కాంగ్రెస్‌ పాపాలు.. చిత్రగుప్తుడి చిట్టాలోంచి..

తెలంగాణ, ఆంధ్ర మధ్య జరిపించిన పెండ్లి సజావుగా సాగకపోతే విడాకులు తీసుకోవచ్చన్న వెసులుబాటు కూడా ఇచ్చాడు నెహ్రూ. కానీ, జరిగిందేమిటి? ఆ గయ్యాళి మొగుడు నుంచి విడాకులు తీసుకోవటానికి ఆ అమాయకురాలికి 57 ఏండ్ల 7 నెలల 1 రోజు పట్టింది.

తెలంగాణ, ఆంధ్ర విలీనాన్ని వర్ణిస్తూ జవహర్‌లాల్‌ ఒక ప్రకటన చేశారు. ఒక అమాయకపు బాలిక (తెలంగాణ)ను, ఒక తుంటరి బాలుడు (ఆంధ్ర)కు ఇచ్చి పెండ్లి చేస్తున్నాం అని. అసలు ఈ వర్ణనలోనే ఒక పెద్ద తప్పు దాగి ఉన్నది. తెలంగాణను అబ్బాయి అనాల్సింది. అమ్మాయి అయితే,మరి వరుడు ఇల్లరికం వచ్చాడా? ఇల్లరికపుటల్లుడు అణిగి, మణిగి ఉండాలి గానీ, అథారిటీ చెయ్యడమేమిటి? తన చుట్టాలందరినీ తీసుకువచ్చి అత్తారిల్లును ఆగం చేయడమేమిటి? వారి ప్రవర్తన వల్ల ఆ పెండ్లి రెండో రోజే పెటాకులైంది. ఇది అమ్మాయి తరఫు పెద్దలందరికీ అర్థమయ్యింది.

తెలంగాణ ప్రాజెక్టులకు అవసరమైన నిధుల పంపిణీలో రీజినల్‌ కమిటీ జోక్యాన్ని తగ్గించటంతో తెలంగాణ ప్రాజెక్టులన్నీ మూలనపడ్డాయి. సగం పూర్తయిన ప్రాజెక్టులు తుంగభద్ర (ఎల్బీసీ), ఎక్స్‌టెన్షన్‌, భీమా, ఎగువ కృష్ణా, గోదావరి బహుళార్థక సాధక, ఇచ్చంపల్లి, దేవనూరు తదితర ప్రాజెక్టుల సంగతిని వివక్ష పాలన చేసిన కుటిల ఆంధ్రా నాయకులు పట్టించుకోలేదు. ఇది కాంగ్రెస్‌ చేసిన 16వ తప్పు. తెలంగాణ ప్రాజెక్టుల కోసం మంజూరైన నిధులన్నీ నాయకుల బ్యాంకు ఖాతాల్లోకి వెళ్లిపోయాయి.

తెలంగాణ, ఆంధ్ర మధ్య జరిపించిన పెండ్లి సజావుగా సాగకపోతే విడాకులు తీసుకోవచ్చన్న వెసులుబాటు కూడా ఇచ్చాడు నెహ్రూ. కానీ, జరిగిందేమిటి? ఆ గయ్యాళి మొగుడు నుంచి విడాకులు తీసుకోవటానికి ఆ అమాయకురాలికి 57 ఏండ్ల 7 నెలల 1 రోజు పట్టింది. అతడు వదిలాడు, కానీ అతడి చుట్టాలందరూ ఇంకా ఆ అమాయకపు మహిళను ఏడిపిస్తున్నారు. తిన్నది చాలలేదు వారికి. ఇన్నేండ్లలో వెనుకేసుకున్న సంపదతో సంతృప్తి లేదు వారికి. ఇంకా ఆవిడ ఇంట్లోనే పడి ఉండి మెక్కుతూనే, తమ దాష్టీకం చెల్లాలంటున్నారు.

