CSK vs SRH | ఛేజింగ్‌లో అదే త‌డ‌బాటు.. ‘స‌న్‌రైజ‌ర్స్‌’కు వ‌రుస‌గా రెండో ఓట‌మి

CSK vs SRH : ప‌దిహేడో సీజ‌న్‌లో అత్య‌ధిక స్కోర్‌తో చరిత్ర తిర‌గ‌రాసిన స‌న్‌రైజ‌ర్స్ హైద‌రాబాద్ (Sunrisers Hyderabad) ఛేజింగ్‌లో మ‌రోసారి ఫెయిల‌య్యింది. ఆర్సీబీపై 35 ప‌రుగుల ఓట‌మిని ఓట‌మిని మ‌ర్చిపోక ముందు చెన్నై సూప‌ర్ కింగ్స్(Chennai Super Kings) చేతితో కంగుతిన్న‌ది.

CSK vs SRH : ప‌దిహేడో సీజ‌న్‌లో అత్య‌ధిక స్కోర్‌తో చరిత్ర తిర‌గ‌రాసిన స‌న్‌రైజ‌ర్స్ హైద‌రాబాద్ (Sunrisers Hyderabad) ఛేజింగ్‌లో మ‌రోసారి ఫెయిల‌య్యింది. ఆర్సీబీపై 35 ప‌రుగుల ఓట‌మిని ఓట‌మిని మ‌ర్చిపోక ముందు చెన్నై సూప‌ర్ కింగ్స్(Chennai Super Kings) చేతితో కంగుతిన్న‌ది.

సొంత మైదానంలో తుషార్ దేశ్‌పాండే(4/27), ప‌థిర‌న (2/27)లు ఆరెంజ్ ఆర్మీ హిట్ట‌ర్ల‌కు ముకుతాడు వేశారు. 213 ప‌ర‌గుల ఛేద‌న‌లో టాపార్డ‌ర్ చేతులెత్తేయ‌గా..  సూప‌ర్ కింగ్స్ 78 ర‌న్స్ తేడాతో గెలిచింది. వ‌రుస‌గా రెండు ఓట‌ముల త‌ర్వాత బ్యాటుతో, బంతితో అద‌ర‌గొట్టిన‌ చెన్నై ప్లే ఆఫ్స్ ఆశ‌ల్ని స‌జీవంగా ఉంచుకుంది.

 

చెపాక్ స్టేడియంలో సీఎస్కే నిర్దేశించిన 213 ప‌రుగుల ఛేద‌న‌లో స‌న్‌రైజ‌ర్స్ హైద‌రాబాద్ ఆది నుంచి త‌డ‌బ‌డింది. రికార్డు ఫిఫ్టీలు బాదిన ఓపెన‌ర్లు ఓపెన‌ర్ ట్రావిస్ హెడ్(10), అభిషేక్ శ‌ర్మ‌(15) మ‌రోసారి నిరాశ‌ప‌ర‌చ‌గా.. తుషార్ దేశ్‌పాండే వేసిన రెండో ఓవ‌ర్లో.. రెండు బంతుల్లో హెడ్, ఇంప్యాక్ట్ ప్లేయ‌ర్‌గా వ‌చ్చిన అన్మోల్‌ప్రీత్ సింగ్(0) ఔట‌య్యారు. 21 ప‌రుగుల‌కే రెండు వికెట్లు ప‌డినా.. ఓపెన‌ర్ అభిషేక్, మ‌ర్క్‌ర‌మ్‌(32)లు పట్టుద‌ల‌గా ఆడారు.

Travis Head ✅
Anmolpreet Singh ✅

Tushar Deshpande making the most of his first over 💪#SRH 42/3 after 4 overs

Watch the match LIVE on @officialjiocinema and @starsportsindia 💻📱#TATAIPL | #CSKvSRH | @ChennaiIPL pic.twitter.com/d9AuXctocS

— IndianPremierLeague (@IPL) April 28, 2024

దేశ్‌పాండే మ‌రోసారి..

