కౌకుంట్లలో అభివృద్ధి కనువిందు

చేవెళ్ల మండల పరిధిలోని కౌకుంట్ల గ్రామ రూపురేఖలు మారాయి. రాష్ట్ర విద్యాశాఖ మంత్రి సబితాఇంద్రారెడ్డి స్వగ్రామం అన్ని రంగాల్లో అభివృద్ధి చెందుతున్నది. గ్రామ జనాభా 2,244 ఉండగా, ఓటర్లు 1,826 మంది ఉన్నారు

• వసతులతో ‘కౌకుంట్ల’ కళకళ
• ఓపెన్‌ జిమ్‌, చిల్డ్రన్‌ ప్లే పార్క్‌
• ప్రభుత్వ పాఠశాల ఆవరణలో కంటైనర్‌ గ్రంథాలయం ఏర్పాటు
• రూ.కోటితో ప్రభుత్వ పాఠశాలలో అదనపు తరగతి గదులు, టాయ్‌లెట్ల నిర్మాణం
• హరితహారంలో ఊరంతా పచ్చదనం

చేవెళ్ల రూరల్‌, నవంబర్‌ 3 : చేవెళ్ల మండల పరిధిలోని కౌకుంట్ల గ్రామ రూపురేఖలు మారాయి. రాష్ట్ర విద్యాశాఖ మంత్రి సబితాఇంద్రారెడ్డి స్వగ్రామం అన్ని రంగాల్లో అభివృద్ధి చెందుతున్నది. గ్రామ జనాభా 2,244 ఉండగా, ఓటర్లు 1,826 మంది ఉన్నారు. ఎమ్మెల్యే కాలె యాదయ్య కృషితో అభివృద్ధిలో కూకుంట్ల దూసుకెళ్తున్నది.

కౌకుంట్ల గ్రామంలో ఏర్పాటు చేసిన ఓపెన్‌ జిమ్‌

 

గ్రామాభివృద్ధి వివరాలు

• రూ.5 లక్షలతో ఓపెన్‌ జిమ్‌, రూ.20 లక్షలతో పల్లె ప్రకృతి వనం, చిల్డ్రెన్స్‌ ప్లే పార్క్‌ ఏర్పాటు చేశారు.
• జిల్లా పరిషత్‌ ప్రభుత్వ ఉన్నత పాఠశాల ఆవరణలో రూ.6.5 లక్షలతో జిల్లా గ్రంథాలయ సహకారం, మంత్రి చొరువతో కంటైనర్‌ గ్రంథాలయం ఏర్పాటు
• జిల్లా పరిషత్‌ ఉన్నత పాఠశాలలో అరబిందో ఫార్మా సహకారంతో రూ.కోటితో తరగతి గదులు, టాయిలెట్ల్ల నిర్మాణం
• కౌకుంట్ల గ్రామంలో వివిధ స్వచ్ఛంద సంస్థల సహకారం, మంత్రి సబితారెడ్డి ప్రత్యేక చొరువతో కోట్లతో ప్రతి వీధిలో సీసీ రోడ్లు, అండర్‌ గ్రౌండ్‌ డ్రైనేజీల నిర్మాణానికి మంత్రి సబితారెడ్డి ఎమ్మెల్యే కాలె యాదయ్యతో కలిసి శంకుస్థాపన చేయగా, పనులు కొనసాగుతున్నాయి.
• గ్రామస్తులు, యువకుల సౌకర్యార్థం పాత గ్రామపంచాయతీ భవనాన్ని
  మంత్రి సబితారెడ్డి, ఎమ్మెల్యే కాలె యాదయ్య సహకారంతో అంబేద్కర్‌ విజ్ఞాన కేంద్ర (గ్రంథాలయం) గా ఏర్పాటు చేశారు. అందులో పుస్తకాలకు ఎమ్మెల్యే కాలె యాదయ్య సొంత నిధులు రూ.50 వేలు విరాళంగా అందజేశారు.
• గ్రామంలో రూ.6లక్షలకు పైచిలుకు నిధులతో కెమెరాలు ఏర్పాటు చేవెళ్ల పోలీస్‌ స్టేషన్‌కు అనుసంధానం చేశారు.
• గ్రామంలో ఉన్న పెద్ద గుంతను పూడ్చడానికి రూ.25 లక్షలు గంతను పూడ్చిన ప్రదేశంలో పల్లె ప్రకృతి వనాన్ని చేసి మొక్కలు నాటారు.
• గ్రామంలోని పంచాయతీ కార్యాలయం ఆవరణలో దాదాపు లక్షలతో వాటర్‌ ప్లాంట్‌ ఏర్పాటు చేసి తాగునీటిని గ్రామ ప్రజలే కాకుండా చుట్టు పక్కల అంతారం, నవలయపల్లి, హస్తేపూర్‌ గ్రామాల ఇక్కడి నుంచే నీటిని తీసుకెళ్తారని ప్లాంట్‌ తెలిపారు.