• నెహ్రూ చేసిన అసమాన వివాహం మొదటి తప్పు, పొరపాటు!
• ఇప్పటికీ బాలిక ఇంట్లో బతుకుతూ ఆమె ఇంటికి నిప్పు పెట్టాలనుకునే వారిది రెండో తప్పు. నిజానికి పాపం. ఇక చిట్టాలోని తప్పులు, పాపాలు లెక్కపెడుదాం!
•  నెహ్రూ దాచిన తన భయం మూడో తప్పు. ఐక్యరాజ్య సమితి ఇచ్చిన వెసులుబాటుతో హైదరాబాద్‌ రాష్ర్టాన్ని పునర్‌వ్యవస్థీకరణలో లేని అంశమైనా భాషా ప్రాతిపదికపై కన్నడ మాట్లాడే ప్రాంతాలను, మరాఠా మాట్లాడే ప్రాంతాలను హైదరాబాద్‌ రాష్ట్రం నుంచి విడగొట్టి ఆయా రాష్ర్టాల్లో కలిపారు. దీనికం టే ఘోరం ఏంటంటే ఆంధ్ర ప్రాంతాన్ని తె చ్చి తెలంగాణతో కలిపారు. రాష్ర్టాల పునర్‌వ్యవస్థీకరణలో భాష అనే అంశమే లేదు.
• ఒకే సంస్కృతిలో ప్రపంచానికే ఆదర్శంగా, ప్రశాంతంగా బతుకుతున్న సమాజాన్ని విడగొట్టి, పాపం చేసి, సంస్కృతి కలువని ఆంధ్రను కలిపి తెలంగాణకు నెహ్రూ ద్రోహం చేశారు. అది ఐదు దశాబ్దాలు సాగింది.
• హైదరాబాద్‌ రాష్ర్టాన్ని, ఆంధ్రను కలిపినప్పుడు ఇచ్చిన రక్షణలు పెద్ద మనుషుల ఒప్పందం అని రాసుకున్న పత్రాన్ని పార్లమెంటులో పెట్టి అధికారిక ఒప్పందంగా మార్చకపోవడం నెహ్రూ చేసిన ఐదో మహాపాపం. దాంతో అందులో ఉన్న నిబంధనలన్నీ స్వార్థ, అవినీతి ఆంధ్రా రాజకీయ నాయకులు తుంగలో తొక్కారు. 1964 వరకు బతికున్న నెహ్రూ ఇవేవీ పట్టించుకోలేదు.
• సంతకాల తడి ఆరకముందే ముఖ్యమంత్రి ఆంధ్రావారైతే, తెలంగాణకు ఉపముఖ్యమంత్రి పదవిని స్థానికుడికి ఇవ్వాల్సి వస్తుందని ఆ పోస్టునే రద్దు చేశాడు నీలం సంజీవరెడ్డి. ముందురోజు వరకు తాను ఆంధ్రకు ఉపముఖ్యమంత్రిగా జీతం తీసుకుని, ఆ స్థానాన్ని అవసరం లేని ఆరో వేలుతో పోల్చాడు. దీని గురించి నెహ్రూ పట్టించుకోలేదు. ఇది కాంగ్రెస్‌ చేసిన ఆరో పాపం.
• విలీన సమయంలో ఇటు తెలంగాణ ముఖ్యమంత్రి, విద్యావంతుడు బూర్గుల రామకృష్ణారావును, అటు అప్పటి వరకు ఆంధ్ర ముఖ్యమంత్రిగా ఉన్న బెజవాడ గోపాలరెడ్డిని కాకుండా ఉమ్మడి రాష్ర్టానికి నీలం సంజీవరెడ్డిని ముఖ్యమంత్రిని చేయడం నెహ్రూ చేసిన ఏడో తప్పు. నీలం సంజీవరెడ్డి లాంటి నాయకుడి సంస్కారం గ్రహించలేని తెలివితక్కువ వాడు కాదు నెహ్రూ. ఇది ఆయన చేసిన మహాపాపం!
• తెలంగాణ మంత్రివర్గంలో సీనియర్‌ మంత్రి అయిన చెన్నారెడ్డికి.. సమైక్య రాష్ట్రంలో నీలం సంజీవరెడ్డి తన క్యాబినెట్‌లో చోటు కల్పించకుండా, సెటిలర్‌ అయిన ఆంధ్రా శాసనసభ్యుడు వల్లూరి బసవరాజుకు రెవెన్యూశాఖ మంత్రి పదవి ఇచ్చాడు. తాను చెప్పిన దానికి వ్యతిరేకంగా ప్రవర్తించిన సంజీవరెడ్డిని కట్టడి చేయడానికి నెహ్రూ ప్రయత్నించలేదు. ఇది కాంగ్రెస్‌ పార్టీ చేసిన ఎనిమిదో తప్పు.
• పెద్ద మనుషుల ఒప్పందం ప్రకారం ఇచ్చిన రక్షణలు సక్రమంగా అమలయ్యేటట్టు పరిశీలించటానికి ఏర్పాటు చేసిన తెలంగాణ రీజినల్‌ కౌన్సిల్‌లో తెలంగాణ పదాన్ని తీసేసి రీజినల్‌ కమిటీ అని పేరుమార్చి దాని అధికార స్థాయిని తగ్గించారు కుటిల ఆంధ్రా నాయకులు. ఇది కూడా కాంగ్రెస్‌ కేంద్ర పెద్దలు పట్టించుకోలేదు. ఇది వారి తొమ్మిదో తప్పు.