అంతలోనే.. దేశ్‌పాండే ఈసారి మ‌రో షార్ట్ పిచ్ బంతితో అభిషేక్‌ను ఔట్ చేయ‌గా.. నితీశ్ రెడ్డి(15)ను జ‌డేజా వెన‌క్కి పంపి హైద‌రాబాద్‌ను మ‌రింత క‌ష్టాల్లోకి నెట్టారు. ఆ ద‌శ‌లో స‌న్‌రైజ‌ర్స్ గెలుపు భారాన్ని ఎడెన్ మ‌ర్క్‌ర‌మ్(32), హెన్రిచ్ క్లాసెన్(20) భుజాలకెత్తుకున్నారు. కానీ, ప‌థిర‌న సూప‌ర్ యార్క‌ర్‌తో మ‌ర్క్‌ర‌మ్‌ను బౌల్డ్ చేయ‌గా 85 ప‌రుగుల‌కే సగం వికెట్లు ప‌డ్డాయి. గెలుపు ఆశ‌లు స‌న్న‌గిల్లినా.. క్రీజులో క్లాసెన్ ఉన్నాడ‌నే భ‌రోసా.

ICYMI‼

Matheesha Pathirana jolted the middle stump of Aiden Markram⚡️#SRH require 104 runs off 30 deliveries

Watch the match LIVE on @JioCinema and @StarSportsIndia 💻📱#TATAIPL | #CSKvSRH | @ChennaiIPL pic.twitter.com/9LPLdnutzQ

— IndianPremierLeague (@IPL) April 28, 2024

కానీ, అప్ప‌టికే ర‌న్‌రేటు 17 దాటింది. ఆ త‌ర్వాత బౌండ‌రీలు క‌రువ‌వ్వ‌డంతో ఓవ‌ర్‌కు 20 కొట్టాల్సిన ప‌రిస్థితి. ఆ ద‌శ‌లో ప‌థిర‌న ఓవ‌ర్‌లో , క్లాసెన్(20), శార్దూల్ ఠాకూర్ ఓవ‌ర్లో అబ్దుల్ స‌మ‌ద్(19)లు వెనుదిరిగారు. దాంతో, స‌న్‌రైజ‌ర్స్ ఓట‌మి ఖాయ‌మైపోయింది. షెహ్‌బాజ్ అహ్మ‌ద్(7), క‌మిన్స్‌(7) లు ఔట్‌కాగా హైద‌రాబాద్ 134 ప‌రుగుల‌కే కుప్ప‌కూలింది.

రుతురాజ్ కెప్టెన్ ఇన్నింగ్స్

సొంత మైదానంలో చెన్నై సూప‌ర్ కింగ్స్ బ్యాట‌ర్లు వీర‌కొట్టుడు కొట్టారు. వ‌రుస ఓట‌ముల‌తో ప్లే ఆఫ్స్ రేసులో వెన‌క‌బ‌డ్డ వేళ‌.. స‌న్‌రైజ‌ర్స్ హైద‌రాబాద్ బౌల‌ర్ల‌ను ఉతికేశారు. పసుపు జెర్సీల‌తో నిండిపోయిన స్టేడియాన్ని కెప్టెన్ రుతురాజ్ గైక్వాడ్(98), డారిల్ మిచెల్‌(52)లు అర్ద శ‌త‌కాల‌తో హోరెత్తించారు. దాంతో, చెన్నై 3 వికెట్ల న‌ష్టానికి ర‌న్స్ చేసింది. గైక్వాడ్, మిచెల్‌లు సెంచ‌రీ భాగ‌స్వామ్యంతో కొండంత స్కోర్‌కు గ‌ట్టి పునాది వేశారు. ప్ర‌మాద‌క‌రంగా మారుతున్న ఈ జోడీని ఉనాద్కాట్ విడ‌దీశాడు.

డారిల్ మిచెల్‌(52), గైక్వాడ్(98)

మిచెల్ భారీ షాట్ ఆడి నితీశ్‌కు దొరిక‌డంతో.. హ‌మ్మ‌య్య అని క‌మిన్స్ సేన ఊపిరి పీల్చుకుంది. అయితే.. అప్ప‌టికీ గైక్వాడ్, మిచెల్‌లు చెన్నై స్కోర్ 120 దాటించారు. ఆ త‌ర్వాత వ‌చ్చిన శివం దూబే(39) నిర్దాక్షిణ్యంగా విరుచుకుప‌డ్డాడు. క‌మిన్స్, ఉనాద్కాట్, క‌మిన్స్ ఓవ‌ర్లో సిక్స‌ర్లు దంచేయ‌గా .. ఐపీఎల్ రికార్డు బ్రేక‌ర్‌కు సీఎస్కే భారీ టార్గెట్ అప్ప‌జెప్పింది.