Chandrayaan-3 | ఆదిపురుష్‌ సినిమా కంటే కూడా చంద్రయాన్‌-3 బడ్జెట్‌ చాలా తక్కువ!

Chandrayaan-3 | చంద్రుడిపైకి విజయవంతంగా ల్యాండర్‌ను సాఫ్ట్‌ ల్యాండ్‌ చేసిన భారత్‌ మరో ఘనతను సాధించింది. అతి తక్కువ ఖర్చుతో మూన్‌ మిషన్‌ను పూర్తి చేసిన దేశంగా రికార్డులకెక్కింది.

Chandrayaan-3 | న్యూఢిల్లీ, ఆగస్టు 23: చంద్రుడిపైకి విజయవంతంగా ల్యాండర్‌ను సాఫ్ట్‌ ల్యాండ్‌ చేసిన భారత్‌ మరో ఘనతను సాధించింది. అతి తక్కువ ఖర్చుతో మూన్‌ మిషన్‌ను పూర్తి చేసిన దేశంగా రికార్డులకెక్కింది. సుమారు రూ.615 కోట్లకే అతి చౌకగా భారత్‌ చంద్రుడ్ని చేరుకున్నది. చైనా, రష్యా తదితర ఇతర దేశాల పోలిస్తే చంద్రయాన్‌-3 బడ్జెట్‌ చాలా తక్కువ కావడం విశేషం. మరో వైపు అనేక సినిమాల బడ్జెట్‌ సైతం చంద్రయాన్‌-3 ప్రాజెక్టు కంటే ఎక్కువే కావడం గమనార్హం. ఇటీవల విడుదల అయిన ఆదిపురుష్‌ సినిమా కంటే చంద్రయాన్‌- 3కి ప్రయోగానికి ఇస్రో చేసిన ఖర్చు తక్కువే. ఇటీవల గంగా నదిలో కూలిపోయిన భగల్‌పూర్‌ వంతెన వ్యయం రూ.1710 కోట్లు కావడం గమనార్హం. వివిధ సినిమాలు, ప్రాజెక్టులు వ్యయాలతో చంద్రయాన్‌-3 బడ్జెట్‌ను పోలుస్తూ నెటిజన్లు ఇస్రోను ప్రశంసిస్తున్నారు.

ఇతర దేశాల మూన్‌ ప్రాజెక్టులు

• చాంగే (చైనా)- 1752 కోట్లు
• లూనా-25 (రష్యా)- 1600 కోట్లు
• చంద్రయాన్‌-2 ప్రాజెక్టు – 978 కోట్లు

ఇతర అంశాలు…

• లియోనార్డో డావిన్సీ గీసిన చిత్రం- 3600 కోట్లు
• ప్రైవేట్‌ జెట్‌- 2000 కోట్లు
• రోల్స్‌ రాయిస్‌ బోట్‌ టెయిల్‌ కారు- 224 కోట్లు

సినిమాలు…

• ఇంటర్‌స్టెల్లార్‌ – 1368 కోట్లు
• ఆదిపురుష్‌- 700 కోట్లు
• ది మార్టియన్‌ – 885 కోట్లు