Angelo Mathews : శ్రీలంక ఆల్రౌండర్ ఏంజెలో మాథ్యూస్(Angelo Mathews) మరోసారి వార్తల్లో నిలిచాడు. వన్డే ప్రపంచ కప్లో బంగ్లాదేశ్తో జరిగిన లీగ్ మ్యాచ్లో టైమ్డ్ ఔట్(Timed Out) గా వెనుదిరిగిన మాథ్యూస్.. తాజాగా హిట్ వికెట్(Hit Wicket) అయ్యాడు. స్వదేశంలో అఫ్గనిస్థానత్తో జరుగుతున్న ఏకైక టెస్టులో ఈ స్టార్ ఆటగాడు సూపర్ సెంచరీ బాదాడు. అతడి జోరు చూస్తేంటే డబుల్ సెంచరీ కొడతాడనిపించింది. అయితే.. అనూహ్యంగా 141 పరుగుల వద్ద ఔటయ్యాడు.
కైస్ అహ్మద్ బౌలింగ్లో ఫైన్ లెగ్లో బౌండరీ కొట్టాడు. కానీ, విచారంగా వికెట్లను చూస్తూ ఉండిపోయాడు. ఏం జరిగిందే రిప్లే చూపించేదాకా ఎవరికీ అర్థం కాలేదు. ఫోర్ బాదే క్రమంలో అతడి బ్యాట్ వికెట్లకు తాకింది. దాంతో, చేసేదేమీ లేక.. నిరాశగా పెవిలియన్ బాట పట్టాడు.
101 ways of getting out.. Legend Angelo Mathews!pic.twitter.com/l7PqJxVR53
— Keh Ke Peheno (@coolfunnytshirt) February 4, 2024
What’s with Angelo Mathews and rare dismissals 🤷♂️ pic.twitter.com/URy4p2tGsj
— ESPNcricinfo (@ESPNcricinfo) February 4, 2024
నిరుడు వరల్డ్ కప్లో టైమ్డ్ ఔట్ అయ్యావు. ఇప్పుడు హిట్ వికెట్గా వెనుదిరిగావు. ‘ఔట్ కావడానికి 101 దారులు ఉంటాయి.. నువ్వొక లెజెండ్’. ‘అసలు మాథ్యూస్కు ఏమైంది?’ అంటూ సోషల్ మీడియాలో ఫ్యాన్స్ రకరకాల కామెంట్లు పెడుతున్నారు.
వరల్డ్ కప్లో టైమ్డ్ ఔట్ అయిన మాథ్యూస్
ఏకైక టెస్టులో అఫ్గనిస్థాన్ను 198 రన్స్కే ఆలౌట్ చేసిన శ్రీలంక ఆ తర్వాత భారీ స్కోర్ చేసింది. మాథ్యూస్తో పాటు దినేశ్ చండీమాల్(111) శతకం బాదగా.. కరుణరత్నే(77) హాఫ్ సెంచరీతో రాణించాడు. దాంతో, డిసిల్వా సేన 439 రన్స్ కొట్టింది. అనంతరం రెండో ఇన్నింగ్స్ చేపట్టిన అఫ్గన్ జట్టు దీటుగా బదులిస్తోంది. ఓపెనర్లు ఇబ్రహీం జద్రాన్(52 నాటౌట్), నూర్ అలీ జద్రాన్(42 నాటౌట్) దంచికొడుతున్నారు. దాంతో, వికెట్ కోల్పోకుండా పరుగులు చేసింది. ఇంకా 144 పరుగులు వెనకబడి ఉంది.