కంటి వెలుగు.. చూపు మెరుగు

సీఎం కేసీఆర్‌ జనరంజక పాలనతో బీఆర్‌ఎస్‌ తిరుగులేని శక్తిగా అవతరించిందని, మరోసారి జయం మనదేనని చేవెళ్ల ఎంపీ డాక్టర్‌ జి.రంజిత్‌రెడ్డి అన్నారు. సోమవారం మొయినాబాద్‌లో జరిగిన బీఆర్‌ఎస్‌ పార్టీ ఆత్మీయ సమ్మేళనానికి ఎమ్మెల్యే కాలె యాదయ్యతో కలిసి ఆయన హాజరయ్యారు. ఈ సందర్భంగా ఎంపీ మాట్లాడుతూ గడప గడపకూ సంక్షేమ ఫలాలు అందుతున్నాయన్నారు.

• కంటి వెలుగు.. చూపు మెరుగు
• రంగారెడ్డి జిల్లాలో కంటి పరీక్షలు 13,634
• రీడింగ్‌ అద్దాల పంపిణీ 990
• ప్రిస్క్రిప్షన్‌ అద్దాలు 851
• వికారాబాద్‌ జిల్లాలో కంటి పరీక్షలు 5,477
• రీడింగ్‌ అద్దాల పంపిణీ 575
•  ప్రిస్క్రిప్షన్‌ అద్దాలు 529

షాబాద్‌, మార్చి 27 : రంగారెడ్డి జిల్లావ్యాప్తంగా సోమవారం 80 బృందాల ద్వారా ఏర్పాటు చేసిన కంటి వెలుగు శిబిరాల్లో 13,634 మందికి కంటి పరీక్షలు నిర్వహించారు. ఇందులో 990 మందికి కంటి అద్దాలు పంపిణీ చేశారు. 851 మందికి ప్రిస్క్రిప్షన్‌ అద్దాల కోసం ఆర్డర్‌ చేశారు.

264 గ్రామాలు, 55 వార్డుల్లో కంటి వెలుగు శిబిరాలు

బొంరాస్‌పేట : జిల్లాలోని 42 కంటి వెలుగు కేంద్రాల్లో వైద్య బృందాలు 5477 మందికి కంటి పరీక్షలు నిర్వహించారు. వీరిలో 575 మందికి రీడింగ్‌ గ్లాసులు ఇవ్వగా, 529 మందికి అద్దాలను ఆర్డరిచ్చారు. ఇప్పటివరకు 264 గ్రామాలు, 55 వార్డుల్లో శిబిరాలను నిర్వహించినట్లు డీఎంహెచ్‌వో పాల్వన్‌కుమార్‌ తెలిపారు.

సీఎం కేసీఆర్‌కు కృతజ్ఞతలు

– ఎం.గోవర్ధన్‌రెడ్డి, గొల్లపల్లి, చేవెళ్ల మండలం
కంటి పరీక్షలు చేసుకోవాలంటే గతంలో వేరే చోటుకు వెళ్లాల్సి వచ్చేది. ఇప్పుడు అలాంటి ఇబ్బందులు లేకుండా తెలంగాణ ప్రభుత్వమే గ్రామాలకు వైద్యులను పంపి ఉచితంగా పరీక్షలు, మందులు, అద్దాలు అందిస్తున్నది. సీఎం కేసీఆర్‌ లాంటి వ్యక్తిని ఇప్పటివరకు నేను చూడలేదు. ఆయనకు మా కృతజ్ఞతలు.