అర్హులకు అందని పీఎం కిసాన్‌

పీఎం కిసాన్‌ పథకం పేరిట కేంద్ర ప్రభుత్వం రైతులకు పెట్టుబడి సాయం అందిస్తున్న విషయం తెలిసిందే. ఏటా మూడు విడతల్లో కలిపి ఒక్కో రైతు కుటుంబానికి రూ.6 వేల చొప్పున సాయం అందుతున్నది. 2019 ఫిబ్రవరిలో ఈ పథకం ప్రారంభమైంది. అయితే దీనిలో అనేక లోపాలు ఉన్నాయి.

పీఎం కిసాన్‌ పథకం పేరిట కేంద్ర ప్రభుత్వం రైతులకు పెట్టుబడి సాయం అందిస్తున్న విషయం తెలిసిందే. ఏటా మూడు విడతల్లో కలిపి ఒక్కో రైతు కుటుంబానికి రూ.6 వేల చొప్పున సాయం అందుతున్నది. 2019 ఫిబ్రవరిలో ఈ పథకం ప్రారంభమైంది. అయితే దీనిలో అనేక లోపాలు ఉన్నాయి.

2019 ఫిబ్రవరిలోపు పట్టాదారు పాసు పుస్తకం ఉన్నవారికే ఈ పథక లబ్ధి చేకూరుతున్నది. పథకం ప్రారంభమయ్యే నాటికి పట్టాదారు పాసు పుస్తకాలు ఉన్నవారే అర్హులనే నిబంధన వల్ల అనేకమంది రైతులు నష్టపోతున్నారు. ఆ తేదీ తర్వాత పట్టాదారు పాసు పుస్తకం పొందిన రైతులు దీనికి అనర్హులవుతున్నారు.

మన రాష్ట్రంలో సుమారు 30 లక్షల మంది రైతులకు మాత్రమే ఈ నిధులు అందుతున్నాయి. దేశవ్యాప్తంగా ఈ సంఖ్య 10 కోట్ల వరకు ఉండవచ్చు. అయితే నిబంధనల్లో పేర్కొన్న తేదీ తర్వాత ఒక్క మన రాష్ట్రంలోనే సుమారు 20 లక్షల మంది రైతులు కొత్తగా పాస్‌ పుస్తకాలు పొందారు. దేశవ్యాప్తంగా ఈ సంఖ్య కోట్లలో ఉంటుంది. అర్హులైనప్పటికీ ఈ రైతుల నుంచి కేంద్ర ప్రభుత్వం దరఖాస్తులు స్వీకరించడం లేదు. ఈ కారణంగా దేశవ్యాప్తంగా కోట్ల మంది రైతులు నష్టపోతున్నారు. రైతులకు శరాఘాతంగా మారిన ఈ నిబంధనను తొలగించాలి. అర్హులందరికీ పీఎం కిసాన్‌ సాయం అందజేయాలి. పెట్టుబడి వ్యయాలను దృష్టిలో ఉంచుకొని ప్రస్తుతం ఇస్తున్న సాయం మొత్తాన్ని కూడా పెంచాలి. రైతులను ఆదుకోవాలి.
– రావుల రామ్మోహన్‌రెడ్డి