కారుతో గుద్ది.. కత్తితో గొంతుకోసి..

ఇబ్రహీంపట్నం మండలంలోని రాయపోల్‌ గ్రామంలో జరిగిన కులోన్మాద హత్య సంచలనం రేపింది. సోమవారం ఉదయం హత్య జరిగిన విషయం తెలియడంతో పలువురు దిగ్భ్రాంతికి గురయ్యారు. సొంత అక్కను తమ్ముడు చంపిన విషయం తెలియడంతో రాయపోల్‌, పోల్కంపల్లి, దొండగూడ, మందగూడ, లింగంపల్లి, నాగన్‌పల్లి, దండుమైలారం, ముకునూరు గ్రామాల నుంచి ప్రజలు పెద్ద ఎత్తున ఘటనా స్థలానికి చేరుకున్నారు. తల్లిదండ్రులు చనిపోయినప్పటికీ నాగలక్ష్మి(26) పట్టుదలతో పోలీసుకానిస్టేబుల్‌ ఉద్యోగం సాధించింది.

• ఇబ్రహీంపట్నంలో సంచలనం రేపిన హత్య..
• అక్కను నరికి చంపిన తమ్ముడు..

ఇబ్రహీంపట్నంరూరల్‌, డిసెంబర్‌ 2 : ఇబ్రహీంపట్నం మండలంలోని రాయపోల్‌ గ్రామంలో జరిగిన కులోన్మాద హత్య సంచలనం రేపింది. సోమవారం ఉదయం హత్య జరిగిన విషయం తెలియడంతో పలువురు దిగ్భ్రాంతికి గురయ్యారు. సొంత అక్కను తమ్ముడు చంపిన విషయం తెలియడంతో రాయపోల్‌, పోల్కంపల్లి, దొండగూడ, మందగూడ, లింగంపల్లి, నాగన్‌పల్లి, దండుమైలారం, ముకునూరు గ్రామాల నుంచి ప్రజలు పెద్ద ఎత్తున ఘటనా స్థలానికి చేరుకున్నారు. తల్లిదండ్రులు చనిపోయినప్పటికీ నాగలక్ష్మి(26) పట్టుదలతో పోలీసుకానిస్టేబుల్‌ ఉద్యోగం సాధించింది. అంతలోనే హత్యకు గురికావడం గ్రామవాసులను కలచివేసింది.

కొంత కాలం క్రితం నాగలక్ష్మి తల్లిదండ్రులు అనారోగ్యంతో మృతి చెందారు. నాగలక్ష్మికి ఒక అక్క, తమ్ముడు ఉన్నారు. తల్లిదండ్రులు చనిపోయినప్పటికీ పట్టుదలగా చదివి 2022బ్యాచ్‌లో కానిస్టేబుల్‌గా ఎంపికైంది. ఉద్యోగం చేస్తూనే అదే గ్రామానికి చెందిన శ్రీకాంత్‌ను కులాంతర వివాహం చేసుకున్నది. ఇది నచ్చని ఆమె సోదరుడు పరమేశ్‌ ఆమెను ఎలాగైనా హత్య చేయాలని అనుకున్నాడు. సోమవారం ఉదయం 7 గంటల ప్రాంతంలో ఒంటరిగా ఉద్యోగానికి వెళ్తున్న విషయం తెలుసుకున్న పరమేశ్‌ కారుతో ఆమెను వెనుకనుంచి ఢీకొట్టి.. కిందపడిపోగానే విచక్షణా రహితంగా కత్తితో గొంతుకోసి హత్య చేశాడు.