నీళ్లు కరువై.. గుండె చెరువై..
రంగారెడ్డిజిల్లాలో అన్నదాతల్లో ఆందోళన మొదలైంది. ఆరుగాలం శ్రమించి అప్పులు తీసుకువచ్చి పెట్టుబడులు పెట్టి, వరినాట్లు వేసిన రైతులు కళ్ల ముందే పొలాలు ఎండిపోతుండటంతో వారి గుండె చెరువవుతున్నది. జిల్లావ్యాప్తంగా భూగర్భజలాలు గణనీయంగా తగ్గిపోవడంతో బోరుబావులు ఎండిపోయాయి. ఏ గ్రామంలో చూసినా ఎండిన వరి పైర్లే దర్శనమిస్తున్నాయి.
- రంగారెడ్డి జిల్లాలో అల్లాడుతున్న అన్నదాతలు
- గణనీయంగా తగ్గిన భూగర్భజలాలు
- ఎక్కడికక్కడే ఎండిపోతున్న పొలాలు
- రైతుల శ్రమ, పెట్టుబడులు మట్టిపాలు
- తిప్పాయిగూడలో అన్నదాతల ఆక్రందన
రంగారెడ్డిజిల్లాలో అన్నదాతల్లో ఆందోళన మొదలైంది. ఆరుగాలం శ్రమించి అప్పులు తీసుకువచ్చి పెట్టుబడులు పెట్టి, వరినాట్లు వేసిన రైతులు కళ్ల ముందే పొలాలు ఎండిపోతుండటంతో వారి గుండె చెరువవుతున్నది. జిల్లావ్యాప్తంగా భూగర్భజలాలు గణనీయంగా తగ్గిపోవడంతో బోరుబావులు ఎండిపోయాయి. ఏ గ్రామంలో చూసినా ఎండిన వరి పైర్లే దర్శనమిస్తున్నాయి. ఎండిపోయిన పొలాలు పశువులు, గొర్రెలకు మేతగా మారిపోయాయి. మంచాల మండలం తిప్పాయిగూడ గ్రామంలో రైతుల పరిస్థితి అగమ్యగోచరంగా మారింది. గ్రామంలో సుమారు 400 మంది రైతులున్నారు. వీరిలో వందమందికి కూడా రైతు భరోసా రాలేదు. మిగతావారంతా పెట్టుబడి కోసం అప్పులు చేసి వరి వేశారు. వేసిన పంట కళ్లముందే ఎండిపోతుండటంతో కన్నీరుమున్నీరవుతున్నారు.
– రంగారెడ్డి, మార్చి 5 (నమస్తే తెలంగాణ)
పెట్టుబడి పాయె.. కష్టం పాయె..
నేను ఓ పెద్ద రైతు వద్ద రెండెకరాల పొలం కౌలుకు తీసుకున్నా. ఆ పొలంలో సుమారు యాభై వేల అప్పు చేసి వరి వేశా. పొలం దున్నినప్పటి నుంచి నాట్లు, ఎరువులు వంటి వాటికి యాభై నుంచి అరవై వేల వరకు ఖర్చయింది. నాట్లు వేసి నెల రోజులు కాకముందే బోరు ఎండిపోయింది. దీంతో వరి పూర్తిగా ఎండిపోయింది. నేను నా కుటుంబం మొత్తం పొలం పనుల్లోనే ఉండి పనిచేశాం. మేము చేసిన కష్టం పోయినప్పటికీ అప్పులు తీర్చే మార్గం కనిపించడంలేదు. – కళమ్మ, కౌలు రైతు, తిప్పాయిగూడ
అప్పులు తీర్చాలంటే ఏదైనా అమ్మాల్సిందే..
యాసంగిలో ఆరెకరాల్లో వరి పంట సాగు చేశా. దీని కోసం సుమారు రెండు లక్షలు ఖర్చయింది. పంటల సమయంలో రైతు భరోసా రాలేదు. అంతకుమందు కూడా వేసిన పంటలకు బ్యాంకు నుంచి రుణం తీసుకున్నా. ఆ రుణం కూడా మాఫీ కాలేదు. ఇప్పుడు వేసిన పంట నీళ్లులేక పూర్తిగా ఎండిపోయింది. చేసేదేమీలేక పంటను గొర్లు మేపుకోవడానికి ఇచ్చేశా. ఈ పరిస్థితిలో అప్పులు తీర్చాలంటే ఏదైనా అమ్మాల్సిన పరిస్థితి వచ్చింది. ఎండిన పంట పొలాలకు ప్రభుత్వమే పరిహారం ఇవ్వాలి. – జంగయ్య, రైతు, తిప్పాయిగూడ
మూడెకరాలు ఎండిపోయింది
నాకున్న మూడెకరాల్లో రెండెకరాలు వరి పంట వేశాను. ప్రభుత్వం రైతు భరోసా కూడా ఇవ్వలేదు. అయినప్పటికీ వ్యవసాయమే ప్రధానం కాబట్టి అప్పులుచేసి పంట సాగు చేశా. ఉన్న బోరు పూర్తిగా ఎండిపోయింది. వేసిన పంట పూర్తిగా ఎండిపోయింది. పంట పొలాలను చూసి గుండె తరుక్కుపోతున్నది. ఈ పరిస్థితిలో పొలంవైపు వెళ్లడానికి ఇష్టంలేక, పశువుల మేత కోసం వదిలేశాను. ప్రభుత్వం ఆదుకుని తమ అప్పులను మాఫీ చేయాలి.
– గాన్షా, కడీలబావితండా
Read Today's Latest Rangareddy News in Telugu and Telugu News
RELATED ARTICLES
తాజా వార్తలు
Salman Khan | చిరంజీవి, వెంకటేశ్, రామ్ చరణ్, ఎన్టీఆర్ సినిమాల్లో ఛాన్స్ ఇస్తే రెడీ.. టాలీవుడ్ హీరోలపై సల్మాన్ ఖాన్ ఆసక్తికర వ్యాఖ్యలు!
Priyanka Arul | ఓజీ హీరోయిన్ ప్రియాంక మోహన్ సాహసం.. అంధురాలిగా కొత్త అవతారం,బర్త్డే పోస్టర్తో ఆసక్తి పెంచిన మేకర్స్!
బాలిలో 50 అడుగుల గణేశుడు.. గిన్నిస్ వరల్డ్ రికార్డ్స్లో చోటు
Raaka | అల్లు అర్జున్ ‘రాకా’ మ్యూజిక్ డైరెక్టర్కు షాక్.. ధనుష్ ‘ఓం’తో సాయి అభ్యంకర్పై విమర్శలు!
Supreme Court | రక్తసంబంధ వివాహాలపై చట్టం అవసరం.. కేంద్రానికి సుప్రీంకోర్టు సూచన
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