• విలీనానికి ముందు ఉమ్మడి రాష్ట్రం పేరు ఆంధ్ర-తెలంగాణ అని ఢిల్లీలో నిర్ణయమైంది. ఒప్పందం మీద సంతకం చేసిన ఆం ధ్రా మోసకారి నాయకులు, హైదరాబాద్‌లో విమానం దిగేటప్పటికి దానిని ఆంధ్రప్రదేశ్‌ అని మార్చేశారు. ఇంత మోసాన్ని కూడా నె హ్రూ పట్టించుకోలేదు. అది ఆయన, కాం గ్రెస్‌ పార్టీ చేసిన 10వ తప్పు. పైగా మారిన పేరునే పార్లమెంటులో ఖరారు చేశారు.
• తెలంగాణ వ్యక్తి ముఖ్యమంత్రి కాని పక్షంలో, తెలంగాణ నేతకు ఉపముఖ్యమంత్రి పదవి ఇవ్వాలంటూ చేసుకున్న ఒప్పందాన్ని పార్లమెంటులో ప్రకటించిన రక్షణలో, రాష్ట్రపతి ఉత్తర్వుల్లో చేర్చలేదు. ఇలా నిర్లక్ష్యం చేయటం నెహ్రూ, కాంగ్రెస్‌ చేసిన 11వ పాపం. దీనిని తనకు అనుకూలంగా మార్చుకోగలిగాడు కుటిల మనస్కుడు నీలం సంజీవరెడ్డి.
• రీజినల్‌ కమిటీ ఒప్పందంలో పేర్కొన్నట్టు తెలంగాణ శాసనసభ్యులే కాకుండా మిగతా శాసనసభ్యులెవరైనా ఉండవచ్చని ఆర్డర్‌లో పేర్కొనటంతో తెలంగాణలోని విశాలాంధ్ర సమర్థకులను, తన అనుచరగణాన్ని సంజీవరెడ్డి ముఠాగా మార్చి రీజినల్‌ కమిటీ సభ్యులను చేశాడు. తెలంగాణకు మద్దతు పలుకకుండా ఆ కమిటీని నిర్వీర్యం చేశాడు. ఇది కూడా నెహ్రూ, కేంద్రం పట్టించుకోలేదు. ఇది వారి 12వ తప్పు. అంత బాహాటంగా, విశృంఖలంగా ఆంధ్రా నాయకులు ప్రవర్తిస్తుంటే, తెలంగాణకు తీరని అన్యాయం చేస్తుంటే, నెహ్రూ బాధ్యతారాహిత్యంగా ప్రవర్తించటం క్షమించరాని పాపం!
• తెలంగాణ భూములు ఇతర ప్రాంతాలవారు కొనాలంటే రీజినల్‌ కమిటీ అనుమతి కావాలాన్న ఒప్పందాన్ని ఎన్నడూ పాటించలేదు. ఇక ఆంధ్రావారు విచ్చలవిడిగా ఇక్కడి భూములు చౌకగా కొట్టేయటం ప్రారంభించారు. ముఖ్యమంత్రి, కమిటీలోని ఆయన శిష్యులు దానికి చక్కగా సహకరించారు. ఇది కాంగ్రెస్‌ పార్టీ 13వ పాపం.
• ప్రాంతీయ ఉద్యోగాలను తెలంగాణ వారికే ఇవ్వాలన్న పెద్ద మనుషుల ఒప్పందంలోని నిబంధనను పార్లమెంటు రక్షణల్లో చేర్చకుం డా ఆంధ్రానాయకులు జాగ్రత్త పడ్డారు. ఇక ప్రభుత్వ ఉద్యోగాలన్నీ ఆంధ్రా నాయకుల ఆధీనంలోకి వెళ్లిపోయి, ఆంధ్రా నుంచి దిగుమతి చేసిన వారితో ఖాళీలన్నీ నిండాయి. ఇది కాంగ్రెస్‌ పార్టీ చేసిన 14వ మోసం.
• పెద్ద మనుషుల ఒప్పందంలో తెలంగాణలో నీటిపారుదల అంశం ముఖ్యమైనది. దానిని పార్లమెంటు ఇచ్చిన రక్షణల్లో లేకుండా కూ డా ఆంధ్రా నాయకులు జాగ్రత్త పడ్డారు. అందుకే సగం పూర్తయిన ప్రాజెక్టులను వా రు నిర్లక్ష్యం చేస్తున్నారని జే చొక్కారావు వం టి నిబద్ధత కలిగిన తెలంగాణ నాయకులు పదేపదే అడిగినా, వారిది అరణ్య రోదనే అ య్యింది. ఇది కాంగ్రెస్‌ చేసిన 15వ తప్పు.
• తెలంగాణ ప్రాజెక్టులకు అవసరమైన నిధుల పంపిణీలో రీజినల్‌ కమిటీ జోక్యాన్ని తగ్గించటంతో తెలంగాణ ప్రాజెక్టులన్నీ మూలనపడ్డాయి. సగం పూర్తయిన ప్రాజెక్టులు తుంగభద్ర (ఎల్బీసీ), ఎక్స్‌టెన్షన్‌, భీమా, ఎగువ కృష్ణా, గోదావరి బహుళార్థక సాధక, ఇచ్చంపల్లి, దేవనూరు ప్రాజెక్టుల సంగతిని వివక్ష పాలన సాగించిన ఆంధ్రా కుటిల నేతలు పట్టించుకోలేదు. ఇది కాంగ్రెస్‌ చేసిన 16వ తప్పు. తెలంగాణ ప్రాజెక్టుల కోసం మంజూరైన నిధులన్నీ నాయకుల బ్యాంకు ఖాతాల్లోకి వెళ్లిపోయాయి.

