Cabinet expansion | వ‌చ్చే వార‌మే కర్ణాట‌క క్యాబినెట్ విస్త‌ర‌ణ‌.. వెల్ల‌డించిన డీకే శివ‌కుమార్‌

Cabinet expansion | కర్ణాటక (Karnataka) మంత్రివర్గాన్ని వచ్చే వారం విస్తరించే అవకాశం ఉందని ముఖ్యమంత్రి (Chief Minister) డీకే శివకుమార్ (DK Shivakumar) తెలిపారు. మంత్రులంతా ఐక్యంగా పనిచేస్తూ రాష్ట్రవ్యాప్తంగా నెలకొన్న తీవ్ర కరువు పరిస్థితులను ఎదుర్కోవాలని పిలుపునిచ్చారు. శనివారం చిత్రదుర్గలో జరిగిన బెంగళూరు రీజనల్ డివిజన్ అభివృద్ధి ప్రగతి సమీక్ష సమావేశంలో ఆయన ఈ కీలక వ్యాఖ్యలు చేశారు.

Cabinet expansion : కర్ణాటక (Karnataka) మంత్రివర్గాన్ని వచ్చే వారం విస్తరించే అవకాశం ఉందని ముఖ్యమంత్రి (Chief Minister) డీకే శివకుమార్ (DK Shivakumar) తెలిపారు. మంత్రులంతా ఐక్యంగా పనిచేస్తూ రాష్ట్రవ్యాప్తంగా నెలకొన్న తీవ్ర కరువు పరిస్థితులను ఎదుర్కోవాలని పిలుపునిచ్చారు. శనివారం చిత్రదుర్గలో జరిగిన బెంగళూరు రీజనల్ డివిజన్ అభివృద్ధి ప్రగతి సమీక్ష సమావేశంలో ఆయన ఈ కీలక వ్యాఖ్యలు చేశారు.

‘కేబినెట్‌ను వచ్చే వారం విస్తరించవచ్చు. అది జరిగిన వెంటనే మంత్రులంతా చేతులు కలిపి పనిచేయాలి. రాష్ట్రవ్యాప్తంగా కరువు పరిస్థితిని సమష్టిగా అంచనా వేసి, గ్రామాల్లో రైతులు ఇబ్బంది పడకుండా చూడటం మనందరి బాధ్యత’ అని ముఖ్యమంత్రి స్పష్టంచేశారు. అంతకుముందు ఆయన చిత్రదుర్గ జిల్లా హిరియూరు తాలూకాలోని వడ్డికెరె గ్రామంలో పర్యటించి, కరువు రైతులపై చూపుతున్న ప్రభావాన్ని స్వయంగా పరిశీలించారు.

ప్రభుత్వానికి, పరిపాలనకు కొత్తరూపు ఇవ్వడానికి ప్రయత్నిస్తున్నామని, శాసనసభ్యులు, అధికారులు టీమ్ కర్ణాటకగా పనిచేయాలని శివకుమార్ పిలుపునిచ్చారు. పాలన ప్రతి పౌరుడి గడప వద్దకు చేరాలని, ప్రజా సమస్యలను సమర్థవంతంగా పరిష్కరించేందుకే ‘ప్రజా సేవా’ విభాగాన్ని ఏర్పాటు చేశామన్నారు. గ్రామీణ ప్రాంతాల్లో తాగునీటి సరఫరా కోసం ప్రతి అసెంబ్లీ నియోజకవర్గానికి రూ.1 కోటి వరకు ఖర్చు చేసే అధికారం జిల్లా యంత్రాంగానికి ఉందని శివకుమార్ పునరుద్ఘాటించారు.

కొత్తగా వేసిన బోరుబావుల జీపీఎస్ వివరాలు నమోదు చేయాలని, కరువు సహాయక చర్యల్లో పూర్తి పారదర్శకత పాటించాలని అధికారులను హెచ్చరించారు. ప్రజలకు, పశువులకు తాగునీటి కొరత రాకుండా, పశుగ్రాసం అందుబాటులో ఉండేలా చూడాలన్నారు. భవిష్యత్తులో వర్షాలు కురుస్తాయనే అంచనాలతో రైతులు పంటలు వేయవద్దని విజ్ఞప్తి చేశారు. ఒకవేళ పంటలు వేసి నష్టపోతే బాధ్యత వారే వహించాల్సి ఉంటుందని, పంటల బీమాపై అధికారులు రైతులకు అవగాహన కల్పించాలని సూచించారు.

అల్మట్టి మినహా చాలా జలాశయాల్లో నీటి మట్టాలు తక్కువగా ఉన్నాయని, ఈ పరిస్థితుల్లో తమిళనాడుకు కావేరి నీటిని విడుదల చేసే స్థితిలో లేమని సంబంధిత కమిటీకి తెలియజేశామన్నారు. ఎల్‌నినో ప్రభావంపై ప్రధాని మోదీ కూడా హెచ్చరించారని, రాష్ట్రంలోని కరువు పరిస్థితులను వివరించేందుకు త్వరలో డిప్యూటీ సీఎం పరమేశ్వర నేతృత్వంలోని బృందం ప్రధానిని కలుస్తుందని తెలిపారు.