్ సెంచ‌రీకి చేరువ‌య్యాడు. వ‌న్డేల్లో 19వ శ‌త‌కం సాధించిన బాబ‌ర్ వెస్టిండీస్ లెజెండ్‌ బ్రియాన్ లారా, శ్రీ‌లంక వెట‌ర‌న్ మ‌హేల జ‌య‌వ‌ర్ద‌నే, ఆస్ట్రేలియా డాషింగ్ ఓపెన‌ర్‌ డేవిడ్ వార్న‌ర్‌తో స‌మానంగా నిలిచాడు. అంతేకాదు పాకిస్థాన్ త‌ర‌ఫున వ‌న్డేల్లో అత్య‌ధిక సెంచ‌రీలు బాదిన రెండో క్రికెట‌ర్‌గా గుర్తింపు సాధించాడు. ప్ర‌స్తుతానికి స‌యీద్ అన్వ‌ర్ 20 సెంచ‌రీల‌తో అగ్ర స్థానంలో ఉన్నాడు.

ఇవి కూడా చ‌ద‌వండి

Babar Azam | నేపాల్‌పై సూప‌ర్ సెంచ‌రీ.. లారా, వార్న‌ర్ రికార్డు స‌మం చేసిన బాబ‌ర్

Rizwan Run Out | అనూహ్యంగా రనౌటైన‌ పాక్ ఓపెన‌ర్.. అందుకే హెల్మెట్‌ పెట్టుకోవాలంటూ అశ్విన్ కామెంట్