ప్రజల భాగస్వామ్యం తప్పనిసరి..
గ్రామాల్లో చేపడుతున్న ప్రభుత్వ అభివృద్ధి పనుల్లో ప్రజల భాగస్వామ్యం తప్పనిసరి. సీఎం కేసీఆర్‌ గ్రామాల అభివృద్ధికి ప్రత్యేక శ్రద్ధ తీసుకుంటున్నారు. కౌకుంట్లతోపాటు మిగతా గ్రామాల్లో కూడా అభివృద్ధి పనులు చేపట్టేలా చర్యలు తీసుకుంటున్నాం. గ్రామాల్లో చేపడుతున్న అభివృద్ధి పనులు త్వరగా పూర్తయ్యేలా ప్రజాప్రతినిధులు, అధికారులు చర్యలు తీసుకోవాలి. నియోజకవర్గాలను ఆదర్శవంతంగా తీర్చిదిద్దదానికి అహర్నిశలు శ్రమిస్తున్నాం.
– సబితాఇంద్రారెడ్డి, విద్యాశాఖ మంత్రి, తెలంగాణ రాష్ట్రం

నియోజకవర్గాన్ని ఆదర్శంగా తీర్చిదిద్దుతా..
ప్రభుత్వ సహకారంతో చేవెళ్ల నియోజకవర్గాన్ని ఆదర్శంగా తీర్చిదిద్దుతా. సీఎం కేసీఆర్‌, మంత్రి సబితారెడ్డి ప్రత్యేక చొరువతో మౌలిక వసతుల కల్పనకు పెద్దపీట వేస్తున్నాం. చేపట్టాల్సిన అభివృద్ధి పనుల కార్యాచరణ రూపొందించాం.
– కాలె యాదయ్య, చేవెళ్ల ఎమ్మెల్యే

పారిశుధ్యానికి ప్రాధాన్యం..
పారిశుధ్య నిర్వహణకు అధిక ప్రాధాన్యత ఇస్తున్నాం. డ్రైనేజీ, రోడ్లను శుభ్రం చేస్తూ గ్రామాన్ని పరిశుభ్రంగా ఉంచుతున్నాం. మొక్కల సంరక్షణకు చర్యలు తీసుకుంటున్నాం. గతంలోని సమస్యలు అన్ని పరిష్కారం కావడంతో గ్రామస్తులు హర్షం వ్యక్తం చేస్తున్నారు.
– దేవేందర్‌, కౌకుంట్ల పంచాయతీ కార్యదర్శి

మంత్రి ప్రత్యేక శ్రద్ధతో గ్రామాభివృద్ధి..
విద్యాశాఖ మంత్రి సబితాఇంద్రారెడ్డి ప్రత్యేక శ్రద్ధ, నిరంతర పర్యవేక్షణతో కౌకుంట్ల గ్రామ అభివృద్ధి సాధ్యమైంది. మున్ముందు మరిన్ని అభివృద్ధి కార్యక్రమాలు చేపట్టి గ్రామాన్ని ఆదర్శ పంచాయతీగా తీర్చిదిద్దుతా.
– గాయత్రీగోపాలకృష్ణ, కౌకుంట్ల సర్పంచ్‌