Babar Azam | నేపాల్‌పై సూప‌ర్ సెంచ‌రీ.. లారా, వార్న‌ర్ రికార్డు స‌మం చేసిన బాబ‌ర్

Babar Azam : ప్ర‌పంచంలోని అత్యుత్త‌మ క్రికెట‌ర్ల‌లో ఒక‌డైన పాకిస్థాన్ కెప్టెన్ బాబ‌ర్ ఆజాం(Babar Azam) దిగ్గ‌జాల స‌ర‌స‌న చేరాడు. ఆసియా క‌ప్ ఆరంభ మ్యాచ్‌లో అత‌ను వ‌న్డేల్లో 19వ శ‌త‌కం సాధించాడు. దాంతో, వెస్టిండీస్ లెజెండ్‌ బ్రియాన్ లారా(Brian Lara), శ్రీ‌లంక వెట‌ర‌న్ మ‌హేల జ‌య‌వ‌ర్ద‌నే(Mahela Jayawardene), ఆస్ట్రేలియా డాషింగ్ ఓపెన‌ర్‌...

August 30, 2023 / 06:43 PM IST

Babar Azam | నేపాల్‌పై సూప‌ర్ సెంచ‌రీ.. లారా, వార్న‌ర్ రికార్డు స‌మం చేసిన బాబ‌ర్

Babar Azam : ప్ర‌పంచంలోని అత్యుత్త‌మ క్రికెట‌ర్ల‌లో ఒక‌డైన పాకిస్థాన్ కెప్టెన్ బాబ‌ర్ ఆజాం(Babar Azam) దిగ్గ‌జాల స‌ర‌స‌న చేరాడు. ఆసియా క‌ప్ ఆరంభ మ్యాచ్‌లో అత‌ను వ‌న్డేల్లో 19వ శ‌త‌కం సాధించాడు. దాంతో, వెస్టిండీస్ లెజెండ్‌ బ్రియాన్ లారా(Brian Lara), శ్రీ‌లంక వెట‌ర‌న్ మ‌హేల జ‌య‌వ‌ర్ద‌నే(Mahela Jayawardene), ఆస్ట్రేలియా డాషింగ్ ఓపెన‌ర్‌ డేవిడ్ వార్న‌ర్‌ (David Warner)తో స‌మానంగా నిలిచాడు. అంతేకాదు పాకిస్థాన్ త‌ర‌ఫున వ‌న్డేల్లో అత్య‌ధిక సెంచ‌రీలు బాదిన రెండో క్రికెట‌ర్‌గా గుర్తింపు సాధించాడు. ప్ర‌స్తుతానికి స‌యీద్ అన్వ‌ర్(Saeed Anwar) 20 సెంచ‌రీల‌తో అగ్ర స్థానంలో ఉన్నాడు.

ఆసియా క‌ప్ ఆరంభ పోరులో నేపాల్‌పై పాక్ సార‌థి విరుచుకుప‌డ్డాడు. క‌ష్ట స‌మ‌యంలో క్రీజులోకి వచ్చిన ఈ స్టార్ బ్యాట‌ర్ 109 బంతుల్లోనే వంద‌కు చేరువ‌య్యాడు. ఆసియా క‌ప్‌లో బాబ‌ర్‌కు ఇదే మొద‌టి సెంచ‌రీ కావ‌డం విశేషం. అత‌డి కంటే ముందు షాహీద్ ఆఫ్రీదీ, షోయ‌బ్ మాలిక్ ఈ టోర్నీలో మూడంకెల స్కోర్ సాధించారు.

Century No.1️⃣9️⃣ for the top-ranked ODI batter 🫡

Excellent knock from the 🇵🇰 captain 👏#PAKvNEP | #AsiaCup2023 pic.twitter.com/QqfeGakZyO

— Pakistan Cricket (@TheRealPCB) August 30, 2023

అయితే.. విధ్వంస‌క ఆల్‌రౌండ‌ర్ ఆఫ్రీదీ 2010లో రెండు శ‌త‌కాలు బాదాడు. ఇప్ప‌టికీ ఆసియా క‌ప్‌లో అత్య‌ధిక సెంచ‌రీలు కొట్టిన పాక్ ఆట‌గాడి రికార్డు అతడి పేరిటే ఉంది. ఈసారి బాబ‌ర్ ఆ రికార్డును బ్రేక్ చేసేలా ఉన్నాడు. ఈ ఏడాది వ‌ర‌ల్డ్ నంబ‌ర్ 1 ప్లేయ‌ర్‌గా నిలిచిన బాబ‌ర్ సూప‌ర్ ఇన్నింగ్స్‌ల‌తో ఫ్యాన్స్‌ను అల‌రిస్తున్నాడు.