Australian Open 2024 | ఆస్ట్రేలియ‌న్ ఓపెన్ బరిలో నిలిచింది వీళ్లే.. ఫేవ‌రేట్లుగా నాద‌ల్, ఒసాకా

Australian Open 2024 : వ‌చ్చే ఏడాది జ‌రుగ‌బోయే ప్ర‌తిష్ఠాత్మ‌క ఆస్ట్రేలియన్ ఓపెన్(Australian Open 2024) బ‌రిలో నిలిచిన ఆట‌గాళ్ల జాబితా వ‌చ్చేసింది. గురువారం ఈ టోర్నీ నిర్వాహ‌కులు పురుషుల‌, మ‌హిళ‌ల విభాగంలో పోటీ ప‌డేవాళ్ల పేర్ల‌ను వెల్ల‌డించారు. మ‌హిళ‌ల డ్రాలో 99 మందికి...

December 7, 2023 / 11:22 AM IST

Australian Open 2024 | ఆస్ట్రేలియ‌న్ ఓపెన్ బరిలో నిలిచింది వీళ్లే.. ఫేవ‌రేట్లుగా నాద‌ల్, ఒసాకా

Australian Open 2024 : వ‌చ్చే ఏడాది జ‌రుగ‌బోయే ప్ర‌తిష్ఠాత్మ‌క ఆస్ట్రేలియన్ ఓపెన్(Australian Open 2024) బ‌రిలో నిలిచిన ఆట‌గాళ్ల జాబితా వ‌చ్చేసింది. గురువారం ఈ టోర్నీ నిర్వాహ‌కులు పురుషుల‌, మ‌హిళ‌ల విభాగంలో పోటీ ప‌డేవాళ్ల పేర్ల‌ను వెల్ల‌డించారు. మ‌హిళ‌ల డ్రాలో 99 మందికి నేరుగా అర్హ‌త ల‌భించ‌గా.. పురుషుల డ్రాలో 97 మంది నేరుగా క్వాలిఫై అయ్యారు. 2024 ఆరంభంలో ఆస్ట్రేలియా వేదిక‌గా జ‌న‌వ‌రి 14 నుంచి 28 వ‌ర‌కూ ఈ మెగా టోర్నీ జ‌రుగ‌నుంది.

ఈ ఏడాది జోరుమీదున్న నొవాక్ జ‌కోవిచ్(Novak Djokovic), ఇగా స్వియ‌టెక్‌(Iga Swiatek)ల‌కు టాప్‌సీడ్ ద‌క్కింది. ఈ మ‌ధ్యే తొడ‌కండ‌రాల గాయం నుంచి కోలుకున్న‌ ర‌ఫెల్ నాద‌ల్‌(Rafael Nadal), కాన్పు త‌ర్వాత విరామం తీసుకున్న‌ నొవామి ఒసాకా (Naomi Osaka) ఈ టోర్నీలో ఫేవ‌రెట్లుగా బ‌రిలోకి దిగబోతున్నారు. ఈ గ్రాండ్‌స్లామ్ పోరు కంటే ముందుగా వీళ్లిద్ద‌రూ బ్రిస్బేన్ ఇంట‌ర్నేష‌న‌ల్ టోర్నీతో పున‌రాగ‌మ‌నం చేయ‌నున్నారు.

AO 2024 entry lists locked in. Let’s get this show on the road ☑️ 😎 https://t.co/fXGQluKVKn

— #AusOpen (@AustralianOpen) December 6, 2023

నాద‌ల్‌తో పాటు యువ‌కెరటాలు మ‌రిన్ సిలిక్(క్రొయేషియా), డెనిస్ ష‌పొవ‌లోవ్, మిలోస్ రౌనిక్(కెన‌డా), రీలీ ఒపెల్కా(అమెరికా), జిరి వెస్లే(చెక్ రిప‌బ్లిక్)లు కూడా ఈసారి ఆస్ట్రేలియ‌న్ ఓపెన్‌లో స‌త్తా చాటాల‌ని ఉవ్విళ్లూరుతున్నారు.

స్పెష‌ల్ ర్యాకింగ్స్ ఆధారంగా ఒసాకా ఆస్ట్రేలియన్ ఓపెన్ బెర్తు ద‌క్కించుకుంది. ఆమెతోపాటు జెన్నిఫ‌ర్ బ్రాడీ, అమందా అనిసిమోవ‌, షెల్బీ రోజ‌ర్స్, క్యాటీ మెక్‌న‌ల్లి(అమెరికా), ఆంజెలిక్ కెర్బ‌ర్‌(జ‌ర్మ‌నీ), అజీల తొమ్ల‌నోవిక్‌(ఆస్ట్రేలియా) త‌మ అదృష్టాన్ని ప‌రీక్షించుకోనున్నారు.