IPL : ఇండియన్ ప్రీమియర్ లీగ్.. ప్రపంచ క్రికెట్లో టీ20 లీగ్స్(T20 Leagues) దశ దిశను మార్చేసిందనే చెప్పాలి. కోట్లు కురిపించే ఐపీఎల్లో ఒక్క సీజన్ ఆడినా చాలు.. తమ జన్మ ధన్యమైనట్టే అనుకునే ఆటగాళ్లు కోకొల్లలు. ఈ లీగ్ ప్రదర్శనతో జాతీయ జట్టుకు ఎంపికైన కుర్రాళ్లూ చాలామందే. అందుకనే కాబోలూ అంతర్జాతీయంగా ఎన్ని లీగ్స్ పుట్టుకొచ్చినా ఐపీఎల్ ‘ఈజ్ ది బెస్ట్’ అంటారంతా.
మరో నెల రోజుల్లో 17వ సీజన్ మొదలవ్వనుంది. ఈ లీగ్ తొలి సీజన్ మొదలై 16 ఏండ్లు పూర్తైన సందర్భంగా క్రికెట్ దిగ్గజాలు కొందరు ‘ఆల్టైమ్ గ్రేటెస్ట్ ఐపీఎల్ టీమ్’ను ప్రకటించారు. టామ్ మూడీ, మాథ్యూ హెడెన్, వసీం అక్రమ్, డేల్ స్టెయిన్తో కూడిన లెజెండ్స్ బృందం ఈ జట్టును ఎంపిక చేసింది.
The first ever IPL auction is completing 1️⃣6️⃣ years and more than 25 Cricket Experts from across the world have voted to reveal their 1️⃣5️⃣ ALL-TIME INCREDIBLE IPL Players and 1️⃣ Incredible Coach. 🏏🤩
Tune in to the special event – IPL Incredible 16 – on Star Sports at 7.00 PM… pic.twitter.com/Q5V44zpFYX
— Star Sports (@StarSportsIndia) February 19, 2024
విధ్వంసక ఇన్నింగ్స్లతో రికార్డులు తిరగరాసిన ఆటగాళ్లు, ఒంటిచేత్తో మ్యాచ్ను మలుపుతిప్పే ఆల్రౌండర్లు, బంతితో కనికట్టు చేసే బౌలర్లకు ‘ఆల్టైమ్ గ్రేటెస్ట్ ఐపీఎల్ టీమ్’లో చోటు దక్కింది. విశేషం ఏంటంటే.. ఏకంగా 9 మంది భారత క్రికెటర్లు ఈ జట్టులో ఉన్నారు. లెజెండరీ ఆటగాడు మహేంద్ర సింగ్ ధోనీ(MS Dhoni) కెప్టెన్గా, న్యూజిలాండ్ మాజీ సారథి స్టీఫెన్ ఫ్లెమింగ్ (Stefen Fleming)కోచ్గా ఎంపికైన ఈ జట్టులో ఉన్నది వీళ్లే.
రోహిత్ శర్మ, సూర్యకుమార్ యాద
ఆల్టైమ్ గ్రేటెస్ట్ ఐపీఎల్ టీమ్ : విరాట్ కోహ్లీ, ఎంఎస్ ధోనీ, సురేశ్ రైనా, రవీంద్ర జడేజా, యజ్వేంద్ర చాహల్, హార్దిక్ పాండ్యా, జస్ప్రీత్ బుమ్రాలతో పాటు క్రిస్ గేల్, ఏబీ డివిలియర్స్, రషీద్ ఖాన్, లసిత్ మలింగ.
ఇంప్యాక్ట్ సబ్స్టిట్యూట్స్ : రోహిత్ శర్మ, సూర్యకుమార్ యాదవ, సునీల్ నరైన్, డ్వేన్ బ్రావో.
అంతర్జాతీయ క్రికెట్ కౌన్సిల్ 2007లో టీ20 ప్రపంచ కప్ను నిర్వహించింది. పొట్టి క్రికెట్ మ్యాచ్లకు విశేష ఆదరణ లభించడంలో బీసీసీఐ 2008లో ఇండియన్ ప్రీమియర్ లీగ్కు అంకురార్పణ చేసింది. తొలి సీజన్లో షేన్ వార్న్ సారథ్యంలోని రాజస్థాన్ రాయల్స్ చాంపియన్గా అవతరించింది. అప్పటి నుంచి 2023 వరకు ఐపీఎల్ సీజన్లు ఉత్కంఠగా సాగుతూ ఫ్యాన్స్కు అసలైన క్రికెట్ మజాను అందిస్తున్నాయి. 17వ సీజన్ మార్చి ఆఖర్లో ప్రారంభం కానుంది. అయితే.. టోర్నీ తేదీలు, ఆతిథ్య వేదికలపే బీసీసీఐ అధికారిక ప్రకటన వెల్లడించాల్సి ఉంది.