ఈ రకంగా పైన చెప్పినవి, ఇంకా పెద్ద మనుషుల ఒప్పందంలో ఉన్న నిబంధనలు 1956 ఆగస్టు 10న పార్లమెంటులో కేంద్ర హోంశాఖ సమర్పించిన రక్షణల నోట్‌లో లేనేలేవు. దాని ప్రకారం తయారు చేసిన రాష్ట్రపతి ఉత్తర్వులు 1958 ఫిబ్రవరి 1న వెలువడ్డాయి. దానిని చూసిన తెలంగాణ నేతలు దిగ్భ్రాంతి చెందారు. ముఖ్యమంత్రి అంశాలన్నింటిని తొలగించడంతో తెలంగాణ నీళ్లు, నిధులు, నియామకాలు, భూములు, ఉర్దూ భాషకు ఆదరణ అన్నీ గాలిలో కలిసిపోయాయి. యథేచ్ఛగా తమ ప్రాంత పాలన చేతకాని నేతలు పరాయి ప్రాంతమైన తెలంగాణను తేరుకోలేని నష్టాలకు గురి చేశారు. వీటన్నింటినీ చూసి కూడా ఏమీ ఎరుగనట్టు నటించిన కాంగ్రెస్‌ పార్టీని తెలంగాణ ఎప్పటికీ క్షమించకూడదు.

-కనకదుర్గ దంటు