Asiacup 2023: 2 బంతుల్లో 6 ర‌న్స్‌.. అస‌లంక సూప‌ర్ షో.. వీడియో

Asiacup 2023: ఆసియాక‌ప్ ఫైన‌ల్లోకి శ్రీలంక ఎంట్రీ ఇచ్చింది. పాకిస్థాన్‌తో జ‌రిగిన ఉత్కంఠ పోరులో శ్రీలంక అద్భుత విజ‌యాన్ని న‌మోదు చేసింది. ఆఖ‌రిలో లంక బ్యాట‌ర్ అస‌లంక విరోచిత ఇన్నింగ్స్ ఆడాడు. చివ‌రి 2 బంతుల్లో 6 ర‌న్స్ చేసి లంక‌కు విక్ట‌రీని అందించాడు. దీంతో పాక్ ఫైన‌ల్ ఆశ‌ల్ని కోల్పోయింది.

కొలంబో: పాకిస్థాన్‌తో జ‌రిగిన ఆసియాక‌ప్(Asian Cup) మ్యాచ్‌లో.. శ్రీలంక అద్భుత విజ‌యాన్ని న‌మోదు చేసింది. థ్రిల్లింగ్‌గా సాగిన ఆ మ్యాచ్‌లో.. ఆఖ‌రి బంతికి విక్ట‌రీ కొట్టింది లంక‌. చివ‌ర్లో అస‌లంక సూప‌ర్ ఇన్నింగ్స్‌తో ఆక‌ట్టుకున్నాడు. 253 ర‌న్స్ టార్గెట్‌తో బ‌రిలోకి దిగిన శ్రీలంక‌.. చివ‌రి ఓవ‌ర్‌లో 8 ర‌న్స్ అవ‌స‌రం కాగా.. ఆ టార్గెట్‌ను అందుకున్న‌ది. జ‌మ‌న్ ఖాన్ వేసిన ఆ ఓవ‌ర్‌లో అయిదో బంతికి ఫోర్‌, ఆరో బంతికి రెండు ర‌న్స్ తీసిన అస‌లంక‌.. శ్రీలంక విజ‌యంలో కీల‌క పాత్ర పోషించాడు. డ‌క్‌వ‌ర్త్ లూయిస్ ప‌ద్ధ‌తి ప్రకారం శ్రీలంక గెలుపొంది ఫైన‌ల్లోకి ప్ర‌వేశించింది. అస‌లంక 49 ర‌న్స్‌తో నాటౌట్‌గా నిలిచాడు. ఫైన‌ల్ ఓవ‌ర్‌కు చెందిన వీడియోను వీక్షించండి..

Go big, or go home 🇱🇰
Sri Lanka takes that spot in the finals as they end Pakistan’s journey in this tournament 💪🏼

Watch #AsiaCup2023 only on #DisneyPlusHotstar, free on the mobile app.#PAKvSL #FreeMeinDekhteJaao #AsiaCupOnHotstar #Cricket pic.twitter.com/PFFTuwo2CO

— Disney+ Hotstar (@DisneyPlusHS) September 14, 2023

తొలుత బ్యాటింగ్ చేసిన పాకిస్థాన్ 42 ఓవ‌ర్ల‌లో ఏడు వికెట్ల న‌ష్టానికి 252 ర‌న్స్ చేసింది. పాక్ ఇన్నింగ్స్‌లో అబ్దుల్ ష‌ఫిక్ 52, రిజ్వాన్ 86 ర‌న్స్ చేశారు. అయితే భారీ టార్గెట్‌తో బ‌రిలోకి దిగిన శ్రీలంక‌కు మెండిస్, అస‌లంక బాస‌ట‌గా నిలిచారు. మెండిస్ 91, స‌దీర 48, అస‌లంక 49 ర‌న్స్ చేశారు. డ‌క్‌వ‌ర్త్ లూయిస్ ప‌ద్ధ‌తిలో శ్రీలంక రెండు వికెట్ల తేడాతో విజ‌యం సాధించింది.